Рет қаралды 14,613
Бу усул қуйидаги устунликлари учун тавсия этилади:
1. Гилос дарахтларига шакл бериш, кесиш ва ҳосил хажмини бошқаришни осонлаштириш;
2. Гилос дарахтлари новдаларини тик ўсиш хусусиятидан фойдаланган ҳолда дарахтлар ўсишини мевали шохлар сонини кўпайтириш орқали ўсиш тезлигини бошқариш;
3. Ишчилар унумдорлигини, кимёвий воситалар самарадорлигини ошириш ва дарахт бўйлаб қуёш нурларини бир хилда тарқалишига эришиш.
УФО усули икки ўлчамли усул бўлиб тез ҳосилга киради ва юқори ҳосилдорликка эришиш имкониятини беради. Мевалар асосан спур куртакларга эга шохларда ҳамда 1 ёшли новдаларнинг қуйи қисмида пайдо бўлади. Ушбу усул симбағаз тизимини талаб этади ва меваларни тўлиқ ердан туриб териш имконини беради. Дарахтлар баландлиги қатор орасининг кенглигидан 20% га узунроқ бўлади.
Экиш вақтида
УФО усули учун бўйи қисқартирилмаган ва ён шохга эга бўлмаган кўчатларни экиш мумкин. Кўчатларни 45 градус бурчак остида экинг. Тик экиб кейин уни эгиш мутлақо тавсия этилмайди. Кўчатларнинг учки томони жануб тарафга қаратиб экилади. Кўчатларнинг барча ён шохлари тагидан кесиб ташланади. Дарахтлар орасидаги масофани кўчатлар билан тўлдириш керак.
Симбағазнинг биринчи сими 50 см баландликда тортилади ва дарахтларнинг танаси ўша баландликда симга бойланади. Биринчи симнинг пастида кўчатда жойлашган барча кўртаклар қўлда тушириб ташланади. Дарахт бўйлаб хар 20 см масофада бир дона тик шох ўсишини таъминлаш учун юқори тарафда жойлашган куртакларда новда ўстириш усулларидан фойдаланинг.
Батафсилроқ бизнинг телеграм каналимизда билиб олинг. Обуна бўлиш учун ҳавола: t.me/bogdorchilik