العفو و أجمعين إِنْ شَــاءَ اللَّهُ 🫶💐

باذن الله الأيام الجاية إِنْ شَــاءَ اللَّهُ راح يكون شي خفيف و حلو 👌

الله يعافيك و يسلمك يالامير و ابد تحت امرك و الفورد مٓـا شَــاءَ اللَّهُ خاصةً الجديد غني عن التعريف و تكييفه ممتاز 👌

الأكسبديشن و التاهو اثنيناتهم حلوين و لكن التاهو يعاني من مشكلة وحدة بس و هي موضوع الشيالات .

اذا بغيت نقاش اكثر عن هالموضوع حياك في السناب عندي حتى اقدر افيدك 👍

حياك الله عندي بالسناب و ابد أبشر بألي يناقشك ويفيدك أكثر عن هالشركتين 👍

دش عندي بالقناة تلقاني مصور وانيت فورد و من ضمن التصوير راح تشوف الوانيت الي انت تبيه

حبيب عزيز و غالي و حيااك الله اخوي ، والله ما عندي فكرة عن موضوع تصديرها للخارج او الطريقة اشلون

@@cars965 شكرا لاستجابة والرد السريع لكم كامل احترامي

حيااااك الله 💐

عزالله انه الفورد ثقة و ما هو خسارة و لا أول مرة اجربه في حياتي والدليل اني صاحب موستنج و صاحب فكتوريا في السابق 👌🇺🇸

@@cars965 الله يبارك لك على طاري الفكتوريا هل يتقارن مستوى الراحه بين الاكسبيدشن والفكتوريا لشخص مريض انزلاق غضروفي ويرغب في تجديد سيارته القديمه الفكتوريا ويخاف مايحصل بمستوى راحتها

اي بالله نفس الراحة اللهم انه جيب مرتفع فما ادري هل يتعبه موضوع الركوب و النزول من الجيب او لا و انا اقول ياخوك روح للوكالة و اركب السيارة بنفسك و قيسها ان جان تصلح للرجال الي تقول عليه او لا يالغالي 💐☺️

@@cars965 بيض الله وجهك

و ابد و وجهك طال عمرك بالخدمة و تحت امرك يا الغالي💐

لاااااااا تبي الصرااااحة الفووورد ناعم و افضل منه بعد ، انا قاعد أكلمك عن فرق هذا عن الجي اكس ار

من ناحية الراحة فعلاً ممتاز أما من ناحية الحشوة مالت الكشن فطبيعي الألماني و لعدت أسباب طبعاً : أولاً مواد التصنيع و الخام الألماني متفوق هالشيء هذا لأنه دامه موتر سعره غالي فأكيد مواد التصنيع راح تكون أفضل . ثانياً مستحيل أقارن بين كشنات الأكسبيدشن و كشنات المرسيدس الحوت فئة الأس كلاس لأنها فئة فخمة و من متطلباتها انها لازم تكون مريحة و حشواتها من أحسن المواد المستعملة حتى تكون في الصدارة . و لكن لو تقارن راحة كشن الأكسبيدشن مغ غيره بهالفئة الكبيرة راح تلقاه هو الأفضل و الأريح من ناحية خام و من ناحية حشوات و الأمريكي عموما خاصة السيارات الكبيرة معروف انه مرييييح و لمسافات طويلة و لا يتعبك مثل باقي المنافسين من الدول الثانية . و الحق ينقال الأمريكي مرييح بالخط و عن تجربة بعد و تقدر تأكد من المعلومة هذي و تزور معارضهم و تقارن بينها . بالنهاية عطنا رايك و قولي هل وصل لراحة الألماني بالتكلفة ألي هو عليه او لاااا 👍

@@cars965 تسلم ماقصرت بروح للوكاله وبشوف لاني ناوي اخذ واحد 👍🏼

الله يسلمك و عسى الله يوفقك إِنْ شَــاءَ اللَّهُ بالشرية الزينة يا رب 💐🤲🏻

أتعب على الجلد هذي أهم شغلة لان الجلد مال الفورد حيل مريح و فيه تدفئة و تبريد او اذا عندك فلوس اخذ التمبر لاين حشواته و هو مخمل جداً مريحة و ممتازة

@@cars965 جزاك الله خير مفكر اخذ نص فل الي يكون جلد مع بانوراما

المقصات او ذراع التحكم

عفوا اخوي السيارة على ايدك من الوكالة ولا السيارة شاريها مستعملة ؟ الشي الثاني ليش ما حاولت تقولهم انك بس تبي زيت و فلتر بدون فحص او حاولت انك تكلم مسؤول السيرفس هالموضوع

@@cars965 نعم طال عمرك .. قاصها من الوكاله بيدي ، والله يشهد كلمتهم على سالفة السريفس ، واني برا اسويه ب ١٢ د.ك ، وقلت اشلون انا ٤٨ د.ك و اخوي عنده لاند ٨ سلندر حسابه بالسيرفس بالعشرينات .. ما ساعدوني و لا حاولوا .. قالوا لي : اشتر البكج مال ٦٠ الف يطلع عليك حول ٣٧٠ حروة هالرقم ، قلت لهم ، انا ما اضمن الموتر ، يمكن ابيع ،، يمكن حادث لا قدر الله ،، تروح علي فلوس السيرفس حزتها ،، قالوا اي تروح عليك .. اضطريت اتركهم ، انا برا اسويه ب ١٢ د.ك ، زيت وكاله و فلتر وكاله ،، و بالوكاله ٤٨ د.ك ليش ؟ .. للأمانه ما كلمتهم على سالفة الفحص ، لأني ما تنبهت عليها الا تالي يوم تركت .. بس ليش ما هم بادروا و قالوا لي عن هالشغله ؟؟ ..

ما ألومك والله و مرات تطيح لك على موظف يمكن ما يكون مهتم في الزبون ألي قدامه حسب ظروفه ، و لكن ما عليك و لا تحاتي و على العموم ترى السيرفس مرات يكون سعره جذي حتى لو كان زيت و فلتر لأنه مبلغ مطلوب الدفع فيه عند العميل ، و لكن في شي لازم تعرفه و هو الفرق بين الخدمة السريعة وبين مركز الخدمة لمن تروح عندهم داخل حتى لو تروح تسأل أخوك عن سيارته في تويوتا راح يقول لك نعم فيه فرق مثلاً لو رحت للخدمة السريعة حق فورد راح تلقى سعر الزيت و الفلتر غير عن ألي تقول عليه و راح تلقاه أرخص بينما لو جيت عندهم داخل بمركز الخدمة راح يقول لك نفس الرقم ألي قاله لك فعشان جذي و المطلوب منهم انه الموظفين دائماً ينبهون العملاء بهالموضوع و انه مو مجبور في كل مرة يسوي سيرفس اذا ما احتاجت السيارة الى الفحص و لكن اذا محتاجة فلازم اهني يدخلونها عندهم و يشيكون عليها . فلذلك في فرق بين الخدمة السريعة و بين انه السيارة تسوي ميجر سيرفس عندهم داخل و في طبعاً فرق بالاسعار بين هالشغلتين

فيعني سعر الزيت فلتر غير عن سعر السيرفس مع التشييك و تنظيف السفايف و الشد للهيئة و غيرها مع الزيت و فلتر داخل عندهم . يعني الزيت و فلتر بس كأنك مبدله بالجمعية بدون تشييك و تنظيف نفس الوكالة و أنته أسأل و شوف 💐👍

@@cars965 ليتهم كانوا يبدلون شي .. بس يجيكون على الموتر = مساحات ليتات سفايف ، هالسوالف .. ولا ، على طاري يبدلون .. الموتر انا ماخذه للأهل ،، فما كان يمشي ،، دخلته السيرفس الثالث او الرابع و الموتر مو ماشي له ٦٠٠٠ آلاف (اضطرارا كل ستة شهور ادخله حتى لو ما مشيت عليه ١٠ آلاف ) تخيل بدلوا لي فلتر هوا و مكيف ، و السياره ماشيه حول ٦ آلاف كيلو .. ليش ؟ .. والله لأنه السيرفس ابو ٤٠ ألف (الرابع) لازم نبدل الفلاتر هذي 🤣🤣 .. السياره مو ماشيه شي ،، الفلاتر وكاله .. لأ .. مالنا شغل بالممشى . احنا لنا شغل بدور السيرفس .. الرابع يعني تاخذ اغراضه كامله لو ماشي ١٠٠ كيلو على السياره .. 🤣 لاعبين لعب والله ..