Рет қаралды 29,539
Icyanteye gukora iyi ndirimbo,
icya mbere
nk’umuhanzi, nkomeje gahunda yo kugeza ibihangano ku bakunzi.
Icya kabiri, nk’umuntu wabaye ingabo
nkahabwa inyigisho zo gukunda igihugu
nkaba numva agaciro k’urugero intwari
zatanze, iyi ndirimbo ni uruhare rwanjye mu kwamamaza ubutagereranywa bwazo, ngo jyewe n’abazumva igihangano cyanjye tujyane mu rugendo rwo kwigana urugero zaduhaye.
Ku rundi ruhande nkumva ari ikintu cyiza kubasha gukora igihangano kizivugaho, kibasha kuboneka k’uwifuza kucyumva, kibasha kubikwa na nyuma y’imyaka kikaba cyakwifashishwa.
Inama nagira abantu ngo babashe gutera
ikirenge yo ni nk’iyo nanjye nakwigira. Ni
ukwanga guheranwa n’ibibazo, ni ukumva ko umuntu aho kuganya agomba gushaka ibisubizo yitanga, kandi aharanira kudatatira indangagaciro z’umuco nyarwanda.
Buri wese, mu cyiciro cye, mu byo akora agahora aharanira kubumbatira ibyo
twagezeho, mbese mu yandi magambo buri wese akumva ko agomba kuba mu mujishi ngo twubake gitwari igihugu kirangwa n’ubutwari.
Audio by Jimmy Pro / LeveL9 Records
Video by Walter Finch / LeveL9 Records