Топли Вирови е месност и излетничко место над селото Чифлик, во југоисточниот дел на Македонија. Тие се сместени на реката Дошница и нивното име доаѓа од тоа што образуваат базени со вода сместени во карпи.
Во текот на летната сезона, кога времето е суво и жешко, една од најпопуларните активности е капењето во локалните речни топли вирови. Многу чиста водата се спушта од планините, се собира во природно формирани карпести корита и многу добро се загрева. Обично сезоната започнува од јуни и трае до крајот на август.
До месноста може да се дојде преку асфалтен пат од градот Демир Капија во насока на селото Дрен. Месноста е во атарот на селото Чифлик, во непосредна близина на истуреното маало Дошница, наречено по старата ХЕЦ „Дошница“.