Lagbhag 1.5 saal pehle humne KZfaq pe ek video daala tha jisme Ranthambore mein humari jeep pe ek male tiger ne mock charge kiya tha. Video pe response itna acha aaya ki lagbhag 16 lakh logon ne uss video ko dekha. Lekin kayi logon ne uspe comments karke hume ulta seedha bhi kaha.
Humne poori kahani uske description mein daali bhi thi par aaj hum aapko sunate hain uss poore din ka kissa, hindi mein. Ki aakhir uss din hua kyat ha. Aur fir aap bataiega ki aapko kya lagta hai ki galti kiski thi.
Tareek thi 15 August 2021, aur humne apna aazaadi ka diwas aazaad ghumte baaghon ke saath manane ki sochi. Aaj bhi yaad hai ki uss din Aasman ekdum neela aur saaf tha aur suraj ki Roshni kadak. Mausam mein thodi nami thi par baagh dekhne ke liye isse acha mausam ho hi nahi sakta. Par yahan iss safari tak pahonchna humare liye asaan nahi tha.
Humne 15 august ki subah hi Jhalana ki safari samaapt ki thi. Aur kyunki ye baarish ka season tha, toh Ranthambore mein sirf tatkal quote mein hi booking milti hai. Theek 10 baje humne apni safari book karne ki koshish ki. Par chutti ke din ki bheed ke karan, ek bhi seat nahi mili.
Humne apne local guide driver ko phone ghumaye lekin safari ke liye bheed itni zyada thi ki wo bhi kuch nahi kar paye. Monsoon ke samay sirf zone 6-10 hi khule rehte hain and kaafi aashcharya ki baat thi ki sab ke sab poore book ho gaye the.
Samay nikalta jaa raha tha aur hume jaldi hi apna aage ka plan final karna tha. Ya toh hum ghar wapas laut sakte the, ya Sariska mein jaake apni kismet aazma sakte the. Par bina baagh dekhe ghar lautne ka ekdum mann nahi tha. Hum Jhalana mein 5 tendue dekh chuke the par fir bhi kuch adhoora sa lag raha tha.
Kismat se 11 baje jab refresh kiya toh Ranthambore ke zone number 6 mein 4 seats dikhayi di. Waise toh hum koshish karte hain ki poori jeep khud hi book kar len taaki dusre guests ke saath disturbance na ho. Kyunki agar baaki guests wildlife ke utne bade shaukeen nahi, toh aapki safari thodi kharab ho sakti hai.
Hum chaar log the aur humne samay ko dhyaan mein rakhte hue risk utha ke 4 seats book kar di. Aur ussi Utsah ke saath hum Jaipur se Sawai Madhopur ki orr nikal padhe.
Aisi bheed mein safari ki seat milna hi badi baat thi, toh humne bina kisi ummeed ke iss safari ke maze lene ki sochi. Par hume kya pata tha ki ye humari zindagi ki sabse yaadgaar safari ban jaegi. Uss din kul 12 jeeps jungle ke andar gayi thi, par baagh sirf ek jeep ko dikha tha. Humare guide ne baaki guests ko jungle ke baare mein batana shuru kiya.
Ranthambore ek suukha jungle hai aur islie baagh dekhne ke liye ye bharat mein sabse achi jagah hai. Baagh ke sabse ache shots aur documentaries issi jungle se hain. Yahan 70 se adhik baagh hain aur lagbhag 20-25 tourism zone mein rehte hain. Shayad hi koi aisa din ho jab yahan baagh ke darshan na hon.
Ye sighting dono ke liye hi chauka dene wali thi - humare liye bhi aur baagh ke liye bhi. Hum aise hi gaadi chala rahe the jab achaanak se baagh humare saamne aa gaya. Humne duuri banane ki koshish bhi ki par mobile ki ring tone se baagh bhadak gaya.
Humara guide bohot samajhdaar tha. Usne pehle hi bhaap liya ki jab baagh gaadi se duur hata aur jhaadiyon ke peeche gaya, wo sirf humne mock charge ke liye taiyaar ho raha tha.
Mock charge sirf ek warning ki tarah hota hai ki meri territory se bahar nikal jao. Aur ye wala toh khel jaisa lag raha tha. Aisa laga jaise ki wo ghumta ghumta upar pahaad tak aa gaya aur achanak se hum uske saamne aa gaye.
So ummeed hai ki aapko ye video acha laga ho. Hume comments mein zaroor batana ki aapka iss video ke baare mein kya maan nah hai. Agar aap ke saath bhi aisa kuch hua hai, toh wo bhi humare saath share kariye. Ye video apne Parivar aur doston ko zaur dikhayen aur unhe sikhayen ki jungle mein kaise bartaav karna chahiye.
Humara rashtirya pashu aaj apne bachaav ki ladayi lad raha hai. Islie ye zarorri hai ki hum uski izzat karen aur jungle ka wo chota sa hissa jo unke haq ka hai, unhe chaen aur shaanti se den.
If you liked this video, please subscribe to our channel Discover Wild Paws:
/ @discoverwildpaws
Social Media Links:
Instagram: / discoverwildpaws
Twitter: / discoverpaws
LinkedIn: / discover-wild-paws
Facebook: / discoverwildpaws
#wild #attack #animals #cruelty #crocodile #shorts #leoaprd #africa #discoverwildpaws