معليش يابنات اعتذر عن التاخير بس مرتين يحذفولي الفيديو وارجع احملو ما اعرف فين المشكلة لانو حتى موسيقى مافي في المقطع ما ادري ليه يحذفوه🤷🏻‍♀️

بالنسبه للمكيف تقدرين تحاولين فتحته لشباك وتشيلي المكيف هذا تماما وتركبي بداله مستقبلا اسبلت

بصراحة الدرج اللي مغطي الشباك مخرب المنظر لذلك اقترح انك تقصي الدرج حق المكانس من فوق وتخليه بنفس مستوى رخامة المطبخ وتركبين على سطح الجزء اللي قصتيه رخامه صغيره ..والدرج اللي فيه المكرويف والادراج الللي فوقه ماتغيرين فيها شي ابدا .. يعني يصير يمين المكرويف رخام ويساره رخام وتحطي على جزء الرخامه الصغير اللي جنب الشباك نباتات طبيعيه مثلاً او ثلاث رفوف صغيره من ايكيا بدل الدرج اللي شلتيه

شكراً لك غيداء.. فعلاً هالفيديو في وقته.. جالسين نصمم بيتنا و نحاول نشوف أخطاء و آراء و تغذية بصرية..

الغلطة الثانية قصي الدولاب ع قد الفرن ويصير عندك سطح تستفيدي منه مثل ركن قهوه او نباتات او ديكور ويكون الشباك معطي نور وديكور للسطح الغلطة الثالثة المكيف الغطاء بخيه بأبيض عادي تقدري

مبارك عليكم البيت الجديد أسأل أن يكون ناصية خير عليكم ورب يسعدكم وشكرا ع النصائح اختك من ليبيا 🇱🇾

‏دقيقة تنفعك🌱: ‏- سُبحان الله ‏- الحمدلله ‏- لا إله إلا الله ‏- الله أكبر ‏- سُبحان الله و بحمدهِ ‏- سُبحان الله العظيم 🌷🌷🌷🌷🌷🌷🌷🌷

خليه يقص دولاب المكانس وحطي زرع مكانه وافتحي الشباك اما المكيف الغيه. لان حيفضل شكله يضايقك واشتري مكيف ستاند واقف الي ممكن تشيليه وتحطيه اي مكان

معلومات راءعة جزاك الله خيرا ياريت تصوري فيديو عن اخطاءك ف انواع الارضيات والابواب وكل مايخص الغرف

مجرد رأي يا غيداء اعملي ركن القهوة على ركنية بعد قص الدولاب على نفس مستوى الفرن وبكذا يكون منظر الركن جميل وبستفيدي من تهوية النافذة واضاءته

قصي الدولاب من الجهه العلويه فقط اللي عند الشباك قصيه بالعرض حصلت لي مشكله قريبه من مشكلتك وقصيت الدولاب واستخدمت الجزئيه المقصوصه فالمخزن بالنسبه لك راح يوسع المكان والشباك ضروري فالمطبخ لتجديد الهواء فهذي فكره. الفكره الثانيه بدون ماتقصه شيلي الجهه كااامله وحطيها فالمخزن والمكرويف دبري له مكان لو ع سطح المطبخ

مطبخك جميل والوان المطبخ والحائط جميل و اوعى تزعلى انا عملت مطبخى و طلع فيه اخطاء غير اخطائك يعنى ما فى مطبخ كامل و لا بدون اخطاء وانتى بلمساتك حتخليه اجمل واجمل

غيداء بالنسبة للمكيف ترا في اغطية مكيفات تتباع جاهزة لحالها وفي منها ابيض ورصاصي وبيج وكذا درجة بس خذيلك ابيض مرا حيفرق ان شاءالله

شكرا لك 😍♥️ قناتك حلوة لانها بدون موسيقى فرحت كثير

انا مصممه داخليه وأشير عليكي بتغيير بسيط لترتيب الدواليب وممكن من التصميم الجديد انه تعملي دواليب بزاويه تبدا من قبل الشباك ويكون مرتبط بدولاب المكرويف وتلغي الدولاب الطويل ويكون لحاله وكذا تكوني استفدتي من الشباك وصار دوران جميل بزاويه ممكن تحطي بالزاوية المطله على الشباك أشجار وكذا

اذا تحبي النوافذ في الوسط تقدري تبحثي عن fake window اللي تجي كأنها نافذة منورة و تحطيها في المكان اللي يعجبك

السلام عليكم عندي اقتراح للدولاب حق المنظفات في امكانيه يتشال عادي

والله هذا لو مطبخي انام بيه يخبل حتى تبريد بيه اويلي احنه بلعراق ميتين حر من نطبخ نطبخ نفسنه وياه الاكل من الحر

فيديو رائع رهيب ما شاء الله واسلوبك جميييييل ومريح شرحك ومن قلبك ربي يعوضك ويفرحك ببيتك

6:21انا اقول حطي ستاره صغيره تبداء من الرف الخشي الي على اليمين لين الشباك عشان يغطي لك شكل الشباك

الشباك ممكن تغطيه بشجرة كبيرة بالركنية خضراء أو بيها ورد أبيض، والمكيف خذي مكيف قري شكله جدا جميل ولونه أبيض

شيلي الشباك وحطيه ف النص وخليهم يقصون له بالصاروخ ...المكيف ضروري ف المطبخ حطي سبلت

لاتشيلي المنطقه الي عند الشباك حاولي تخلي الدولاب بزاويه افضل مررره يشيل اغراض وبيغطي على الشباك وبيعطيك منظر مرره حلو بالمطبخ احسن من انه كذا مستطيل اتمنى فهمتي عليه 🙏.. اقصد لو فصلتيه دولاب بزاويه افضل من كذا

ايش رأيك .. الدولاب اللي مسكر الشباك مع المايكرويف لو تفكيه خليه يمين الشباك .. وفصلي دولاب تكمله لين تحت الشباك خليه سطح عمل تستفيدي منه وكمان تستفيدي خزائن زياده..

جزاك الله خير ياغيداء نفعتيني جدا بموضوع المطبخ لاني بفصل عن قريب الف شكر😘

كان فيه فتحة للهواء صغيرة وقضيتي عليها لازم تهوية خارجية للمطبخ غريبة فكرتي تقفلين عنه بالدولاب؟ المفروض الفرن عنده يسحب أغلب روائح الطبخ حتى لو فيه هواية سحب. المكيف نفس ماقلتي سبليت أفضضضل، مكيفات الشباك مرض تدخل غبار وصوتها مزعج وتخرب الشكل وخراباتها كثيرة حتى لو غالية ومشاكلها ماتخلص يكفي إن لها فتحة بحجم شباك كامل ومخربة المنظر من الخارج لازم تغيرينه بأسرع وقت وترفعين السبليت مايكون بالنص ولا حول النص. المسكات غلط بالمطبخ تصلح لدواليب الملابس والجلسات صعب تنظيفهم ويمسكون كل شيء زيت طبخ وغيره ومو عمليات وقت العجلة. صنبور الماء حبيت لونه بس نازل لدرجة ماتقدرين تغسلين القدر الكبير هذا شعوري أول ماشفته، مغسلتنا نفس الفكرة بالجدار وهذا أفضل شيء ما يمسك بقايا الماء اللي تطير وقت الغسل ويصير حوله مثل الملح مع الوقت، *نصيحة* لاتغيرينه من الجدار جيبي الرأس اللي تلفينه يمين وشمال كأنه ليّ أو خرطوش مدري وش يسمونه حطيناه نقدر نحركه حتى لفوق يتلوى على أي جهة أهم شيء فكري مليون مرة قبل تكسرين وتندمين وشوفي تجارب الناس ومشاكل هالشيء. اللي عندك الصنبور غريب اللي يفتحه على تحت فكري باللي يجي الصنبور بالنص ومفتاح الحار يسار والبارد يمين ماعرفت أشرح لك بس والله بيخدمك يعني المشكلة مو بمكان الصنبور بس طريقته غلط. أحس بتندمين أكثر لو كسرتي وغيرتيه لتحت وجمع لك الماء ماعاد فيه مجال لتغييره إلا بتبدلين جزئية المطبخ اللي تحت. تحمست ودي أشوفك وأشرحلك 😂

البيت جميل ما شاء الله ❤️ و المطبخ حلو بغض النظر عن الاغلاط الله يباركلك

شيلي الدولاب المستطيل اللي عند الشباك 👏🏻 راح يدخل نور ويمدي تحطي ستاره احس احلى دام مو محتاجته 💜💜

من ضعف أو شغل عن بعض العمل في عشر ذي الحجة فلا يضعف عن هذين الذكرين العظيمين ، ففيهما عوض كبير ولايأتي أحد بأفضل منهما الا من زاد ، والتفريط فيهما يفوت أجرا كبيرا .. *( لا اله الا الله وحده لاشريك له له الملك وله الحمد وهو على كل شيء قدير )* مائة مرة . *( سبحان الله وبحمده )* مائة مرة .

الدولاب الطويل اللي جنب الشباك مع دولاب الفرن افصليهم كليا وحطيهم على يمين النافذة و وبامكانك تركه كما هو يطلع حلو او طلب دواليب اخرى سفلية بمستوى الرخام تصل لاسفل النافذة بشرط يجب اخذالقياسات بدقة يعني تحولين الطبخ من شكل L لشكل U

ماشاء الله لاقوة إلا بالله.. الله يعطيك العافية رووووعه فيديواتك.. بارك الله في صحتك ووقتك

يعطيك العافية اختي انا رأي تشيلي اللي مغطي الشباك وتقسميه نصين جزء فوق وجزء تحت وخلي الشباك شو مكان بدخل هوا

هاذي أخطاء فضيعة مو بسيطة اشلون مرت عليكم مع إن المطبخ جديد والمفروض أي مصمم متمكن ما اتمر عليه هالأخطاء

لكل مشكله حل 👌🏻 شفتي دولاب المخزن فصلي وحده تكون ع جنب يعني تغطي الشباك ويصير كأنه زاويه 🤍

و بالنسبة للشباك ممكن تلزقي علية الفوم اللي بيجي شكل طوب مربعات قريب للسيراميك عندك

الشباك حطي تجليد في على شكل سراميك نفس حقك تلاقي في محلات الكماليات ، والمكيف فكي الوجه واصبغيه لون ابيض في بخاخ

شكرا لطرح الأخطاء...لكن أهم شيء بالمطبخ يكون شرح...وينطبخ فيه طبخ محترم وطعم...الآن للأسف أكثر المطابخ ديكور...والتدقيق الزايد في ديكور المطبخ والله ماله داعي تتعبي نفسك ولي حولك هذا غير الخساير المادية..

احب اقول لك رغم الأغلاط الا ان المطبخ جدا جمييييييييييييل ماشاء الله تبارك الله لاتركزين على الاغلاط

مبروك 50ألف عقبال 100ألف بتوفيق يارب

ماشاءالله تبارك الله ربنا يهنيك فيها فتحت المكيف اعمليها شباك واستغني عن المكيف

غيداء الله يسعدك استفدت منك 💞

ماشاءالله ياغيداء على الاحترام والاخلاق والقناه والذوق الله يوفقك 💙💙💙

بالنسبة للشباك الجانبي عندي لك اقتراح... الدولاب حق التخزين شيليه وخلي بداله أرفف مفتوحة صغيرة وداخلة على جوا أو قللي من عمق الدولاب.. واحتفظي بالباب حقه بحيث الشباك يبان أكثر.

غيدا فيه حلول للخلاط بس تغيرين الراس ويصير ممكن يتحرك و بالنسبه للفتحات الي في الجدار برضو فيه قطعه لونها ابيض تنحط حولين الصنبور ويطلع مررررتب جربته عندي

اللهم صل وسلم وبارك على سيدنا محمد وعلى آله وصحبه أجمعين سبحان الله وبحمدة سبحان الله العظيم عدد خلقه ورضا نفسه وزنة عرشه ومداد كلماته

حلين لغلطة الشباك/ ١- (مكلف)فيه مساحة فاضية في جدار الشباك ممكن توسعوا فتحة الشباك تخلوه مستطيل لاخر الجدار بس تغيروا اطاره يكون نحيف جدا كانه برواز اسود او خشبي وفيه انواع لفتح الشبابيك منها السحاب (فماحياثر وقتها انه جاي ورا الدولاب) ٢- (غير مكلف)شيلي كل الدولاب (المكانس و المكرويف) وحطيه في جدار الشباك على اليمين مو في النص ،وفصلي سطح مكانهم امتداد لسطح الفرن ، وحطي الرف اللي في جدار الشباك فوق السطح بس اتركي مسافة متساويه بين الشباك والفرن وحطيه في النص و استغلي المكان بزرع لانه ضوء الشباك حيضيء على امتداد واسع ،وبرضه الافضل يتغير اطاره و ادا بقي مساحة في الجدار مو حلوة بينه وبين الدولاب ممكن توسعي الشباك كمان .

الغلطة الثانية: سهل حلها مرا تقدري تفكي الدولاب وتركبيه بمكان ثاني 👋

اول نصيحة صح 100% .. لان دي الغلطة الي عملتها فطلع متكروت و تعبان .. و طبعا مش عارفين نغير فيه أو نعمل اي حاجة .. يلا حسبي الله ونعم الوكيل 😂

غيداء حبيبتي دخلت على قناتك صدفة وأنا أبحث عن تصاميم للمطابخ لبيت العمر يارب😍😍.. لاحظت إنو كنتي رافضة الخلاط يكون في الجدر تبغينه يكون من نفس الرخام.. ليه وش وجهة نظرك هل أفضل وأريح في التنظيف.. يعني حابة تفيدين وش فكرتك بالضبط عشان لو ناسبت سويتها في مطبخي بإذن الله 😊😊ومشكورة ياقلبي 😘😘😘❤️❤️❤️❤️

الدولاب اللي مغطي ع الشباك شيليه وحطيه بغرفة الغسيل او الحمام فوق استفيدي منه وركبي ستاره لشباك وحطي رف خشبي فوقه نباتات وشغلات حلوه بالنسبه للمكيف الغيه نهائي وقفلي الفتحه وخذي لك هوايه ارضيه اللي بساكو وقت الشغل تهويك لو فصل صيف

اهلين ياعسل ماشاءالله عليك انا معجبه فالمطبخ حقك مره ماشاءالله عندي اقتراح بس مكلف نوعا ما لدولابك عشان الشباك لاني زيك اعشق شي اسمه شمس وشباك لو مثلا تخلي دولابك حرف uيعني تزيدي ركن من عند الشباك وكمان متر او نص متر يعني يصير الدولاب الطويل فالوجه ومكان الشباك يكون فاضي وركبي الشفاط فوق الفرن ترى مره بيغطي عالمكيف لان المكيف لحالو فالجدار اول ماتخشي تشوفيه لكن لو حطيتي شفاط بيضيع المكيف فالمنظر وان شاءالله تعجبك فكرتي 😘💕

ياليتك كملتي وقفلتوا فتحت الشباك وفتحتوا وحده اكبر وقفلتوا فتحت المكيف وركبتوا سبيلت المطبخ ماشاءالله مش بطال بس من اول حنفية المويه اللي بالجدار فعلا مش عمليه الله يجعله منزل مبارك 💙

ذوقك عااااااالي ماشاءالله. تعجبني البساطة وقلة الألوان في التصميم. انتي مصممة داخلية يا غيداء؟

انا مطور عقاري واستفدت من هذا الفيديو اني اعرف ايش الأشياء اللي يحبوها البنات/النساء في المطابخ واسويها لهم محتوى مفيد وجرئ وهذا دليل ثقتك بنفسك 👍

السلام عليكم... عزيزتي ولايهمك ولاتحزني الحياة فيها اكثر من هذا يستحق الحزن.. اما فيما يخص الشباط موجود ورق حائط باشكال مختلفة ويلصق على المكان بتنسيق منكي طبعا وكلشي يصير اوكي بس مثل ماقلتي انا افضل اني يبقى الشباك حتتى ولو فتحه بوصة يغير الهواء فلو يمكنك ان تحويلن الدولاب الى جهة التصوير باليمين انا شفتها فارغة الى جهة الشباك الثانية قصدي وتعملين شي ثاني في المساحة الى تصير بتصميم جديد بحيث يبقي مكان لفتح الشباك.. ما اعرف اذا تنفعك الفكرة لو لا بس حبيت اقدم فكرة على امل ان تساعد

اول احلاا من ينزل 🥺❤️❤️

فعلاً الشباك رائع بالمطبخ أحب الضوء الطبيعي بالشقة كلها تسلمين على نصائحك الجميلة💕💕💕💕💕

غلطه ثانيه ممكن يجي لي يركبون مطبخ يشيل جزء من فرن ترى ينفك وسهل جدا بس، لو عندك ليه مكان وأنا أحسن عندك ليه مكان جها يمين وخليه هذاك المكان ممكن تزودي فيه رخام و صاج وتخليها ركن قهوه أو ديكور

رائع رائع الفيديو يفيد بنات كثير قبل يوقعو بغلط اشكرك وتستاهلي الدعم

انت انسانة صريحة وكلامك جميل هذا يلي عجبني الاشياء ماعليش بتتعوض

بالنسبه للمكيف شيليه ولا تحطي سبيلت ، جيبي من المكيفات السقفيه اللي تتعلق بالسقف افضل منهم الاثنين وبكذا تقدري تاحذي المساحه والمكيف يكون مخفي.

هاتي الواح بتكون فينيل وشكلها مربعات بيضا نفس شكل السيراميك بتاعك وغطي بيها الجزء اللى باين من الشباك

افتحي شباك في فتحه المكيف وكوبري الفتحه عشان المنظر شيلي الرف وخليه في المخزن اللي فوق وكذا كسبتي وا-جهتين شبابيك

كل الاخطاء اللي عندك كانت عندي في مطبخي القديم بس الشباك كان تحته الفرن والحمد الله غيرت مجرى الصنبور غيرت ماكان الفرن الشباك خليت تحت المغسله وصادقه والله انا كل تفكيري ركزته في المطبخ لاني كنت اعاني في مطبخي الاول وياربي لك الحمد مطبغي يفتح النفس احمد الله واشكره والله يعوضك ع هذي الخساره

كل المشاكل عندك سهل حلها... منطقة الشباك زيدي ركن سفلي فقط ع المطبخ يصير كأنه U وبعد الركن حطي الدولاب اللي مسكر الشباك تصير عندك المساحه واسعه + الشباك ممكن تحطين ارفف زي اللي حاطتها.. بالنسبه للمكيف انصحك قفليه بما انه عندك باقي من البلاط وانتي دور ارضي سهل عليك قفليه وسوي تسليك سبليت واصبغيه من برا البيت الشكل الخارجي سهل تقفيله ما يكلفك كثير.. خلي الاسبليت خذيه بعدين مو شرط ذحين اهم شي اسسي له.. مخزن المكانس خليه يفيدك لادوات المطبخ نفسه في تنظيفه ❤️👌

بسيطه شيلي دولاب المكانس بالمخزن. وجيبي عامل يفتح باب قزاز درفتين بدال مكان دريشه صامت والجهه والي من جهه الرف الخشب الي بجنب الدريشه الباب الي ينفتح يعطي شراحه وجمال افضل حتى من الدريشه يعني باب قزاز كامل سحب يفتح من جهه ومن جهه الولا ب يكون صامت👍

الخلاط غير انه في الحيط جاي منخفض مافيه ارتفاع في حنفيات بتكون عالية انسب للمطبخ واسهل لغسيل الصحون الكبيرة والطناجر الضخمة هاي صعب تدخلي شيء تحتها بصير شغلك ابطأ بكثير واصعب

حبيت الي قلتيه وصحيح انه مزعج ، بقولك ملاحظاتي ع مطبخك انتي لما فصلتي الدواليب راعيتي المساحه اهم شي تصممين ع قدها حتى لو دواليبك صغيره وبعد حتى لو تصميمك صغير هذا كله عشان المكان يكون شرح والشباك واضح

1.لو تشيلي الجزء من الدولاب لانه صح شكله مو حلو وتستغلي الدولاب في المخزن تحطي حق الأغراض اللي ماتستخدميها دائماً 2. شيلي المكيف وركبي مكيف السبليت ومكان المكيف السابق علشان مايتشوه.. غطيه من الخلف بالطوب الصغار.. وحطي مكانه اي شيء تزيني بيه مثل شتله صغيره🌵

يارب تعينك بصراحه حوسه. بخصوص الشباك نصيحه رجعيه وادهنيها حوافه ابيض وشيلي الوحده كلمله والمكرويف علقيه ومكان الوحده خلي الشباك ضاهر وسوي ستاره من الخسف وبعدين سوي ركنيه جماليه شجره واوله وكرسي بار خشبي ابيض وكذا

المشكله الثانيه حاولي تركبي لوحات بجنب بحيث تغطي على منظر الشباك المشكله 2 غيري واجهه المكيف لون ابيض موجوده بالمحلات

حلو هالفيديوهات تعطي الشخص فكره حتى مايكرر الغلط. يعطيكِ العافية

تجربة رائعة وجميلة شكرا للنصيحة الممتازة 👍

نصيحه حببتي بلاش الخلاط اللي ف الرخام بيكون مزعج جدا وبيعمل تسريب تحت الحوض الأفضل يكون ف الجدار بس غيري الخلاط وهاتيه مناسب

الغي المكيف مره شكله موحش وخليه شباك وستاره مكانه يعطي اضاءه وتهويه للمطبخ وديكور حلو

احبك غيدا الله يسعدك ويرزقكك من واسع فضله

اغلاطك بسيطه تقدرين تعدلينها الدولاب الي مغطي الشباك قصية خلي بس مكان المكيرويف والجهه الي للمكانس راح يصير درج صغير ويركبون لك رخامه عليها والشباك راح يبان ويدخل هواء والمكيف نزلي وجه المكيف وبخيه ببخاخ ابيض راح يصير روعه ولايق على المطبخ

بالنسبة للمكيف ...ممكن تشيليه عادى وضعى مكانه بلاطات عليها تابلوه او استخدمى شفاط كبير الحجم فى ذات المكان يكون شكله مناسب لديكور المطبخ

- بالنسبة لدولاب أدوات التنظيف الطويلة: أقترح تخصيص مكان له تهوية، لأن هذه الأدوات عادة تكون رطبة وتحتاج تنشف وتتهوى. وإذا كان في بالمطبخ باب خارجي، يفضل تخصيص مكان لها بالخارج حتى تتعرض لأشعة الشمس. بالنسبة للخلاط: بصراحة أنا أفضّل يكون في الجدار لسببين: 1- يكون ثباته أقوى. 2- بالإمكان رفعه للأعلى، وهذا يعطيك أريحية عند غسل الأواني كبيرة الحجم. أما بالنسبة لأشكال الخلاطات الجدارية، فأعتقد أنه في أشكال أكثر وبعضها ممكن إطالتها (تتمدد).. مسألة قص الكاشي (البلاط) لخلاط الجدار، هذه المشكلة في التنفيذ، التنفيذ سيء، لأنه توجد في السوق دوائر بعده أحجام مخصصة لقص البلاط بشكل دائري نظيف ومنظم وحسب المقاس المطلوب، القص المربع عفا عليه الزمن. تقبلوا مروري

بالنسبة لفتحة المكيف ممكن تسكريها وممكن تضعي مكان المكيف رف صغير به إنارة ليد وتضعي به 🌷 وتشتري المكيف المتحرك في المطبخ

كنتي تستغني عن الدولاب اللي مغطي الشباك وتحطي طاولة وكرسيين بمكانه تجلسي تقطعي الخضار او تشربي شي او ترتاحي عليه أثناء الطبخ

اسهل حل اصبغي برواز الشباك ابيض نفس لون الجدار والمطبخ وبيتناسق معاهم وتتقبلين شكله وماتحسينه مشكله

الخلاط اسمه شجره وفعلا احسن واريح وياريت تجبيه طويل عشان ميتعبكيش وانتى بتغسلى وهاتى فيه زى الدش بتشديها من الخلاط وتحركيها براحتك مررررة ممتازة

ممكن بسهولة تركبية سلات معدنية مع سكة بتقدري تسحبيها لعندك بنفس خزانة المكانس حلها سهل والسلات احسن من الرفوف لان الخزانة عندك عميقة

بالنسبه للشباك الجزء الطالع بما ان الجدار ابيض تقدرين تجبين ورق جدران ابيض 3 D وتقصينه على قد مساحة الشباك وتخلينه كانه قطعه واحده مع الجدار

بخصوص المكيف بما ان مطبخك لسه جديد تقدري تشتري سيراميك نفس نوعية اللي عندك عالجدار وتحتفظي فيه احتياط علشان لو حبيتي تقفلي فتحة المكيف يكون عندك سيراميك من نفس النوعية وما تتعبي وانتي تدوري في الاسواق علشان تلاقي شي قريب منه او يشبهه.

ماشاء اللة ع نظافه أهل مكة

اهلينن غدوو لا تتاخري علينااا احب فلوقااتككك💕💕💕

شيلي الادراج الطويله كلها بالكامل وحطيها مكان ثاني وفصلي مكانها دولاب وعليه رخام بيصير عندك مساحه اوسع ويتهوى المطبخ او شيلي المكيف وحطي بداله دريشه بس بتصير صغيره

اختي عندي فكره بالمكيف فصلي دولاب عريض يكون سحب متي مابغيتي تشغلي المكيف تفتحي السحب واللي يشوف مايحسب ان فيه مكيف ومنها يعطي مطبخ شكل جمالي بس فكري كيف تفصلي دولاب بشكل حلو اهم شي يكون سحب اسهل واجمل

فعلا انا استغربت الخلاط من لما شفت هذا الخلاط بس يمكن تغيره مثل ماقلتى بس مطبخك حلو ماشاء الله ربنا يهنيك

والغلطة السادسة حوض المطبخ الزوايا او الاركان الحادة. وصعوبة تنظيفها مقارنة بالنوعيات الثانية وبالنسبة للشباك ممكن تلغي باب وجدار دولاب ادوات التنظيف وتركبي رفوف نهاياتها ربع دائرية للإستفادة من إضاءة الشباك وسهولة تنظيفه. ووضع اجهزة المطبخ او ديكورات اونباتات على الرفوف

طيب جربي تفصلين دولاب من اسفل لما بعد الشباك بحيث يسير المطبخ على حرف u بعدها انقلي الدولاب الطويل مع الفرن

ياختي اذا البيت ملكك غيري مكان الشباك والمكيف يا انك تحطي سبيلت او تفصلي على المكيف دولاب يعني لما تشغلي المكيف تفتحي الدولاب والبزبوز نفس الشي اذا بيتك ملك غيري يامي مكانة معليش شوية خسارة بس اهم شي انك ترتاحي نفسياً واهم شي تركزي مع العمال ولا تستلمي لأغرائاتهم ارجعي البيت وفكري وشوفي مكان الشيء ع الطبيعة واتخيلية اذا اقتنعتي اوكي وكلها امور بسيطة وعموماً ترا الشباك والمكيف مكانهم غلط من البداية مو عليك الغلط

برضو الدولاب الي عند الشباك فيه له حل سهل ومايكلف قصي شوي من الرخام الي جنبه واقلبي الاماكن يصير الدولاب قريب من الفرن والزاويه صح بتكون صغيره لكن ممكن تخلينها كوفي كورنر وتقدري تستفيدي من الشباك

اول شي مطبخك مرررا حلو الابيض روووعه تقدري تضربي عصفورين بحجر سدي فتحة المكيف بالدولاب الكبير و شيلي الدولاب اللي كان تحت المكيف و حطية تحت الشباك بكدا حتكوني تخلصتي من مشكلة المكيف و الدولاب حتتكلفي بتغيير الرخامه فقط

ياعسل اذا تقدري تشيلي المكيف وتخلي مكانو شباك وتحطي ستاره ،، والشباك اللي شكله مو عاجبك تقدري تغطيه ببديل الرخام لون أبيض .💓

اقلبي المكيف سبلت و فتحت المكيف خليها شباك يفتخ او قزاز مسكر فقط يدخل النور و شيلي درج المكانس و غيري مكانه

عذرا : أتمنى قبول تعليقي من واقع الخبرة بالمجال يوجد أكثر من خطأ : أولا الشباك الصغير يجب تحديد المطلوب منه : في حال الاستفادة منه يجب ابعاد الدولاب عن الشباك ٣٥ سنتمتر على الأقل للإستفادة من الشباك ، أما لو المطلوب إلغاءه فيجب عمل دولاب يسمى دولاب زاوية ٩٠ أو مجموعة رفوف كخيار آخر اقتصادي . ثانيا : مكان المكيف وسطح الطبخ خطأ كبير . فلايصح أن يوضع المكيف فوق سطح الطبخ ولا مقابله . فوق سطح الطبخ المكيف يتسخ بسرعة ويتشبع بالأبخرة والدهون فيتسبب في تلفه وقصر عمره ، أما مقابله فيسبب تأخير مدة الطبخ . لذا توضع السطوح منحرفة لليمين او اليسار بأكثر من متر أو على الجدران الجانبية . أيضا هناك مشكلة بلون الرخام مع لون المطبخ ، فيجيب كسر اللون الفاتح بالغامق والعكس أيضا . ملاحظتكم حول مكان تأسيس الخلاط ممتازة وعملية وتترك حرية إزاحة الحوض إلى اليمين أو اليسار ٥٠ سنتمتر إذا تطلب الأمر . تقبلوا مروري وعذرا للإطالة .

اول مره اشوفك تجنن طريقتك ماشاءلله احسك وحده من العيله حبيتك 😍💜