Səmanın atası dünyasını təzə dəyişib. Ondan böyük bir miras qalıb. Səma
evin tək varisidir. O, anası Nərgizlə bir yerdə yaşayır. Evlərində bir xadiməvə bir yaşlı bağban var.
Atasının otağında xatirələrlə baş-başa qalan Səma, yazı masasının gizli
siyirməsindən məktub tapır. Bu, atasının Səmaya yazdığı son məktubdur.
Məktubda atası Səmaya gördüyü bəzi qanunsuz işlərdən danışır və bu işləri həyata keçirmək üçün ailəsiylə qorxudulduğunu yazır. Səma bu məsələni araşdırmağı qərara alır, lakin heç kimə bir söz demir.Səmanın anasının rəfiqəsi Arzu onlara gəlir və Nərgizlə qapalı bir otaqda mübahisə edib gedir. Səmə anasının pərişan və hirsli olduğunu görür.Lakin Nərgiz onun suallarına cavab vermir.
Atasının iş ortaqlarından biri olan “Sərvər əmi” Səmagilə gəlir və mərhumun ona külli miqdarda borcu olduğunu sənədlərlə sübut edir. Borc çox böyükdür...