#TastyTrip #ရေနံချောင်းမြို့ #MizzimaTV
"ဆိပ်သာကွန်းထောက်" "ရေနံသာ" "ကျောက်ကာ" "မီးမငြိမ်းမြို့တော်" "ရေနံချောင်း"
ရာဇဝင်ထဲမှာ အမည် ၅ ခုနဲ့ ရှင်သန်ခဲ့တဲ့မြို့တွေထဲမှာ မြန်မာနိုင်ငံအလယ်ပိုင်းဒေသက ရေနံချောင်းမြို့လည်း ပါဝင်ပါတယ်။
ရေနံချောင်းမြို့ဟာ ပူပြင်းခြောက်သွေ့တယ် …
မြို့တစ်ဖက်ခြမ်းမှာ ဧရာဝတီမြစ်နဲ့ တစ်ဖက်ခြမ်းမှာတော့ ကုန်းခေါင်ခေါင် တောင်ကမူတွေနဲ့ ပတ်လည်ဝိုင်းနေတယ်… ပြီးတော့ ခပ်ပြေပြေ တောင်ဆင်းတောင်တက် လမ်းကွေ့ကွေ့ကောက်ကောက်လေးတွေ ရှိတယ်… မြို့အဝင်လမ်းတစ်ဖက်တစ်ချက်မှာလည်း ရေနံချောင်းရဲ့အမှတ်သင်္ကေတဖြစ်တဲ့ ရေနံတူးစက်ကြီးတွေနဲ့ ရေနံစင်ကြီးတွေကို တမျှော်တခေါ်ကြီး တွေ့နိုင်တယ် … ကိုလိုနီခေတ်က အချက်အချာကျတဲ့ဒေသဖြစ်လို့ ရှေးရှေးတုန်းက အိမ်အိုကြီးတွေကိုလည်း တွေ့နိုင်တယ် …
ရေနံတွင်းစားသူဌေးတွေ … ကုန်သည်သူဌေးတွေ … အရာထမ်းအမှုထမ်းတွေများလို့ ဘုရားကျောင်းကန်နဲ့ သာသနိကအဆောက်အဦးတွေကိုလည်း လက်ညှိုးထိုးမလွဲ တွေ့နိုင်သေးတယ် … ပြီးတော့ ရေနံချောင်းမြို့ဟာ မြန်မာနိုင်ငံလွတ်လပ်ရေးသမိုင်းထဲမှာလည်း အထင်ကရကျတဲ့ တစ်ထောင့်တစ်နေရာက ပါဝင်နေသေးတယ် …
ဒီလို ရေးပြစရာတွေ မကုန်နိုင်လောက်အောင် ဖြစ်ရတဲ့ ငါးမည်ရတဲ့ ရေနံချောင်းမြို့လေးကို Tasty Trip အဖွဲ့သားတွေ ရောက်ခဲ့ကြပါပြီ …