Рет қаралды 186
Topilmaydi...
Muammolar yechilmadi. Hech yo'llarim ochilmadi.
Parvardigor Sendan boshqa biror Odil topilmadi.
O'ngga chopdim, so'lga chopdim. Dengiz, daryo, ko'lni topdim.
Sajdaga boshimni qo'ydim boshqa manzil topilmadi.
Bahor bo'ldim gullab ko'rdim. Vijdongacha pullab ko'rdim.
Uchib ko'rdim, quchib ko'rdim. Baribir ekkanim o'rdim
Ofiyat yo'q edi dilda, oxiri Sen tomon yurdim.
Kalomingdek nasihatgo'y Olim, Fozil topilmadi.
Mittigina yuragimda dunyo qadar tashvishim bor.
Do'stimdanam dushmanim ko'p orqamda ho'p mish-mishim bor.
Mani o'sha yuqorida Alloh degan tanishim bor.
Tushunganlarim tushungan piri komil topilmadi.
Quvganlarim sarob bo'ldi. Topganlarim molu dunyo.
Ko'zni bir yumdimu ochdim, 40 yil ham o'tdi go'yo.
Toatdan boshqasi yolg'on, zikridan boshqasi ro'yo.
Haqni aytganni anglagan biror oqil topilmadi.
Muhabbatdan so'zni ochar, so'ngra nomahramni quchar.
Yolvorib Ka'baga uchar, pul deb yolg'on qasam ichar.
Atrof to'la masxaraboz, qachon niqobini yechar.
Aytganiga amal qilgan bitta bir xil topilmadi.
Yig'ladim halovat izlab, taskin topolmadim dilga.
Na issiq na sovuq yoqar, yo ko'nmadi qizil gulga.
Habibingga ergashdimu shu zahoti chiqdim yo'lga.
Zikr aytdim huzur topdim, boshqa omil topilmadi.
Sajdaga boshingni qo'ygin bunday manzil topilmaydi!
Parvardigorimdan boshqa biror Odil topilmaydi!
Kalomidek nasihatgo'y Olim, Fozil topilmaydi!
Buni anglamagan bizdek osiy joxil topilmaydi.
✍️ Abdugaffor Ahmad.
11.02.2024