خلاصة القول إذا أنت راعي مشاوير وتضرب خطوط وتمشي بالسنة الوحدة ما يقارب أربعين خمسين ألف كيلو لا يقربك البنزين هنا الديزل بيكون خيار مناسب لك .

يعطيك العافية وشاكر على استنتاجك الجميل فعلا انا كنت متردد بين الديزل والبنزين وخصوصا أن ما عرف الا البنزين من يومي جزاك الله خير انا رح اشتر بنزين بعدك

خير الكلام ماقل ودل. ‏الله يبيض وجهك عز الله إنك عطيتني الجواب من الاخير. كلامك منطقي ١٠٠٪؜.

بيض الله وجهك كلامك منطقي لاجينا للمنطق يعطيك العافيه

صدقت يابو ابراهيم وجزاك الله خير

بيض الله وجهك اقتنعت ان البنزين افضل بمليون مره ومن الان قررت اكنسل الديزل لشئ بسيط ان ديزل مبالغ في سعرها والبنزين يزيد شي بسيط ولا يحتاج صيانه اكثر مثل الديزل

فرق الديزل عن البانزين وتتبقى وجهة النظر محترمة

البانزين اذا انت رجال راتبك فوق ١٥الف وميزانيتك حلوه ميحتاج تاخذ ديزل اما اذا ميزانيتك ضعيفه يصلحلك ديزل

مسا الخير ع الجميع والف شكر لراعي المقطع وحبيت اشاركم النقاش بحكم اني من الناس اللي دوامهم يومي رايح 100 وراد 100 كليلو يعني يومي 200 كيلو وللناس اللي يفضل هذا عن هذا. اصلاً حرام حرام احد يقارن البانزين في الديزل الديزل يتفوق ع البانزين بكثير اشياء منها طول عمر المكينه والحراره والمكيف. البانزين فقط في الاحصنه والتسارع وصوت المكينه اما الديزل في التورك والتوفير وقطع مسافات اطول وقليل اعطال انا اكلمكم من واقع تجربه فيه دوامي مايقارب 8 سنوات اما اللي مشاويره قليله وداخل الديره ماتفرق معه كثير لو اخذ ديزل او بانزين. وتحياتي لكم

معك حق الفكرة تعتمد على كمية المشاوير لكل شخص

طيب انا معي ديزل وبنزين ومافي فرق بينهم الا بصرفيه الوقود

يازين البنزين

اتوقع نفس بعض تقتصد با الوقود ديزل يعني وفيه هناك قطع استهلاكيه وصيانه

الله يبيض وجهك والله يوفقك

عيشت … وصح لسانك كلامك يدخل الراس واقرب الى المنطق

كلامك ممتاز الله يوفقك🌷

والي عنده مؤسسة يفضل الديزل أو البانزين. ولاتنسى بعد الصيانة بالمجمل اي افضل؟

جزاك الله خيرا ورحم الله والديك

السيارات ديزل بيك اب صرفيه ضعيفه جدا بعدين فرق سعر بالشراء تراه عادي ممكن بعدين تمر ب ازمة ماليه الديزل بيكون اقتصادي اكثر

للمجربين الديزل في حال المحافظة على تغيير فلاتر طرمبة الديزل وفلتر الهواء... بيعيش التربو ويطول أو لا خلال خمس سنوات

كلامك صحيح .صرفت النظر عن الديزل 👍👍

انا مخوفني ان الديزل اذا ارتفع سعره ... هل بيضل نفس ماهو الان او بيشعلل زي الامارات

صدقت ... تسلم

انت الله يعطيك العافيه .. 🌹🌹🌸 مختصر مفيد .. للمشي والكرف الديزل .. استخدام عادي وخفيف للبنزين . .

مثل الي يعود نفسه على مسك الريال ويقتصد تصير عاده له طول حياته ونا اعرف ناس سياراتهم بنزين مايخلوون ديره يتمشووون دايم

اشهد انه صادق .وخصوصا تيربو مع صيف تندم تحياتي لك

نصيحة من محب لاتشري جيب بنزين والله تندم الفرق بصوت الديزل فقط ماعليك منهم الديزل اتجاه اغلب الناس له اقتصاد بلامنازع وراحة وتوفير تفلله ب50 ريال ويمشيك داخل المدينة اسبوعين يوميا مشاوير هذا أفضل أو تفلل البنزين ب250 ولايمشيك اسبوع بالعقل أحسبها بعدين قطع غيار الديزل رخيصة لحد يكذب عليك وبعدين تطول مهي استهلاكية زي البنزين سريع الاعطال والطلبات نصيحة لاتقرب البنزين وسلامتك

ب اختصار من واقع تجربه الديزل عيبه الصوت والقومية فقط ولا الباقي معليه كلام من ناحيه عمر وخرابات والصرفيه عاد معروفه توفير ابن توفير انصحكم .

ماشاء الله دراسه سعودية

موضوع جميل 👀🖐️

الدييزل ب الوقت الحالي المعروف انها اتنافس البانزين ب العزم و القوه برادو ٢٠٢٠ ديزل قوته لا اله الا الله مااشاء الله تبارك الرحمن و فوق هذا ما يصرف و تسارعه حيل سريع ١١ ثانيه من صفر ل ١٠٠ و الي يسئل كم سرندل هو ٤ سرندل لكن ٣٠٠٠ سي سي قوه المحرك

يعتمد على استخدامك صحيح و ايضا قرار شراء سيارة أحسبه من جديد بس إذا بتشتري سيارة ما عندك غيرها الخيارات كثيرة ممكن تروح تأخذ سيارة موفرة صغيره ممكن تأخذ هجين ممكن تأخذ محرك تيربو

الديزل عمر أفضل وآداء محرك أفضل ويسهتلك أقل من البنزين في المشاوير الميزة الوحيدة بالبنزين الصوت والصيانة

فيه نقطه مهم عن تجربه مميزات الديزل اذا سار حادث او تسرب خزان لا قدر الله او ظرب التناكي من تحت عادي نادر جدآ يشتعل اما البنزين لو حادث او تسرب البنزين ياسلام سلم تولع وتحترق السياره لا قدر الله يعني الديزل امان باذن الله سيفتي وشكرآ

الديزل أكثر عزم..

ابغى الزبده انا طفرت بسبب ارتفاع سعر البنزين ودوامي كل يوم ٤٠ كيلو غير اني نص يومي بالسياره اشغال عندي كامري ٢٠١٧ تنصحوني اغير مكينه ديزل ولا؟

كلامك صحيح.ميه باالمية

غلطان ونص.. مكينه الديزل تعيش اضعاف مكينة البنزين انا مجرب الديزل سنوات عجاف معدوم الاعطال تقريبا اكثر الخراب بطرنبه الديزل لكن اذا كنت تغير فلاتر الديزل بأنتظام امورك طيبه

اعذرني معلومات عن حرارة التيربو خطاء اذا مهتم في سيارتك وتعرف تستخدم صح ما يخرب والاهم زيت بس

والله صدقت بس عسى الله ينزل البنزين

اكبر مصيبه فرق السعر الكبير بين الديزل والبانزين لدرجه تخليك ما تقارن وتاخذ بانزين على طول

السلام عليكم ورحمة الله وبركاته اخوكم من الجنوب الجزائري نحن في الجزائر سيارات بمحرك ديزل هي الأفضل و الأقوى و الامتن و الأغلى ثمنا و الناس الذين لهم مستوى مالي ممتاز لا يشترون إلا سيارات تيربو ديزيل ليس بسب رخص وقود الديزل بل بسب انها اكثر عملية و قليلة الأعطال و عند شراء سيارة ديزل ينصح ان تكون جديدة او غير مستعملة كثيراً و هناك شرط يجب على مالك سيارة ديزل ان يقوم بصيانة دورية للمحرك لان الإهمال يضر المحرك تغيير الزيت فلتر الزيت فلتر الديزل فلتر الهواء يجب تغيرهم في وقتهم و هناك شرط اخر تعلمينه و هو لا تعبي وقود الديزل في محطة قديمة ابدأ دائما عمر المازوت في المحطات الجديدة بسبب الماء في الديزل الذين يقضي على المحرك

ياخوي المقصد البنزين كل شوي يغلى يعني بعد كم سنه ممكن يطبع ١٥ الف رياال ب السنه

اما السواق الي يبي دايم سرعه وفيه عجله وفيه خفه يجنب عن الديزل اما السواق الي ثقيل وراعي خط طويل ومعه صبر ويبي موتر عمره طويل وخرابه قليل ويشل الثقيل ولا يبيد يكد عشرات السنين بتوفيق الله ياخذ موتر ديزل ويرتاح والدليل مايشيل الحمول الا الديزل وفيه عدم الحراره ودمتم سالمين

كلامك منطقي واضح فيه فايده كبيره

الشغله مو مشكله صرفيه فقط صحيح الديزل اوفر والديزل ايضآ تشغيله ما يحتاج كهربه ما فيه حساسات مثل البنزين

اتفق معك يابو ابراهيم

توجه الناس للديزل ... مع الرؤيه اربطوا الاحزمه

اصحاب الجيوب هم الي فعلا بيفرق معهم الديزل ممكن يوفر ٨ الاف سنويا اصحاب الشاصات والفتكات

انا جربت سيارات الديزل خارج البلد فـ(المانيا) ماجازتلي والنية بشتري لاندر كروزر 2021 استخدامه للسفر فقط ، فالشهر مره وحده وباقي الوقت واقف فالبايكه وبحط ميزانية 1000 ريال بنزين للرحلة

تسلم يا حبيب القلب جزاك الله خيرا

والله غلطان يالحبيب عندي هيلكس ديزال افللها فل ب٣١ ريال تمشيني ٧٥٠ كيلو وبنفس الوقت عندي بنزين افللها ب٨٦ ريال والله ماتوصل حتى ٤٠٠ كيلو

‏عز الله صدقت وعندنا وكلا استغلاليين خاصة في سيارارت ديزل او البنزين مع أن التكلفة في المصانع واحدة

الديزل جميل لكن عيبه الصيانه المستمره

الرجال كلامة ممتاز 👌🏻

المهم بداية السنه بيصير الديزل بريالين اسمه الديزل المصفى حق سيارات السيدان توفر ماتوفر كل شي باارتفاع سيارات بنزين ولاديزل كله بارتفاع الاراضي البيوت بارتفاع الغنم مواد غذائيه بارتفاع الكهرب المويه الله يبعد عننا الغلاء والله يزينها باقرب وقت ملينا وتعبنا من الصرف والضرايب على اشياء حنا مانستفيد منها

اي والله سويت حسبه باالحاسبه طلعت ماتخرج اشتري موتر ديزل جيب برادو ولاجيب ايسوزو القيمه من 150الف وفوق لمواتر الديزل ادفع قسط 2500شهري لمدة خمس سنوات عشان اخلص قيمة الجيب يعني لواحطها بنزين باالكورولا 20سنه قدام والبنزين غالي تجي باالقيمه ذي يعني خلني عالبنزين اصرف واريح باالعزم والحمدلله على كل حال

مثلها مثل السيارة الكهرباية تدفع عشر آلاف زياده حق النزين سنتين.

اهلا بالطله 😘😘 احلا قناه

اتوقع ما سقت الديزل.. ميزه البنزين صوته فقط و اللا الباقي في صالح الديزل

عندي اكورد 12 افلبها ب 145ريال الاكورد صرفيتها تمام بس يعني اسياره اكله عمرها افكر بازيرا ديزل مادري الله يكتب الخيره

يعجبني اللي يختصر الكلام

صح كلامك

انا رأيي أنك تغير سيارتك عشان سعر البنزين أكبر خطأ لأن الفارق تعبي به لمدة سنتين، لكن لو انت مبيّت النية تشتري جيب او سيارتك منتهية وتبي تجدد هنا الديزل أفضل خيار لكن تنتبه للصيانة

الديزل اقل مصروف واقل تصليح ومعادن محرك مصنوع بدقه اكبرليتحمل انفجارالمكبس

الله يسقي فيديو ايام البنزين ب 1.30. الان فوق ريالين ...

المشكلة في عمر السياره والصيانة والتصليح...... الديزل مكلف جدا

مشكور جدا وياحبذا الي بقدم فيديوات مفيدة هكذا ينتبه عالصوت والضجيج يعني لو كنت واقف في مكان هادي ونسمع كل ماقلت كان افضل

انا وذ يظمن لي احط لي مبلغ حول ميه الف وبعد ما اشتري الموتر ينزل قرار يخلي سعر لتر الديزل نفس البنزين هنا الواحد ينجلط

اللي أقنعتهم ب كلامك قبل سنتين ندمانين أشد الندم 😅 والحمدلله أني لست منهم وشريت ديزل

السلام عليكم كيف حالكم اخواني اولاً احيي الاخ على اجتهادة الشخصي ثانياً انا حربت الديزل واستخدمته واشتري وابيع واستورد الديزل وانا بتكلم من واقع تجربه لأكثر من سياره اولاً : ليه سعر الديزل مرتفع ؟ الجواب : السياره وهي جديده تفرق من ١٠ الاف الى ١٥ الف ريال كسعر عشان محرك الديزل طيب ليه غالي كذا ؟ لأن محرك الديزل يصبر ويتحمل ويكد اكثر من البنزين غير زيت وفلاتر وتوكل على الله فقط ثانياً : هل أحصل قطع غيار للديزل ؟ الحواب : قطع الغيار الاستهلاكية هي نفس البنزين والقير والمكينه موجوده بالقصيم والجوف بكثره واساساً استبعد عطل المكينة لانه زي ماذكرت لكم الديزل يتحمل ثالثاً : هل فيه دخان وازعاج المحرك ؟ الحواب : لا دخانه عادي كأنه البنزين وريحته احلى صرحه ههههههه وصوت المكينه اقوى من البنزين بشكل غير ملحوظ رابعاً : هل العزم اضعف من البنزين ؟ الجواب : لا او افضل من البنزين بحكم التيربو والتورك العالي بالديزل خامساً : ليه أنصح بالديزل ؟ الجواب : اول شي توفير خصوصاً للي مشاويره كثيره او يداوم من مدينه لمدينه ثاني شي صراحه نظافه ومواصفات حلوه ولا تخطر على البال ابداً وهذا مالدي ياخواني واخواتي وانا اسف على الاطاله وأي استفسار او طلب سياره هذا رقمي 0536946821 ✋

انا افضل الديزل مع ان استخدامي قليل جدن لسياره احب صوته

اضف إلى ذلك أن قطع غيار الديزل أضعاف البانزين خذ على سبيل المثال الطرمبة سعر الديزل خيال هذا كلام مهندس سيارات وأنا مجرد ناقل.

مقنع جداً ❤❤❤

غلطان يالحبيب من ناحية العزم انا حضرت منافسة سحب بين برادو بنزين 2017 وبين ايسوزو يوماكس 2016 ديزل والغلبة كانت للديزل ماشاءالله ولعنة ام البرادو في عدة مرات . فاعذرني بعض معلوماتك لازمها تصحيح وتحياتي لك

كل عام والجميع بخير وصحه وسلامه استفسار لأهل الخبره ممكن توضحون لنا عن أفضل موديل لسيارة ايسوزو ديماكس علما بأن الميزانيه حدود ٣٠ الف إلى ٢٥ الف تحياتي للجميع ...

امااا موضوع حساس 🤗😂😂😊

مايحتاج تشتري سيارة جديدة، كد مكينه البنزين الين تخرب ثم فكها واستبدلها بمكينه ديزل

ي حبيبي اذا معي ديزل اكيد ابمشي فالسنه حول ال50 الف كيلو بدال البنزين بسافر ابروح واجي

فيه ملاحضات وهي ان الديزل حركته في البداية افضل لان سيارات الديزل سيارات خدمه اساسا

البنزين بيوصل بحدود 5 ريال تقريبا لاكان الديزل ما يرتفع بسهوله لانه نقل البضائع بشاحنات ديزل وترتفع قيمة المنتجات فالسوق إذا ارتفعت قيمة الديزل

ياحبيبي خذ لك هايبرد مره بطله توفير وبنزين وكل شيء دلع

بصراحة كلامه مقنع وكنت بتشتري سيارة ديزل تربو وهونت البنزين اصرف وبالمناسبة سألت ميكانيكي قبل كم يوم وما مدح السيارة الديزل خراباته كثيرة.

👍

واالله لاند الديزل كانه عزم البنزين

صدقت بعد مارتفع سعر سيارات الديزل فوق ١٣٠ الف بعد ماكانت تتعدى ٦٠-٧٠ الف ومحد يشتريها

انا عن رغبتي مجرب ديزل اسيزو انت اذا بتاخذ الديزل خذ اللي مصنعينه من زمان مثل اسيزو وا متسوبيشي الباقي توها طالعه انا معي ديماك ٢٠٠٩ماشي٤٦٠الف الحمد لله مكينه بلد مافكت على يدي والمكيف مشاء اله تابرك الرحمن شد بلد سبق وزوته فريون مره وحد فقط والله موتر اطق من التايوتا مليار مره

ومشكله الديزال عن تجربه شخصيه فقط بقومتها بس

احسبوا معي انا معي جيب برادو ٢٠١٣ شهري اعبيه بقرابة ٩٠٠ ريال امشي حول ٣٠٠٠ كيلو لو شريت جيب اسيزو ديزل ٢٠١٩ تقريبا زي سعر جيبي اعبيه شهري ب٢٠٠ ريال اوفر لي كل شهر ٧٠٠ ريال يعني بالسنه اوفر ٨٤٠٠ لو ابي استخدم هالسياره ١٠ سنين يعني اكون وفرت ٨٤٠٠٠ قيمة سيارة!!

مكينة ديزل ماشيه ٤٠٠ الف ٢٠ الف ريال ديزل مكينة بنزين ماشية ٤٠٠ الف ٨٠ الف ريال بنزين الفرق ٦٠ الف ريال قيمة سياره

معلوماتك مغلوطه عزم الديزل اكثر من عزم البنزين مثلا برادو بنزين سته سلندر ٤٠٠٠ سي سي عزمها ٣٨٠ نيوتن متر اما البرادو ديزل اربعه سلندر ٣٠٠٠ سي سي تيربو عزمها ٤٣٠ نيوتن متر انت يمكن تقصد الانطلاقه اما العزم اكيد عزم الديزل اقوى لانه يولد طاقه عاليه عند احتراقه وكل المعدات الثقيله تجي ديزل

اخوي بندر انت من عنيزه؟

حنا متفقين على ان الديزل ارخص من البنزين هذا ما فيه خلاف لكن راح ناخذ مثال لاندكروزر ٢٠٢٠ ديزل ولاندكروزر بنزين نفس الموديل ونطرح اسئلة هل الديزل عملي اكثر من البنزين على المدى الطويل؟ هل الديزل يقطع مسافة اطول سواء داخل المدينة أو في السفر ؟ ملاحظة اللاندكروزر الديزل ٢٠٢٠ أخذ تقييم جيدجدا في استهلاك الوقود ما وصل لتقييم ممتاز وهذا موجود على ملصق المقاييس اللي تجي على القزاز وشكرا للجميع

محركات الديزل ناجحه وعتقد هي سيارات المستقبل بس المشكله بقطع الغيار غالي دبل البنزين

الديزل عيبه قطع غيار ماتلاقي متوفره كثير ومكلفه في الصيانه

الديزل مع محركات التيربو اقوا من البنزين واوفر

ويوم تقول صيانه تحسسني اني بكره بتخرب لو اخذت ديزل

طيب انا سيارتي مشيت فيها ٧٥ الف كيلو في السنة و البنزين مصروف كثير والله.

الله يرحم

السلام عليكم يا صاحب الفيديو هل انت عند دراستك وكلامك السابق الان سعر البانزين اكثر من ريالين الله يلطف ويعين والديزل ازعاااااج وارتفعت اسعار السيارات 🌹