Тараз тұрғындары төрт тәуліктен бері тура мағынасында байланыстан тыс қалды. Барлық операторлар бұғатталған қалада тіршілік тұралап қалған. Бұған түрмедегі байланысты тұншықтыратын қондырғының қойылғаны себеп болған. Түрлі қиындыққа тап болған тұрғындар кесірі көпке тиген түзету колонияларын сыртқа көшіруде талап етуде.
Тараз түрмесі көп қала. Шағын шаһарды шыр айнала бес бірдей түзету колониясы жайғасқан. Бұл әрине мақтанатын емес, мұңаятын жағдай боп тұр. Өйткені жазықсыз жұрт жазасын өтеушілердің күйін кешкенге күйінеді.
РЫМКҮЛ КҮЗЕКБАЕВА, Тараз қаласының тұрғыны:
- Мына телефонмен сөйлесе алмай қалдық. Балалар интернет қолдана алмай қалды. Мына жаққа бірдеме қойған дейді. Біз оны түсініп жатқанымыз жоқ. Көрші түрме бастығымен сөйлескен екен, заглужка қойдық депті ғой. Оны қойса өз жағына қойсын, бізде несі бар. Біз де тірлік жасауымыз керек. Балалар оқиды, интернет пайдаланады.
Түрмедегідей күй кешкен тұрғындар құқықтарының шектелгеніне наразы. Жайшылықта әзер ұстайтын байланыс соңғы төрт күнде тіптен жоқ дейді. Соның салдарынан біреу төлем төлей алмай шарасыз, баласын оқыта алмай амалсыз, барар жеріне жете алмай, алыс-жақыннан хабарсыз.
ЕДІЛ РАХМЕТОВ, Тараз қаласының тұрғыны:
- Байланыс жоқ. Интернетте қоя салыңызшы. Балаларымен хабарласа алмаймын қалдым ғой. Елдер жедел жәрдем шақыра алмай жатыр. Ұят қой бұл
Цифрлық заманда байланыстан тыс қалудың кесірін тізбектей бермесе де түсінікті. Шамамен 100 мыңға жуық жұрт зардап шеккен. Сөйтсе бар мәселе түрмеден шыққан екен. Байланысты шектейтін аппарат қуаты мекеме аумағынан асып кеткен.
ЕРКІН НҰРБАЕВ, Жамбыл облыстық ҚАЖД бастығының орынбасары:
- Ертең арнайы мамандар келіп, барлық ұялы байланыс мамандарымен бірлесіп, сыртқа шығып жатқан диапазондарды қысқартып, ішке қарай тартамыз. Ол туралы жұмыстар жүргізіледі. Бұның бәрі қазіргі заманауи аппараттар. Бәрі настройкаға келеді.
Бұл жаңашылдық еліміздегі барлық түрмеде жасалып жатыр дейді жауаптылар. Бірақ түзеу колониясының Таразда көп болуы қарапайым жұртқа кесірін тигізуде дейді. Сондықтан тараздықтардың түрме тәртібімен жүріп -тұруларына тура кеп тұр .
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал