တို့ဟူးအိအိလေး ရဖို့အတွက် ကုလားပဲစိမ်းအမှုန့်ကို ကြိုတာထက်စာရင် တို့ဟူးမှုန့် ဆိုပြီး ‌သီးသန့်ရောင်းလေ့ရှိတဲ့ အမှုန့်ထုပ်တွေက ပိုပြီး အဆင်ပြေပါတယ်။
တို့ဟူးကြိုရန်အတွက် မိမိစိတ်ကြိုက်ခွက် ၁ ခွက် သို့ ပန်းကန်လုံး ၁ လုံးကိုယူထားပါ။ အဲ့ဒီခွက်နဲ့ပဲ ချိန်ဆ သွားမှာဖြစ်ပါတယ်။ ကျွန်တော်ကတော့ နို့ဆီဗူး ၁ဗူးစာခွက် ကို သုံးထားပါတယ်ခင်ဗျာ။
တို့ဟူးမှုန့် ၂ ခွက် ဆို ရေ ၆ ခွက်ထည့်ပြီး သေသေချာ‌ချာလေးမွှေပေးထားပါ။ မွှေရင်းနဲ့ ထွက်လာတဲ့ အမြှုပ်တွေကို ဇွန်းတခုခုနဲ့ ခပ်ထုပ်ပစ်ပါ။
ပြီးရင် အခန်းအပူချိန်မှာပဲ ၂နာရီလောက်ထားထားလိုက်ရင် တို့ဟူးမှုန့်တွေအားလုံးပျော်သွားပြီး အနည်ထိုင်သွားပြီဖြစ်ပါတယ်။ ပြီးမှ အပေါ်က အရည်ကြည်တွေအားလုံးကို သွန်ပစ်ပါ။ ကျန်တဲ့အနည်တွေ ကိုပဲ ကြိုမှာဖြစ်ပါတယ်. အနည်ထဲကို ရေ ၁ ခွက် ထပ်ထည့်ပြီးမွှေပေးပါ။ အရသာအတွက် သကြားအနည်းငယ်။ ဆားအနည်းငယ်ထည့်ပါမယ်.
စကြိုလို့ရပါပြီ။ ကြိုမယ့်အိုးထဲကို ရေ ၅ ခွက်ထည့်မယ်။ ရေတည်ထားတာ အောက်ခြေမှာ အမြှုပ်တက်လာရင် တို့ဟူးအရည်တွေထည့်ပါ. အရေစုစုပေါင်းက ၆ ခွက်ခွဲရှိပါတယ်. ကြိုပြီးချိန်မှာတော့ ၄ ခွက်ခွဲလောက်ပဲ ကျန်မှာပါ။ ကြိုရင်းပျစ်လာရင် အနံ့မပါတဲ့ဆီ (နေကြာဆီ) လိုမျိုးကို ၂ ဇွန်းလောက်ထည့်ပါ။ ဒါမှတို့ဟူးတွေက ပြောင်ချောချောလေးဖြစ်မှာပါ။ မီးအားနည်းနည်းနဲ့ ကြိုတဲ့အချိန်မှာ မနားတမ်းမွှေပေးပါ။ ခပ်ပျစ်ပျစ်ဖြစ်လာမှ ဆီသုတ်ထားတဲ့ ခွက်တခုခုထဲကိုထည့်ပေးပါ။ အခန်းအပူချိန်မှာ ၅ နာရီလောက် အအေးခံပြီးမှ ရေခဲသေတ္တာထဲမှာ သိမ်းလို့ရပါပြီ။
တို့ဟူးက ပျော့အိအိလေးဖြစ်တာကြောင့် ကြော်စားတာထက်စာရင် သုပ်စားတာကပိုပြီးလိုက်ဖက်မှုရှိပါတယ်။ တို့ဟူးကို မာတာကြိုက်ရင် ပြောင်းကော်မှုန့်လေးထည့်ပြီး ကြိုရင်လည်းရပါတယ်။
တို့ဟူးသုပ်ရန်အတွက် ပါးပါးလှီးထားတဲ့ ကြက်သွန်နီ။ ရှောက်ရွက်။ ပဲမှုန့်အကျက်။ ပုစွန်ခြောက်မှုန့်၊ ငရုတ်သီးမှုန့်။ အချိုမှုန့်။ ငါးငံပြာရည်။ ကြက်သွန်ဖြူဆီချက်။ ကြက်သွန်နီဆီချက်လည်း ထည့်လို့ရပါတယ်။ မန်ကျည်းရည်‌လေးလည်း ထည့်ပါမယ်။ ဒါဆိုရင် အရသာရှိတဲ့ တို့ဟူးသုပ်လေးကို သုံး‌ဆောင်နိုင်ပြီဖြစ်ပါတယ်ခင်ဗျာ...