Partnyorun səni həddən artıq qısqanır, hamıdan şübhələnirsə, hətta bəzən sənə də inanmadığını hiss edirsənsə, bunun yaxşı əlamət olmadığını bilməlisən. Lakin xüsusən qızlar evlənənə qədər bu ifrat qısqanclığı sevgi əlaməti bilib onunla qürrələnirlər də.
Paranoid şəxsiyyət pozuntusu olan insan hər kəsdən şübhələndiyi, hamıya bədbin yanaşdığı üçün bir çox vəziyyət və məsələləri olduğu kimi görə bilmir, təhsil və ya iş yoldaşlarından özünə qarşı təhlükə gözləyir, bundan irəli gələrək insanlarla soyuq davranır, onların yanında özünü yaxşı hiss etmir. Bu pozuntu əsasən irsi yolla keçir, belə şəxslər bəzən uşaqlıqdan oxşar xüsusiyyətlərlə diqqət çəkirlər.
Qısqanclıq zəminində həyat yoldaşını öldürən kişilər haqqında ara-sıra xəbərlər yayılır. Onlar əsasən paranoid şəxsiyyət pozuntusu olan kişilərdir. Belələri hətta boşandıqdan sonra da qadından əl çəkmir, onu eyni şəkildə qısqanmağa davam edirlər.
#psixologiya #psixoloq #ailə