(DINAGYANG TRIVIA)
TRIBU BOLA-BOLA: ANG TRIBU NGA MAY PINAKAMADAMU NGA CHAMPIONSHIP AWARDS SA DINAGYANG FESTIVAL
Sin-o bala ang indi makakilala sa Tribu Bola-Bola sang Iloilo National High School? Makabig sang kadam-an nga best tribe sa Dinagyang bangud sang pinakamadamu sini nga championship awards. Sugod sang nagpasakup ang Tribu Bola-Bola sa Ati tribes competition, 8 na ini ka beses nga gindeklarar nga kampeon halin 1994, 1996, 1997, 1998, 1999, 2000, 2001, 2004. Nangin second runner-up sa Dinagyang 2002; Best in Discipline sang 2011 kag Best in Street Dancing sang 2009.
Ang Tribu Bola-Bola amu ang nag-introduce sang paggamit sang mobile risers sa Dinagyang Festival sang 1994. Ang risers ang naghatag sang improvement sa choreography kag dance movements sang tribu. Isa ang mobile risers sa mga innovations sa Dinagyang nga tubtub subong, ginagamit na sang kada tribu.