Рет қаралды 14,916
Қазақстанда тас жолға тапсырыс түскен сайын, шенділер сол жолға бөлінетін ақшаны тезірек тауысуға таласады. Мәселен Ақмола облысындағы Бурабай ауданының тұрғын үй коммуналдық шаруашылығы бөлімінің басшысы Қайыргелді Мусин аудандағы жолдарды жөндеуге бөлінген 430 миллион теңгенің көп бөлігін жымқырды деп айыпталып, 8 жылға сотталды. Бірақ үстілерінен қылмыстық іс қозғалып, қамалып жатқан шенеуніктердің ісі әріптестерін ойландырмайтын сияқты. Өйткені сапасыз жолдар көбеймесе азайма тұр.
Қызылорда қаласына қарасты Қызылөзек ауылындағы мына көшеге асфальт тұп-тура алты ай бұрын ғана төселді дегенге бір көрген жан сенбейді. Теңіздегі толқындай ирелеңдеп, әлден үгітілген ой-шұңқыры көп 1.5 шақырым жолды асфальттауға былтыр күзде 17 миллион 300 мың теңге жұмсалыпты. Тұрғындар ғұмыры ұзаққа созылмаған жолдың сапасыздығына налиды. Ал мердігердің кепілдік мерзімі әлі біткен жоқ деген ауыл әкімі жарты жылға әзер шыдаған асфальттің неге мұндай күйге түскенін білмейді екен.
СӘКЕН ӘБДІЖАППАР, Қызылөзек ауылдық округінің әкімі:
- Халықтың көтерген мәселесі дұрыс. Өйткені қанша дегенімен бюджеттің ақшасы жұмсалды. Кеше күзде екі айдың ішінде істеп комиссиямен қабылданды. Қыстағы погодаға байланысты ма қазір мердігерге ескертпе хат жолдадық.
Ресми сұхбатында халықты жақтаған әкім, сұхбаттан соң басқаша сөйледі. Сөзіне қарасақ тұрғындардың бұл мәселені көтергені жөн емес секілді.
Еліміздегі мерзімінен ерте "ескірген" көшелер мен трассаларды бұған дейін де көрсеткенбіз. Дәл осындай сапасыз жолдарға бөлінген қыруар қаржыны жымқырып деп айыпталған лауазымды тұлғалардың кейбірі істі де болып жатыр. Мәселен Ақмола облысындағы тұрғын үй коммуналдық шаруашылығы және автомобиль жолдары бөлімінің басшысы сыбайластық бабымен сотталды. Сонымен қоса, Шығыс Қазақстан облысында да жолға жауапты 80 басшы жұмыстарына салғырт қарағаны үшін әкімшілік жазаға тартылды.
Абай Нұржанұлы, Ерболат Серікбай, Рахымжан Ысқақов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#жемқорлық #тендер #сапасыз_жолдар