mtisambebi.ge/ - „ბაღი ჩემ ბავშვობაში იყო, 40-50 მაინც ვიქნებოდით. ახლა იქ საბანკეტო დარბაზია. საბანკეტო რა, სულ ქელეხებია. ახალგაზრდები კი არიან სოფელში, მაგრამ ვერ ქორწინდებიან. მე და ჩემ ბიძაშვილს გვყავს ბევრი შვილი, თორემ უმრავლესობას ცოლი არ ჰყავს, შვილი საიდან ეყოლება და თუ ჰყავს, ერთი ან ორი ბავშვი. ჩვენ ან ყველაზე ჭკვიანები ვართ, ან ყველაზე სულელები“ - ღები მთის რაჭაში ჯერ კიდევ ერთ-ერთი ყველაზე დიდი სოფელია, 30 ბავშვით, პავლე და გია ბოხაშვილების ოჯახების წყალობით. პავლეს 7, გიას კი 6 შვილი ჰყავს. მათგან ხუთი სკოლამდელი ასაკისაა. საქართველოს კონსტიტუციის 27-ე მუხლად კი ჩავწერეთ, რომ ყველას აქვს განათლების, მათ შორის, სკოლამდელი განათლების მიღების უფლება, მაგრამ ღებელმა ბავშვებმა არ იციან, საბავშვო ბაღი რა არის.