#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ДАСТАН СЕРІКҰЛЫ - бас механик
Былтыр елімізде 328,6 мың тонна құс еті өндірілді. Отандық құс фабрикалары ішкі нарыққа өнімнің 74 пайызын жеткізді. Ауыл шаруашылығы министрлігінің мәліметінше, былтыр экспортқа отыз мың тонна ға жуық өнім жөнелтілді. Сондай-ақ былтыр етті құс шаруашылығын субсидиялауға 21,7 млрд теңге, оның ішінде құс еті өндірісінің құнын арзандатуға - 21,4 млрд теңге және асыл тұқымды тәуліктік балапанды сатып алуға - 336,8 млн теңге бағытталды. Алдағы 3 жылда жалпы қуаттылығы 210 мың тонна құс етін өндіретін 29 жобаны іске қосу жоспарланып. Бұл 2027 жылға қарай импортқа тәуелділікті толық жабуға мүмкіндік береді. Жалпы елімізде құс фабрикалары қалай жұмыс істеп жатыр? Өндірістің даму қарқыны қалай? Сондай-ақ саладағы проблемалар жайлы бүгінгі кейіпкеріміз Дастан Серікұлы баяндайды. Ол фабрикада басшы болмаса да, нағыз еңбек адамы. Құс фабрикасының жүрегіне айналған құрылғылардың дүрсілін тоқтатпай отырған жөндеу механигі.
Соңғы жылдары құс шаруашылығы өнімдерінің сан және сапа тұрғысынан өсуі байқалады. Қазақстанның құс фабрикалары импортты қысқартып, өнімді экспорттау үшін барынша жағдай жасап келеді. Бұл жолда кәсіпорындарға әлемдік компаниялар ұсынған заманауи құрал-жабдықтың септігі зор. Мұндай технология ауа температурасы және айналымы, ылғалдығы тұрғысынан барлық талапты сақтауға мүмкіндік береді. Құс ұстауға арналған ғимараттар толықтай автономды жұмыс істейді, олар цифрлық жүйелер арқылы кез келген топтағы құстың өмір сүруіне барынша қолайлы жағдай жасайды. Сондай күрделі технологиялардың тілін меңгеріп, сынған жағдайда ақауды түзеп, біліктілігін көрсететін кадрлер де елімізде аз емес.
Бұл салада мәселе де аз емес. Мысалға, соңғы жылдары елімізде тауық еті мен жұмыртқа шығаратын 12 құс фабрикасы жабылған. Кәсіпорындардың тоқырауға ұшырауына мемлекеттен бөлінетін кейбір субсидиялық төлемдердің тоқтатылуы және құс жемінің қымбаттауы себеп болды. Бұл нарыққа теріс әсер етіп, жұмыртқаның қымбаттап жатқанын көрдіңіздер. Сондықтан, үкімет пен құзырлы органдар құс фабрикаларын қолдаудың жаңа механизмдерін табуы міндет. Әйтпесе, қазір халықтың бір қыста брнеше жылқы мен ірі қараны соғымға сойып, әр қонақтың алдына қойдың басын тартатын жағдайы жоқ. Көпшілік күнделікті тұрмыста ьқұс етін тұтынуға мәжбүр. Ең бастысы - жұмыс орындарын сақтап қалу керек. Құс фабрикаларында қаншама адам нәпақасын тауып, адал еңбек етіп жатыр. Жалпы, мемлекет құс фабрикасын ғана емес, тұтас өнерәсіпті өркендетуге мүдделі. Тек, нақты қадамдар жасалып, оң шешім шығарылса игі. Әйтпесе, бірнеше жылда 10-нан аса құс фабрикасының жабылып қалуы алаңдатарлық жәйт.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev