(ขับจิม) โอเด...แก้มแป่นแหว่น สายแนนไทยนิเอ่ยโอนอ.. สิทธิการิยะน้อมทูลถนอมเบืองฝ่าองค์พระพันวสารัตนาหน่วยแก้ว บัดนี้…..ศุภศรีดีดาแล้วศุภฤกษ์เบิกมื้อใหม่ สุริยาใสส่องแจ้งแงงเหลือมยุ่งมาแม่นว่า ฝ่ายฝูงข้านี้ได้กถาพันธ์ต้านกล่าว ถวยพระพรพระแม่เจ้าเนาว์ยังแผ่นผไท ใสเล็งๆ....เด... (ลำมะหาไซ) โอ้ย...ใหม่ๆ ฟ้าฮ้องละน้อใหม่ๆ สมัยไทยเจริญเอย.... โอน้อ ขอวาจาวจีต้าน การทางลำดอกนำส่ง จักรีวงศ์สยามเอ๋ย ข้าจักเอ่ยดอกพรรณา สมัญญาพระแม่ไทย ได้ชั้นเพิ่งคุณเจ้านี่แหล่ว แม่นว่า ปวงประชาน้อหลั่งล้น ยลละแยงละย้องยอ ว่าตังต่อน้อซอซ้อง ทั่วท้องถิ่นแผ่นดินไทย เจ้าทรงได้วัฒนา พระเมตตาเฮาได้อยู่เย็น โอน้อ คือ จั่งเพ็งนอเพียงฟ้า สาดแสงมานอยังที่ เสาวนีย์ ธ กูลเกื้อ อยู่ทุกเมื่อบ่มิไล มวลไหมหมี่แพรวา พฤกษาธารน้ำอุดม โอละนอ... (สาละวัน) โอย...น้อ...โอย...นา บัดนี้ ฝูงข้ามีพรังพร้อมมาลาดันธากลิน เด้น้อๆแม่นว่า ถ้อนทอบมาทั้งสิ้น งามจังอินทร์แต่งแต้ม แซมซ้อนเสียบใส่พานๆ นา... เทื่อนี้ ตกแต่งดีดาได้บายศรีมงคลยิ่ง นี้แหล่ว โอนอ ถวยเถิงองค์แม้นมิง สรรพสิงสรรตัง ยอยั้งยื่นสักการ์ๆ นา... โอน้อ อันว่าฝ่ายฝูงข้าศรัทธาโฮมคุผืนแผ่น เด้น้อๆ แม่นว่า ผสกไทยทั่วแคว้น โฮมแห่แหนหย่างย้าย หมายช้องเชิญพระขวัญๆ นาๆ (เพลง) ศรีๆ ศิริบวรประนตน้อมกรอื่นอ้อนวอนว่า มาเย้อขวัญเอ๋ย...มาเย้อขวัญเอย ขวัญเจ้าเลยหล่วงเข้า เนาว์ผามปรัมพิธี พานบายศรีสูตรเอิ้น เชิญเจ้าให้ต่าวมา... พระพันวสา...ราชชนนี.... เชิญเจ้าลีลาย้าย คืนคึงโค้งอ่วย ฝูงหมู่ทวยไทข้า ว่ามาฮ้องฮับขวัญ... ว่ามาเย้อเจ้าขวัญเอ๋ย...เจ้าขวัญเอ้ย (ลำหย่าวสับสีพันดอน) เอาห่านี ปาริโยสานสินสุดสั่งดังประสงค์ ว่าแล้วลงลีลานาฏนวยยวยย้าย คันหัตถาไหว้ศิโรราบขาบว่า พระบุญญาพระพันปีหลวงเจ้าปกเหง้าเผ่าไทย คันองค์เอกไท้ องค์เอกไท้ ให้มั่นยืนเทียรฆาอัครพระบารมีพิศุทธิ์ศรีซิ่นช้อย งามจังแสงสายสร้อยพลอยนิลจินดา ฝูงนั้นแหล่ว นั้นหนา ฝูงหมู่เทพท่อนไห้มาพร้อมพร่ำกัน พอเถิงกาลนีนันบรบวนถ่วนว่า ละมวลโรคาพยาธิฮ้ายอย่าได้ตำติดติต่อยต้อง อย่าสิขวงขัดข้องค้างคาสุประการ ยามนั้นแหล่ว นั้นนา ข้าสินำพรแก้วดีแล้วยื่นถวาย ขงเขตค่ายโลกลุ่มสากล ศุภผลทรงธรรมลำแย่งให้นำสู่ สิงศิริให้นำผู้ส้วนซูทรงสราญ สุขศานต์ยิ่งน้อมิ่งปวงไทย ใสเลิงๆคือคำค่าล้าน พระพันปีท่านผู้ทรงเกล้าล้นกระหม่อม ทูลถนอมจอมไห้เจริญได้...หมื่นวสา

เราจะต้องรำออกพรรษา​เพลงนี้และปีนี้ค่ะ🎉❤😊

สุดยอด น้ำตาจะไหล ลงตัวทุกอย่างเลย❤❤❤❤❤

เบิ่งทุกมื้อแหม่ มักคัก ตำใจบักคัก ❤

ขอบคุณค่าาา🙏🏻🙏🏻💓

ม่วนๆๆๆ

ชอบมาก

มีเนื้อร้องมั้ยค่ะ ชอบมากๆ❤❤

มักท่อนลำมหาชัยแฮง❤❤

ให้ผู้หญิงร้องน้อยมาก ทั้งที่นางเสียงดี อยากให้ร้องมากกว่านี้

นักร้องชายเสียงดีคัก

4:47 ❤❤

มีเนื้อเพลงไหมคะ เพราะมากๆแต่แปลไม่ออก

😊

ออนซอนอีสานทั้งใจ❤