Рет қаралды 33,110
Тараз түрмесінде сұмдық жағдай. Қаладағы ерекше түзету колониясында жазасын өтеуші жалғыз адам өткір затпен үш қызметкердің кеуде тұсына шыпақ салған. Жарақат алғандардың бәрі мекеме күзетшілері. Ауруханаға жеткіліген қызметкерлерге қазір ота жасалған. Біреуінің жағдайы өте мүшкіл. Дәрігерлер оның өкпесі тілініп кеткенін айтады. Ал түзету мекемесінде қару қайдан келді? Жанжалға не себеп? Нұрадин Рақай біліп көрді.
Үш бірдей қызметкерді жазым ете жаздаған жағдай ЖД 158/7 мекемесінде болған. Кезекті түгендеу кезінде сапта тұрған жазасын өтеуші күтпеген жерден қызметкерлерге шап берген. Шабуылды жалаң қолмен емес суық қарумен жасағанға ұқсайды. Өйткені жараланғандардың бірінің өкпесі тілінсе, екіншісінің ішегі кесілген.
СӘКЕН ЖҰМАШЕВ, №1 Қалалық ауруханасы бас дәрігерінің орынбасары:
- Облыстық көп салалы ауруханаға жеткізілді. Жағдайы қазір ауыр. Ішек құрылысына зақым келген. Оған ота жасалған. Үшінші науқастың жағдайы өте ауыр. Оң жақ көкіректен ұрылған. Өкпесіне зақым келген.
Бейресми ақпарат бойынша үш адамға шабуыл жасаған 34 жастағы Надир Акмишев деген жазасын өтеушінің аты аталады. Ол бұл қадамға бел бууына басқа бір сотталушының камерасын өзгерту үшін баруы мүмкін. Бірақ түрме басшысы бұл жағдайды жоққа да шығармады және растамады да. Тек қылмыстық іс қозғалуына байланысты болған жағдайды тергеу қорытындысы шықпай айта алмайтынын жеткізді.
ҒАЛЫМХАН ТІЛЕПОВ, ЖД 158/7 мекемесі бастығының міндетін атқарушы:
- Ол жағынан ешнәрсе айта алмаймыз. Қалай болды дегенді. Тексеру кезінде айтылады. Қызметтік тексеріс жүргізілгендіктен біз ондай зат айта алмаймыз. Ешкім олай болады деп ойлаған жоқ. Бәрі аяқ асты боп кетті.
Ал тінту тұрақты жүргізіліп тұратын түрмеде суық қару іспетті қатты заттың қайдан жүргені белгісіз. Жанжал шығарған жазасын өтеуші дереу оқшауланған. Айта кетер жайт 158/7 мекемесінде аса ауыр қылмыс жасағандар жазасын өтейді. Қазір колонияда 864 сотталушы жатыр.
Нұрадин Рақай, Дәулетбай Нұрмахан
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#түрме #қантөгіс #Тараз