هذا تقييمي الشخصي للسيارة بعد التجربة السيارة نص فل :
ابرز الايجابيات 👍🏻 : العزم ممتاز على وزن السيارة ونشيط تسارعه و الموتر خفيف نفس وحق مشاوير واستخدام يومي وفيه انظمة سلامة عالية وفل ايرباج وعندك مواصفات كثير فتحة نقاط عمياء ابل كار بلاي تحديد مسار وتنبيه تصادم وغيرها .
ابرز السلبيات 👎🏻 : الشاشة تعلق كثير ، والمكيف تحكمه في الشاشه ، مسكات الابواب تعلق و استجابتها بطيئة ، لا يوجد تشغيل عن بعد ولا تبريد مراتب ، المقاعد للاشخاص الطويلين متعبه لانها صغيرة خصوصا في المسافات الطويلة .
العزل الارضي ( صوت الشارع ) : سيء فيه ازعاج داخل السيارة خصوصاً على الشوارع الخشنه اعطيه 5 من 10 .
عزل الهواء على الخطوط : متوسط تسمع صوت ضرب الهواء . اعطيه 7 من 10 .
عزل الصوت : ممتاز اعطيه 8 من 10 ( القزاز الامامي مدبل) .
الفرامل : 7 من 10 . فيها رجه على السرعات العالية .
متعة القيادة : الموتر قيادته ممتعه جداً اعطيه 8 من 10 .
الرساوة : الموتر راسي على الخطوط 👍🏻 .
راحة السيارة مع الحفر و المطبات : مطبه مريح جداً 8 من 10 .
راحة المقاعد والرحابة الداخلية 💺 : المقاعد مريحه لكن صغيره والوسع الداخلي ممتاز حتى المقاعد الخلفيه في رحابة في الموتر.
صرفية البنزين ⛽️ : ممتازة جداً داخل المدينة وعلى الخطوط اقتصادي الموتر .
المكيف ❄️ : ممتاز حتى في النهار ودرجات الحرارة عاليه اعطيه 8 من 10 .
السماعات 🔊: مافيه نظام صوتي وجودتها متوسطة تقيمي لها 6 من 10 .
#فورد
#تورس