Toshkent metropoliteni 1977-yil 6-noyabrda ochilgan. Uni 1-liniyasi - Chilonzor yoʻli boʻlib, hozirda bu liniya uzunligi 23,7 km va 17 bekatdan iborat.
Toshkent metrosining umumiy uzunligi 58 km dan ortiq bo'lib, hozirda 5 ta liniya, 43 ta stansiya faoliyat ko’rsatmoqda.
Bular:
Chilonzor liniyasi - 12 stansiya-16,3 km;O’zbekiston-11 stansiya-14,2 km;Yunusobod - 8 stansiya-9,5 km;Sergeli liniyasi - 5 stansiya-7,0 km;
Halqa yer usti liniyasi -7 stansiya -11,5 km.
"Ehtiyot boʻling, eshiklar yopiladi, keyingi bekat…" kabi metro e'loniga suxandonlar Tuhfa Ahmedova, Raʼno Dehqonova, Manzura Ahmadaliyevalar ovoz berishgan. 2006-yildan boshlab Muslima Murodovaning ovozi oʻrnatilgan. 2017-yildan esa diktor Madina Xasanova ovozi qo'yilgan.
Qiziq fakt, Toshkent metropoliteni 9 balli zilzilaga bardosh bera oladi. Bundan tashaqari boshqa favqulodda vaziyatlarda ham insonlar hayotini saqlab qolishi mumkin. Bu esa Davlat siri hisoblanadi.
Toshkent metropoliteni bekatlari o'ziga xosligi bilan ajralib turadi. Ular loyihalashtirilgan davriga koʻra turli xil uslubda qurilgan. Metrodagi Chilonzor, Novza bekatlari gumbazsimon, Mustaqillik maydoni yigʻma monolit konstruksiyali kolonna tipida, boshqa bekatlar esa kolonna tipida qurilgan. Har bir bekatning badiiy meʼmorlik hamda haykaltaroshlik nuqtai nazaridan bezatilishi ramziy ravishda shu bekat nomini aks ettiradi. Ularda madaniy, monumental dekorativ va amaliy sanʼatning milliy anʼanalari oʻz aksini topgan. Bekatlarga bezak berishda, asosan, Oʻzbekistonda chiqadigan qora, qizil, kulrang granitlar, turli xil marmar, keramika, stomalit, yogʻoch, oyna, turli xil metall va boshqalardan foydalanilgan.
#metro #metropolitan #метро #tashkent #uzbekistan