Рет қаралды 218,805
တော်လှန်ရေးတပ်တွေ တိုက်ခိုက်ခဲ့တဲ့ တံတားဦး လေတပ်စခန်း (ရုပ်/သံ)
ယဉ်မွန်၊ ဧပြီ ၂၂၊ ၂၀၂၄
မန္တလေးတိုင်း အတွင်းမှာရှိတဲ့ တံတားဦး လေတပ်စခန်းကို ရှော့တိုက်ဒုံး ၁၅ လုံးနဲ့ ပစ်ခတ်တိုက်ခိုက်ခဲ့တဲ့ အကြောင်း လွတ်လပ်သော တော်လှန်ရေး အင်အားစု (FRF) အဖွဲ့က ဧပြီလ ၁၈ ရက်နေ့မှာ တရားဝင် ထုတ်ပြန် ကြေညာထားပါတယ်။
တံတားဦး လေတပ်စခန်းဟာ အရပ်သားတွေ၊ ကျေးရွာတွေ၊ စာသင်ကျောင်းတွေနဲ့ ဘာသာရေး
အဆောက်အအုံတွေအပေါ် လေကြောင်းက ပစ်ခတ်တိုက်ခိုက်မှု၊ ဗုံးကြဲမှု စတဲ့ စစ်ရာဇဝတ်မှုကျူးလွန်တဲ့ လေကြောင်း စစ်ဆင်ရေးရဲ့ တာထွက်ရာနေရာတွေထဲကတခု အပါအဝင်ဖြစ်ပါတယ်။
အဲဒီလေတပ်စခန်းကို ဧပြီလ ၁၇ ရက်နေ့မနက်ပိုင်းမှာ တော်လှန်ရေးတပ်တွေက ၁၀၇ မမ ရှော့တိုက်ဒုံး ၁၀ လုံး၊ ၉၀ မမ ရှော့တိုက်ဒုံး ၅ လုံးတို့နဲ့ ပစ်ခတ်တိုက်ခိုက်ခဲ့တာလို့ ပြောပါတယ်။