Тыштырма (дәстүр). Сәбиді бесікке салар кезде бесіктің түбегі тұратын тесіктен құрт,ірімдік, тәттілер өткізіп “тышты,тышты” деп ырым жасайды және оны “тыштырма” деп атайды. “Тыштырманы” әйелдер ырымдап бөлісіп алып, бала-шағаларына үлестіріп берген. Бұрынғы дәстүрлеріміз қалай болған иә, жаңғыртуымыз керек дәстүр болып қала бермеу керек.
Бесік жыры
Бесік жыры ( салт ).
Әлди-әлди, ақ бөпем,
Ақ бесікке жат бөпем!
Жылама, бөпем, жылама,
Жілік шағып берейін,
Байқұтанның құйрығын
Жіпке тағып берейін.
Арша ма екен бесігі?
Алар ма екен әкесі?
Өрік пе екен бесігі?
Сүйе ме екен әкесі?
Жиде ме екен бесігі?
Әлди - әлди, аппағым,
Қойдың жүні қалпағым…
Бесікке салу
Бесікке салу ( салт )
Әлди - әлди ақ бөпем,
Ақ бесікке жат бөпем.
( Бесік жыры )
Бесік қасиетті, киелі құтты мүлік, сәбидің алтын ұясы болып есептеледі. “Ел іші - алтын бесік” деген сөз бесіктің құдіретін көрсетеді. Жаңа туған баланы бесіке салу да халқымыз үшін елеулі дәстүрдің бірі. Бесікке салу жолы үлкен, өнегелі әжелеріне, әйелдерге тапсырылады. Ол бесікті отпен аластап “тыштырма” жасап алып, баланы бесікке бөлейді. Бесік үстіне жеті түрлі қадірлі, таза заттар қойылады. Бесікке салған адамға “бесікке салар” яғни кәделі сый беріледі. Осындай қуаныш үстінде “Бесік жыры” айтылады.
Салт- дәстүрімізды ұмытпайық.
#салдәстүр #әдетғұрып #қазақша
#тыштырма
#тыштытышты
#салт_дәстүр
#әдебиеттікоқу
#әдет_ғұрып
#әдебиеттік
#әдебиеттікоқу