"Боз торгоюм"
Обону: А. Карымов.
Сөзү: К. Жакыпов.
Сезиминде кири жок секелегим,
Сенин келет колуңдан жетелегим.
Сездире албай жүрөмүн, сездире албай,
Сезим оту жүрөктө өчө элегин.
Кайырма:
Токтоло элек мүнөзү, боз торгоюм,
Тура албайсың жанымда шоктонмоюн.
Туура түшүн, кара көз, туура түшүн,
Турмуш супсак, жүрөктө от болмоюн.
Агаң болуп жүрөмүн абройлуу,
Ачык айтам канткенде анык ойду?
Абай салып байкачы, карлыгачым,
Азап болду агаңа, азап болду.
Шыбырт болсо шырп учкан чымчыктайым,
Чырмалышкан ойлорго тумчукпайын.
Чырак болуп жагылдың кеч күүгүмдө
Чырайыңды эш тутуп тынч уктайын.
Каналыбызга катталып, ой-пикириңиз менен бөлүшүңүз.
Сиздин ар-бир сөзүңүз, пикириңиз бизге өтө маанилүү
жана дем күч берет!
Баардак укуктар корголгон.