للاختصار التجربة تبدأ في 7:06

معليش ياخوان لاكن من الواضح انه طرمبات نفط جديد ومتطوره وليست متهالك مثل اغلب المحطات انا اقول جرب فمحطه قديمه موب تجرب فمحطة مثل نفط و ادريس والشركات الكبار

يا حسن كتبي متابعينك يشكون من شرحك الزايد نتمنى الاختصار (خير الكلام ما قل و دل)

شكرا جزيلا لك استاذ حسن على المعلومة الرائعة والتي كانت دائما موضع تساؤل بالنسبة لنا وللكثير من الناس :)

انا الي عجبني بالمقطع العلبه 😂😂😂👍🏻

انت حسبتها على 5 لتر فقط و طلع فرق بسيط بس لو مثلا عبيت الجمس 60 لتر اكيد بيطلع الفرق اكتر

الله يعطيك العافية... مهندس حسن. كمعلومات وتجربة. أنا شخصياً أستفدت من المعلومات والشرح أكثر من التجربة. وبالتوفيق يابش مهندس

الفرق واضح على ٥ لتر فما بالك لو كان ٥٠ لتر سيكون واضح جدا و على مدى اليوم آلاف اللترات و على ملايين اللترات سيختلف ملايين الريالات .. يوجد اختلاف و صاحب الفيديو واضح انه متحيز للمحطه او خجلان منهم يقول امامهم هالشي

اللي مستجل التجربه 8:20 بقية المقطع بربره مامنها فايده ضياع وقت ع الفاضي

مصيبه اذا كان الى الان في ناس تعتقد ان البنزين اقل من الربع يضر بديهيا الطرمبه تسحب من اسفل نقطة في التانكي والرواسب دائما بتكون في ادنى نقطة فماراح تفرق انك ماتخليه ينزل عن الريع اوتعبي على اللمبه عن نفسي ووالدي واخواني ولا مره عبينا السيارة قبل لا تولع اللمبه الى في السفر فقط وسياراتنا ولله الحمد ما تعاني من مشاكل

النتیجة بان البطيء احسن من السریع والمعلومة هذي اني سمعتها من خبیر مضخات من زمان مع الشكر للاخ حسن ومجهوداته الرائعة

شكرا جزيلا للأستاذ الفاضل @حسن_كتبي #حسن_كتبي الإنسان المخضرم 👍🏼👍🏼 شكرا لك على الشروحات التفصيلية

أخ حسن شكرا على مجهودك ولك كل تقدير و الإحترام ولكن خلني أصحح خطأ عام بين الناس، اذا كان خزان البنزين فعلا فيه اوساخ تأكد إنه بشكل فوري المشكله رح تظهر على المحرك لأن مضخة البنزين تسحب البنزين حتى أخر نقه في الخزان ومعروف ان المضخة البنزين تصل الى قاع الخزان لذا نظرية ابقاء ربع الخزان ممتلئ خاطئة لأن سائل البنزين كثافة خفيفه و إذا وجد اي من رواسب او الاوساخ فسوف تكون متواجد في قاع الخزان ولن يكون مختلط او حتى طافي على وجه البنزين الى اذا كان اخف من كثافة البنزين.

لايوجد رواسب كما تظن و ماتأثر ومالها اي علاقه ،طرمبة الوقود تسحب من أدنى نقطه في خزان الوقود ،سواء كان الخزان ممتلئ أو شبه فارغ ،إذا كنت مهتم بالكلام العلمي فعلا

سلام عليكم ورحمة الله وبركاته اخوي حسن ارجوا منك اجابتي اي محطة ممكن اعبي منها بنزين بثقة؟ خالص الدعاء لك بكل خير على ما افدتنا به في قناتك.

المفروض الدوله تفرض على اصحاب المحطات تجدد المكاين

الفرق يبان اذا عبيت 80 ريال راح يفرق معاك اما على 4 لتر بنزين ماراح تشوف الافرق بسيط جدا زي ماقلت يا اخ حسن ..بس لما تعبي تانكيين بانزين للجيوب بتعرف كيف 20 ريال توفير كاقل شي

تكفى ا.حسن اختصر والله محتواك مفيد بس اختصر وحضر قبل الحلقة

التجربه الصحيحه انك تجيب سيارتين نفس بعض مافيهم بنزين وتعبيهم فل وحده بقطه الثالثه ووحده بطقه الاولى 👏🏻

مشكور على مجهوداتك في عالم السيارات يا بو أحمد 👍🏼

السؤال اللي ماتمت الاجابة علية بالمقطع هو ليش اساسا المسدس فية خيارات (طقة او طقتين .. الخ ؟؟؟

تمنيت أستاذ حسن تختبر درجة الاوكتين بمحطات نفط عشان نعرف الحقيقة 😁

الأفضل تعبي على طقه وحده وأفضل من إنك تعبي على السريع وخاصة البنزين الأخضر لأنه أخف وهذا الشي مجرب الأفضل التعبيه على أقل شي. راح تلاحظ الفرق.

سؤالي هل يختلف تعبئه البنزين بالليل عن النهار من ناحية التكلفه .. ارجو ضغط لايك عشان يشوفها الاخ حسن

الفرق لا يذكر ابدا على لترات قليلة، الفرق يبان اذا عبيت التانكي فل يعني ٧٠ و ٨٠ لتر

اخوي حسن اتمنى تختصر كلامك او تقسمه على اكثر من فيديو انا سحبت على كلامك في البدايه واستفدت من التجربه اللى بالنهايه

الفرق بسيط على 5 لتر ولكن ع سياره خزانها 140 لتر بتشوف الفرق اكبر ، يعني فكره التعبئة على سرعه قليله لازالت صالحه. يجب مراعاة الحجم في هذة الحاله شكرا استاذ حسن ع الفيديو

حسن كتبي ، مادري انت جدك كان وزير الحج او تشابه اسماء .. لكن فيه واحد من ابناء وزير الحج الله يرحمه ، ناسية اسمه .. اهدى والدي مكيف وثلاجة والدي كان يعمل في وزارة الحج وراتبه ضعيف في ذاك الوقت .. للحين ابوي يذكرة بالخير ويقول لنا القصة 🥺🌺

للعلم الطرمبة في التانكي تسحب من الأسفل لاحظت الاستاذ حسن انه ما يعرف هذي المعلومه يعني ما تفرق لو تخلي عداد البنزين بالسيارة الى اقل شيء الرواسب بتنسحب على كل حال . وبخصوص تنظيف تانكي البنزين واحد من الشباب كان عنده مشكله ونزل تانكي البنزين والسيارة اكثر من خمس سنوات بالشارع ويعبي من اي محطة المفاجئة ان التانكي نظيف !

جيب جالون اكبر راح اتشوف الفرق اكثر 5 لتر ماينفع ماراح يبان الفرق فيه والله مافيه سيارة خزانها 5 لتر وبعدين فيه اشخاص عملو هذي التجربة في محطات اخرى وطلع في فرق وااضح التعبئة البطيئة افضل واوفر اتقلي الفرق بسيط اقلك في سيارات فيها تانكيان يفرق معاهم

وشكرآ لك استاذ حسن على التجربة الرآئعة وأثبت لنا وحسمت النقاش والجدل نحو هذه المعلومة .

السلام عليكم تحية طيبة استاذ حسن ما شاء الله قناة رائعة الله يوفقك و عقبى لك المليون متابع يباع في الأسواق مواد تضاف مع البنزين إذا ممكن شرح عنها

هذا يوم كان بنزين 95 - بـ 90 هلله 💔 ..

إضهار الفرق البسيط بين الجالونين يدل على مصداقية إستاد حسن

الواضح انه مافيه فرق كبير لان الكميه قليله والمحطه متطوره انا ما كنت اصدق ان فيه فرق لكن بعد التجربه اتضح ان فيه فرق لو كانت الكميه كبيره والمحطه متواضعه شكراًعلى مجهودك

يعطيك العافية اخ حسن مشكور على التجربة التوضيحة 👍

جزاك الله خير اخوي حسن ورحم الله والديك اللهم امين

انا اقول ان هذي التجربة فيها نوع من الظلم المفروض تروح محطتين قديمة وكل محطة تعبي منها الجالونين عشان تشوف الفرق بين محطة ومحطة وكذا تكون التجربة عادلة .

يالحبيب فيه فرق لما تعبي دبه وتعبي تانكي التجربه غير متناسقه وغير متكافئه اذا تبي صح جيب سيارتين فاضيه وعبيهم وحده ضغطه سريعه والثانيه ضغطه خفيفه هنا تلاحظ الفرق فالقيمه المدفوعه اكثر ، وبالمناسبه اعجبتني الدبات الجديده من شركه نفط تشكر على الاسلوب الجديد ✋🏼

شكرا لك اخي حسن على التوضيح وعلى مجهودك والفرق يطلع اكبر اذا فللت التانكي

يالي جاي من تيك توك يضغط لايك 😂😂

بالنسبة لي جربت في اكثر من محطة وطقة وطقتين وثلاث ولم أجد فرق يذكر

الله يعطيك العافيه ودائما نستفيد منك ومعلوماتك مفيدة جدا جدا

ليتك ذكرت اي الجالونين اللي عبيته بسرعة وايهما عبيته بطيء حتى نعرف أيهما كان التوفير فيه أفضل لأنه على 80 لتر حتفرق 🙂

مهما كان الفرق بسيط في نظرك فهو يعني فلوس بغير وجه حق. هذا الإختبار لخمس لترات فما بالك بآلاف اللترات؟!

اللي يشوفنه 2019 اكيد مركزين على السعر

السلام عليكم استاذ كتبي التجربه مره كانت جميله من ناحية الصيانه الدوريه لمحطة البترول ولاكن المحطات ليست متشابهه في صيانة المضخات وعن تجربه في محطه معروفة والفرق في التعبئة وشكرا.

استاذي العزيز سبق كان عندك مقطع حق اختبار البنزين في بعض المحطات بالسعودية بجهاز يقيس الاوكتين.. هل المقطع باقي موجود بقناتك ام تم حذفه؟

غير صحيح أ. حسن بخصوص الفلتر والرواسب الرواسب اثقل من البنزين يعني تبقى في اسفل التانكي والفلتر في الاسفل يتم السحب من الاسفل ويضخ الى المكينة فإذا يوجد رواسب في التانكي فإنه ماتفرق إذا كانت السياره فل او نص او ربع او اللمبه والاعة . ودور الفلتر وهو عدم دخول الشوائب الى المحرك اتمنى وصل التصحيح وشكرا.

استاذ حسن انت تعمل دعاية علنية بوقوفك بين شعارات الشركة الضخمة وثناءك على الآتهم ومضخاتهم الحديثة،، لكن لاتقل لنا أن الشركات ‏الكبرى ليس لديها الاستعداد لسرقة ٥ ريالات بل البعض لديهم استعداد لسرقة الهللة الواحدة وشركة نفط هذه تم التشهير بهم في الجرائد قبل سنة بأنهم غشاشين

الله يجزاك خير على هالمعلومة والتي لي عليها ملاحظتين أولا جات متأخرة نسبيا ثانيا صرفت عليها وقت زيادة حبتين

يعطيك العافيه اخوي حسن لاكن ماعرفنا توجيهك هل الحل الافضل اننا نعبي بسرعه او نعبي اقل من الدرجه الاولى

أظن السبب الي يمكن يخلي الشخص يستمر بالتعبئة البطيئة هو ليس مادي لكن بسبب عدم إثارة الرواسب أثناء التعبئة بشدة

محطات نفط تخلط البانزين في ثلاث محطات مقفله بالرياض و السبب الغش 👌🏽 تمنيت انك ما تسوي لهم دعايه

الله يعطيك العافيه ع التوضيح فعلن كنا محتاجين توضيح زي ذا

الله يعطيك الف عافيه على مجهوداتك التنويريه ، واللي بيستفيد منها الكثير شباب وشيبان 😁😁 ومساهمتك الواضحه في قتل الشائعات في مهدها الحديثه والقديمه بأسلوب علمي سهل.

الحين في المكاين الجديده فيه فرق فما بالك في المكاين القديمه + هذا الفرق البسيط يكسب المحطه مئات الألوف ف يا عزيزي خل عامل المحطه يعبيلك طقه واحد ووفر فلوسك

فرق بسيط في ٥ لتر، لكن لو تصير ٧٠ لتر اتوقع راح تفرق اكثر

انا عندي سوال ل استاذ حسن انا عندي ماركيز ٢٠١٠ امريكي و ماني عارف ايش اعبيه بنزين في ناس تقول ٩١ وناس تقوب ٩٥ افضل وكنت اعبيه ٩٥ والحين قلبته ٩١ واحس ان عزمه هبط

طرمبة البنزين اصلا تسحب من تحت يعني لو فيه رواسب حتى لو التانكي فل راح يدخل بالطرمبة. وش تعليقك استاذ حسن على هالنقطه ؟

‏الله يعطيك الصحة والعافية يا أخ أبو أحمد ما قصرت

في اللترات القليلة راح يكون الفرق قليل لكن كل مازاد حجم تانكي البنزين يزيد الفرق لو فرضنا أن حجم تانكي السيارة ٦٠ لتر راح يكون الفرق ١٢ مرة اكثر من الفرق الي طلع في التجربة لان الوعاء المستخدم في التجربة حق الاستاذ حسن سعته ٥ لتر فقط يعني الفرق راح يكون واضح عند أصحاب الجموس والسيارات الكبيرة ولاننسى أن التجربة تمت في محطة حديثة يعني لو كانت محطة اقدم اتوقع راح يكون الفرق اكبر

الله يسعدك ي حسن كتبي والله انك تستاهل كل خير 🌹🌹🌹

في الخمسة لتر صار فيه فرق على حجم صغير ،، تخيل على حجم التانكي الكبير كم بيكون الفرق ؟ ،، الترويج المستمر لحكاية انه لايوجد فرق بين طريقة التعبأتين يثبت انه يوجد و بشده ،، لو كل شخص وفر من ال ٢ الى ٣ ريال كحد ادنى ،، كم خسارة المحطات بتكون من كل الزباين ؟ الخلاصة ،، مزمز عليهم و انت تعبي ترى الفلوس مهيب منتثره بالشارع و هذا درس من ٢٠٣٠ 👌

حاول بارك الله فيك. لا تكثر التفاصيل..عشان لا يكبر المقطع مع العلم المعلومات طيبة وجزاك الله خيرا

المقطع عبارة عن اعلان لشركة نفط.... وشكراً لانك نبهتنا خلاص ماراح اعبي من عندهم...دور لك محطه طرمباتها قديمه وصدقني بتشوف فرررق خصوصاً اذا عبيت فل

أخي العزيز.. انا املك سيارة من نوع يوكن اكس ال طبعاً خزانها كبير اكثر من مائة ليتر.. لما اعبي على ابطأ شي يختلف من محطه لمحطه بعضها سريع ونادر تلقى بطيء ولا حظت فيه فرق يتراوح بمتوسط عشرة ريال ويزيد.. فما بالك اذا عبيت على السريع الحقيقة عمري ماجربت .. ولكن نظرياً على السريع راح يكون فيه كميه هواء اكبر وراح تحسب عليك اكثر من الحاصل.. وعلى البطيء راح يكون الهواء اقل وتقل معك النسبه.. وممكن كل واحد يجرب بسيارته اول ماتولع اللمبه وراح يلاحظ الفرق.. اكثر المحطات المجدده لعبت في موضوع السرعات وصار البطيء يعادل المتوسط واكثر اي الدرجه الثانيه سابقاً لزيادة الربح المالي واستغلال المستهلك

هذا التجربة في جالون ٥لتر طيب احسبه لسيارة تانكيين بيطلع فرق

خمسة لتر وفيه فرق اجل التوانك الكبيرة بتفرق فيها ريالات

5 لتر ما يبان اذا فيه فرق كثير لما تعبي فل من 30 الى 40 لتر يبان الفرق

استاذ حسن انا اذا عبيت من اكثر من محطة تختلف قراءة البنزين عندي فؤ مؤشر البنزين range هل مسدس التعبئة فيه مشكلة او العوامة عندي الحساس لايعطي قراءة صحيحة بسبب مشكلة فنية

الحين طقه وحده تعبي بنزين بسرعه أبطأ؟ والزيادة كانت بعلبه التعبئة البطيئه ام السريعه؟

ماعندك سالفة بالنهاية ماعلمتنا الي فيه بنزين اقل ايات واحد سرعة بطية ولا سرعة سريعة

سريع ولا بطيئ .. 11 لتر .. ب 10 ريال لايزيد ولا بنقص

ياستير ١١ دقيقه عشان تقولنا انك تعبيئ سريع والابطيئ نفس الشيئ مايتغير لاالسعر ولاالكميه.. الحاجه الثانيه اذا كنت تقول منت تسوي دعايه لمحطة نفط بس لانها كبيره انا اقولك ماصدقت لأنه يوجد محطات اكبر وافضل من نفط كالدريس وبترول .. شكرا لمجهودك ..

سيارتي كل ما أجي أعبي بنزين يكون في التانكي هواء كثير وش الحل ؟ نوع السيارة جراند ماركيز

اخ حسن راجع معلوماتك انه ما اخلي مؤشر البنزين ما ينزل للربع هذا كلام منافي لتصميم تانكي البنزين حق السياره لان ماصورة الشفط في قاع التانكي فماله علاقه المؤشر لو في اوساخ في التانكي راح تروح للمكينه حتى لو المؤشر فل

ممكن صادق بس لايمكن اكذب نفسي وشوف عيني عبيت بنزين والتانكي فاضي لمبة البنزين شغاله اذا كان سريع ٥٩ ريال فل وعبيت دقه وحده ٤٥ ريال فل يعني كم الفرق ١٤ ريال

اخويا حسن بسالك انا عامل نانو سيراميك ثلاث طبقات كيف طريقة غسيل سيارة انا بغسل بس موية بس تبقى شوية قطرات ومع الوقت تتجمع فيها رملة والحل ؟

أنا معبي دبتين مويه ابو 25 لتر للبر .. وحده عبيتها بسرعه والثانيه عبيتها خفيف وطلع لي الفرق كبير . يمكن نص الربع ناقص . والمحطه من محطات الشركات الكبيره . أتمنى ياستاذ حسن ماتلمع للشركات سواء نفط أو غيرها . انت جربت لشركة نفط ويمكن هذي المحطه أحدث شي عندهم والطرمبات جديده والتجربه على كميه بنزين بسيطه ورغم الحرص ... طلع فيه فرق!!!

ياكثر بربرتك اختصر المقطع في خمس دقايق لا تقعد تسولف وتعيد الكلام

ياليل اليل ياحسن كتبي ياخي اختصر كلامك تراك صاير غثيث اختصر على المشاهد ولاتتكلم في اشياء مال امها داعي في عنوان الفديو

مشكور اخوي حسن على هذا التجربة بس اتوقع ان هذا الفرق بسيط جداً لانكم حددتوا عدد الترات قبل التعبئة

أستاذ احسن نبي شرح سوناتا 2018 الشكل الجديد

حبيبي عبي لتر اكبر مثل ٧٠لتر تلاحظ الفرق

دعاية لمحاطات نفط.

انا اشكر شركة نفط لإهتمامهم في محطاتهم وجمال تصميمها واتمنى الدريس وطقته يسوون زيهم وبرضه بتروين و اينوك محطاتهم جميله وتصميم رائع برضه

والله فيه فرق انا اعبي بنزين ٩١ على ٣ طقات فل من نفس المحطة يكتب لي العداد يمشيني من٤٢٠الى٤٠٠ كليو المرة اللي بعدها عبيت ب طقه وحدة كتب لي يمشيك٤٩٥ كيلو

الله يا ايام الرخص 💔💔💔💔

مشكور على تعبك بالتفاصيل استفدت كثير

٥ لتر والفارق بسيط ولكن اذا عبيت فل بيكون الفارق كبير تحياتي لك

شفت مقطع واحد يجرب طرمبة اول ما يسحب المسدس تحسب ٣٠ هللة بدون ما يضغط يعني مبرمجة على حساب ٣٠ هللة مباشرة سواءً عبيت او لا

احترامي لك اخي حسن لكن الظاهر انك تتكلم من غير نظر في آلية عمل طرمبة البنزين و في الحقيقة أن الطرمبة تسحب البنزين من اسفل التانكي وروح شوف وافهم عمل الطرمبة حقت السيارة قبل الحديث عنها

طيب الفرق طلع لصالح مين مابين ؟؟

ممكن سؤال .. عادي احط بنزين95 لسيارتي وهي من المصنع 91 . افيدونا افادكم الله

لو فرضنا ان فرق السعر بين تعبية الطقة الوحدة والطقتين هو ١٠ هللات لكل ٥ لتر (بسعر البنزين اليوم).. ونفرض أيضًا انك بتعبي ٦٠ لتر للسيارة.. ٦٠ لتر ÷ ٥ لتر = ١٢ لتر ١٠ هللات × ١٢ لتر = ١٢٠ هللة زيادة لكل تعبئة بطقتين ١٢٠ هللة ÷ ١٠٠ هللة = ١.٢ ريال زيادة لكل تعبئة بطقتين نفرض ان الواحد يعبي كمتوسط ٤ او ٥ مرات بالشهر.. يعني يعبي بالسنة ٦٠ مرة ٦٠ مرة × ١.٢ ريال = ٧٢ ريال تدفعها بدون أي فايدة كل سنة طبعا ٧٢ ريال على مئات والاف بل ملايين المواطنين يساوي ملايين الريالات اللي قاعدة تضيع بدون فايدة الفرق البسيط اللي مايُلاحظ على ٥ لتر يلاحظ على المدى البعيد عبوا طقة وحدة ياخوان.

فرق بسيط بس كيف لو عبت 60لتر فل راح يطلع الفرق كبير جدآ.

معبي 5 لتر اكيد ما تفرق يا اخ حسن تخيل أنك راكب جمس و عب 40 لتر هنا يبداء الفرق معك لأن 5 لتر ما تسوي شىء

والله انا متعجب احيانا اعبي الهيلوكس محطه ب٤٤ ومحطه ٤٨ واحيانا اعبي بمحطات فل وتنزل الشوكة بسرعه غريبه

خلاص مشاهدة المقطع لمرتين، أن التعبئة على درجة واحدة أوفر في الكمية وتقليل السعر خلاف التعبئة على درجتين أو عالية، وهو مالم يفصح عنه الأستاذ حسن كتبي. أنا مجرب ذلك.