🔵 თეთრიწყაროს მუნიციპალიტეტის 15 სოფლის წყალმომარაგების სისტემის მშენებლობა მიმდინარეობს.
🔹 საქართველოს რეგიონული განვითარებისა და ინფრასტრუქტურის სამინისტროს, საქართველოს გაერთიანებული წყალმომარაგების კომპანია თეთრიწყაროს 15 სოფლის (მაწევანი, გოლთეთი, წინწყარო, დიდი დურნუკი, პატარა დურნუკი, ქოთიში, ხაიში, ქოსალარი, ტბისი, ფარცხისი, საღრაშენი, არდისუბანი, ენაგეთი, შავსაყდარი და ასურეთი) წყალმომარაგებისათვის აშენებს ქსელებს, მაგისტრალებს, სათავე ნაგებობებს, სატუმბო სადგურსა და რეზერვუარს.
🔹 პროექტის მიზანია 15 სოფლის ხარისხიანი, უწყვეტი წყალმომარაგებით უზრუნველყოფა. სამუშაოების დასრულების შემდეგ, თეთრიწყაროს 15 სოფლის მოსახლეობა უწყვეტი წყალმომარაგებით ისარგებლებს.
🔹 პროექტის ბიუჯეტი 48 000 000 ლარზე მეტია და სამშენებლო სამუშაოების დასრულება ეტაპობრივად, 2025 წლისთვის იგეგმება.