Рет қаралды 4,313
Нұр-Сұлтандағы "Шапағат" базарының маңында сауда жасайтын азаматтардың көбі кешелі бері үйлерінде емес, көшеде қонып жүр. Өйткені әкімдік мамандары жабайы сауданы тоқтатып, басқа жерге көшіретіндерін айтқан. Ал, саудагерлер үйреніп қалған орнымыздан кетпейміз, әкімдіктен тегін берілетін жерлерде мүлдем саудамыз жүрмейді деп отыр. Екі жақ та разы болатындай шешім іздеген шенеунік көрінбей тұр. Себебі жауаптылар көшені базар қылған саудагерлердің үстінен тұрғындардан талай рет арыз түскенін алға тартып, болашақта базар маңында гүлзар егетін жоспарларымен бөлісіп тіпті, қалайда жабайы базарды құртамыз деп бекініп отыр.
Мұнда негізінен орта жастан асқан әйелдер мен әжейлер сауда жасайды. Заңсыз екенін біледі. Бірақ әкімдік тегін беретін жерде саудамыз мүлдем болмайды деп бармай отыр. Екі жылдан бері осында сауда жасайтын Қалдыкүл Әлекеева "қазір мені ешкім жұмысқа алмайды, зейнет жасыма жеткенше осында нәпақа табамын" дейді.
ҚАЛДЫКҮЛ ӘЛЕКЕЕВА, саудагер:
- Келіп қуады. Маған жұмысқа тұр дейді. Мені жұмысқа кім алады? Балам? Алпыстағы адамды? Бұл жерден бір там салып, үй салып жатсам екен. Міне азғантай: арзан қылып сатамыз.
Мұндағы саудегерлер әбден ашынған. Өйткені бұған дейін де әкімдік мамандары заңсыз сауданы жоямыз деп бірнеше рет ескертіпті. Кешелі бері осында қонып, аштық жариялап отырған азаматтар шенеуніктердің ол сөзіне мүлдем сенбейді.
АЙТКҮЛ ӘБІШОВА, көпбалалы ана:
- Подземканың астына келіп отырдық. Подземканы айтты, әдемілеп істеп береміз отыра беріңдер деді. Ол жерде отырдық. Бірақ, істеді, салынды басқа адамға беріп жіберді.
Жабайы базардан сауда жасап жүрген халықтың кейбірі, мұндағылар таразыдан жеп сатады десе, кейбірі бұл базар жабылмасын дейді. Ал, жабайы базарда сауда істейтін 71 азаматпен талай рет кездесіп, басқа сауда орнын ұсындық деген әкімдіктегілер түсіндіріп-түсіндіріп шаршадық дейді.
ӘБДІРАХМАН ДӘУЛЕНБАЕВ, Нұр-Сұлтан қаласы, Сарыарқа ауданы әкімінің орынбасары:
- Жаңа палаткалар қойдық. Үстелдерін қойдық. Оны қасына охранное агенствоны қойдық. Биотуалеті, барлық жағдай жасалды. Мен өзім кешеден осы жерде жүрмін. Менің өзім 10 рет айттым бұл кісілерге. Бұл жерде тұрғаннан ешқандай пайда шешілмейді.
АЙБАР ТӨЛЖАНҰЛЫ, тілші:
- Әкімнің орынбасары жабайы базарда санитарлық норма сақталмайды, бірнеше рет түсіндірдік, енді Сарыарқа ауданының әкімі бұл азаматтарды қабылдайды деді. Ал, талай жылдан бері сауда жасап келе жатқан әйелдер, әбден аузымыз күйді, ол жерден кетпейміз, қажет болса аштық жариялаймыз деп бекініп отыр. Соған қарағанда саудагерлер мен әкімнің саудасы әлі ұзаққа созылатын секілді.
Айбар Төлжанұлы, Дидар Елеуов, Нұркен Тоқмурзин
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Шапағат #жабайы_сауда #саудагерлер #жұмыссыздық