Рет қаралды 15,154
-------------------------------
તું હ્રદયે વસનારી - સુંદરમ્
TU RADAYE VASANARI - SUNDARAM
-------------------------------
તું હ્રદયે વસનારી
ઘટઘટ ભીતર નરતનહારી. ….તું હ્રદયે વસનારી
તું અંતરનાં તાર પરસતી અંગુલિ કો રઢિયાળી,
તું તિમિરોનાં ધણ વાળી લૈ કરત સદા રખવાળી. …તું હ્રદયે વસનારી
તું માનસ અમ મુકુલિત કરતી ઉજ્જ્વલ કો દ્યુતિ અરુણા,
તું જીવનનાં વ્રણ પર વરસત કોઈ અમીમય કરુણા. …..તું હ્રદયે વસનારી
તું જીવનની જન્મ ક્ષણોની ધાત્રી પ્રાણ-પ્રદીપા,
તું કદમે કદમે પ્રજ્વલતી અગ્નિજ્યોત સજીવા. …..તું હ્રદયે વસનારી
તું નયનો પર પડદા ઢાળી, અન્ય નયન દેનારી,
તું જગમાં - જગ પાર અનંતે અમ સંગે ઘુમનારી. …..તું હ્રદયે વસનારી
તું આનંદ અનર્ગળ પ્રભુનો, તું પ્રભુની પર શક્તિ,
તું ઋત સત સૌ ધારણહારી, તું અંતિમ અમ મુક્તિ. ….તું હ્રદયે વસનારી
તું અમ ચરણોની ગતિ, તું અમ નેત્ર તણી ધ્રુવતારા,
તવ હ્રદયે અમ વાસ સદા હો, હે હરિની રસધારા ! …..તું હ્રદયે વસનારી
_________________________________
ગીતકાર - શ્રી સુંદરમ્
LYRIC - SRI SUNDARAM
સંગીતકાર - શ્રી તિનકડિ બન્દોપાધ્યાય
MUSIC - SRI TINKADI BANDOPADHYAY
ગાયક - વાસંતી રાવ,
VOICE - VASANTI RAO,
(શ્રી અરવિંદ શિબિર, અમદાવાદ, ૧૯૫૭ ઓક્ટોબર)
(SRI ARVIND SHIBIR, AHMEDABAD, OCTOBER 1957)
_________________________________