Рет қаралды 448
«Наз» мемлекеттік би театрының репертуарындағы інжу-маржандарының бірі «Тау ұлы» биі. Көрермендердің әрдайым көңілінен шығатын, қайталап көрсең де жалықпайтын ғажайып қойылым. Қойылым тарихы сюжетте кеңінен баяндалған.
Бұл би қойылым көрерменді бірден сонау алыс ғасырларға, бабалар жүріп өткен қойнауы қазына тарихқа жетелеп әкетеді.
Жаугершілік заман... Бітпейтін қанды жорықтар... Түнгі күзет... Ат құлағында ойнаған қайсар жігіттер...
«Түн қатып жүріп, түс қашпай,
Тебінгіні теріс салмай,
Темірқазық жастанбай,
Қу толағай бастанбай,
Ерлердің ісі бітер ме?!» деп жорық жыршысы Махамбет бабамыз жырлаған «Ереулі атқа ер салмай, Егеулі найза қолға алмай» деген кезеңдер көз алдыңнан өтеді.
Қоюшы-хореограф Есбол Долдыкеннің бұл қойылымы әлі талай ұрпақты тәрбиелері хақ.