The making of Chudan Vallam #iypevallikadan #chundanvallam #snakeboat #nehrutrophyboatrace #boatrace #punnamadalake #alappuzha #vallikadan #iype #ചുണ്ടൻവള്ളം
ചുണ്ടൻ വള്ളവും വള്ളംകളിയും കുട്ടനാട്ടിലെ ഏതൊരു കരയുടെയും അഭിമാനമാണ്,ആറായിരത്തോളം കുടുംബങ്ങളുള്ള എടത്വാ - തലവടി പഞ്ചായത്ത് പ്രദേശത്താണ് പുത്തൻ ചുണ്ടൻ പണിതുയരുന്നത് കോഴിമുക്ക് സാബു നാരായണൻ ആശാരിയുടെ നേതൃത്വത്തിലുള്ള തലവടി പുത്തൻചുണ്ടനെ നീരണിയിക്കാൻ നാടൊട്ടുക്ക് ഒരുമയോടെ മാലിപ്പുരയിലുണ്ട്.
……….
എഴുപത് ലക്ഷത്തോളം രൂപയാണ് വള്ളപ്പണിക്ക് മാത്രം ചിലവാകുക.മറ്റ് ചിലവുകൾ കൂടി കൂട്ടിയാൽ ലക്ഷം കോടിയാകും.എങ്കിലും തലവടിക്കരയുടെ അഭിമാനമായി ചുണ്ടനെ ഒരു കുറ്റവും കുറവുമില്ലാതെ പണിതിറക്കാൻ നാട്ടുകാർ സമ്പത്തും മനസ്സും നൽകി കൂടെ നിൽക്കുന്നു.
……………
നൂറ് വയസ്സിന് മുകളിലെ ആഞ്ഞിലിത്തടിയിലാണ് നീണ്ടുനിവർന്ന് ചുണ്ടനാകുന്നത്.അടിഭാഗത്തെ പറയുന്നത് മാതാവെന്നാണ് ഇതിന്റെ പണി ഏകദേശം പൂർത്തിയായിട്ടുണ്ട്.ഇനി പണി പെട്ടെന്നാകും.
……..
പുതുകാലത്തെ ചെറു യന്ത്രങ്ങളുണ്ടെങ്കിലും കൈപ്പണി തന്നെയാണ് തടിയെ ചുണ്ടാനാക്കുന്നത്.
………
നാട്ടുകാർക്ക് അരോചകമാകാത്ത രീതിയിൽ ചെണ്ടമേള പ്രതീതിയോടെയാണ് താളത്തിൽ ആശാരിമാരുടെ തടിപ്പണി.
………….
ആശാരിമാരെ കൂടാതെ രണ്ട് ഇരുമ്പുപ്പണിക്കാർ കൂടെയുണ്ട്.വള്ളം പണിയുന്ന പുരക്ക് മാലിപ്പുരയെന്നാണ് പറയുന്നത്.ഇതിനോട് ചേർന്നൊരു ആലയുമുണ്ട്.
………..
പണിത് തീരുമ്പോൾ രണ്ട് ടൺ ഭാരമുണ്ടാകുന്ന ചുണ്ടൻ വള്ളത്തിൽ ഏതാണ്ട് 350 കിലോയോളം ഇരുമ്പും ഇടംപിടിക്കും.
……..
വള്ളത്തിന്റെ എട്ടിലൊന്ന് വലുപ്പത്തിൽ ചെറു മാതൃക പേപ്പറിൽ വരച്ചാണ് പണി.മാസങ്ങളോളം നീളുന്ന പണി കുറ്റവും കുറവും തീർത്ത് നവംബറിൽ അവസാനിച്ചേക്കും അന്ന് മണിമലയാറിന്റെ ഓളപ്പരപ്പുകളെ കീറിമുറിക്കാൻ തലവടി ചുണ്ടനുണ്ടാകും
.…………
ചുണ്ടൻ വള്ളങ്ങളുടെ രാജശിൽപി എന്നറിയപ്പെടുന്ന കോഴിമുക്ക് നാരായാണാചാരിയുടെ മകനാണ് തലവടിക്ക് ചുണ്ടൻ സമ്മാനിക്കാൻ അധ്വാനിക്കുന്ന സാബു.