Рет қаралды 10,739
Həkim-Pediatr Dr Kənan Qarayev
Tel: 050 587 18 48
Facebook: / pediatr.usaqhekimi
İnstaqram: / dr.kenan_qarayev
Payız mövsümünə keçdiyimiz üçün uşaqlar arasında kəskin respirator virusu (qrip) yayılmışdır. Bu fəsildə uşaqlarda burun axıntısı, burun tutulması, burundan ifrazatın gəlməsi, quru öskürək halları müşahidə edilir.
Xəstəlikdən qorunma yolları:
• Uşaqların açıq mühitdə(təmiz havada) vaxt keçirmələri,
• Bol maye (otaq temperaturunda su) qəbulu,
• Uşaqların insanların mühitində daxil olması (ətraf mühitdə olan bakteriyalara alışması, immunitet qazanması).
Respirator qrip virusları - onların sayı 200-300 dür. Onlar tez bir zamanda öz ştamlarını dəyişə bilirlər, müxtəlif formalarda uşağın orqanizminə yuxarı tənəffüs yolları ilə daxil olurlar. Bu isə uşaqların tez-tez xəstələnməsinə səbəb olur.
Tez-tez xəstələnmə - İl ərzində uşaqlar 4-8 dəfə qədər yüngül respirator (burun axıntısı, burun tutulması, tək-tək öskürək) halı tez-tez xəsətələnmə kimi dəyərləndirilmir. Ancaq xəstələnmə 8 dəfəni aşarsa, qeyd edilən simptomlarla yanaşı bədən hərarətinin yüksəlməsi və qızdırmanın (38 dərəcə və üzəri temperatura) 3-5 günə qədər davam etməsi, boğucu və bəlğəmli öskürəklər, burun tutulmasının davam etməsi müşahidə edildikdə bu hal tez-tez xəstələnmə olaraq dəyərləndirilir. Bu zaman valideynlərin həkimə müraciət etmələri məsləhət görülür.
Tez-tez xəstələnən uşaqların qripə yoluxmasının qarşısını almaq üçün müxtəlif adlı preparatlardan istifadə etməkdənsə, elmi əsası olan və bütün dünya üzərində tanın qrip peyvəndi(80 faiz qoruyur) tövsiyə edirik.
Qrip peyvəndi 6 aydan 60 yaşa qədər bütün yaş qruplarında istifadə edilir. Əgər bir uşaqda (insanda) yumurta allergiyası varsa, qrip peyvəndi etmək əks göstəriş verə bilər.
Qripi viruslar törətdiyi üçün müalicəsində antibiotikin yeri yoxdur. Yalnız həkim müayinəsindən sonra həkimin tövsiyə etdiyi müalicə aparılmalıdır.
#qrip #usaqlardaqrip
#usaqhekimi