أنا ختي لوكان نضحكك تستقاملي تبحيرة فاميل حق الباركينغ وندي قهوة وموسكوتشو وشوية ماء باسكو نروح مع العشية. والله ياختي العيشة تدبير. المهم الإنسان يكون بصحته وماعندهش المرض باسكو المرض دراهمه كبار وربي يوفقك.

انا تاني ندير هكا كل عام التحديات طول العام و الحمد لله دايما اموري متيسرة رغم عدم قبول الزوج بهذه الافكار بصح كي يوصل العيد الكبير يبدى يخمم في الكبش يلقاني وفرتلو دراهم الكبش و الدخول المدرسي و ندير كرطونة رمضان و في الصيف نصبر طماطم و الفلفل ، التونة ، السردين ، المعجون بكل انواع الفواكه السعادة تقتلو

يا حبيبتي عندك افكار وراي تبارك الله .فقط اختي الى ممكن ديرينا فيديو على شكون هيا المرأة القافزة فهاد الوقت ولي تخرج ولادها قافزين كيفها. وماشي نية لي يجي يضحك عليها وعليهم . امانة ختي متنساينيش

الرجل الجزايري كي تدير مرتوهادو التحديات و تنقص عليه يزيد يطلق روحو ماشي يعاونها و يقولها نستعرف بيك .يشوفها غيركي تدير حاجة ماهيش مليحة ينوض يعرش

حبيبتي تصحيح الآية إن الله لا يغير مابقوم حتى يغيروا مابأنفسهم

بصح اختي كاين الراجل إلي مايستعرفش بهذا الأمر المهم هو يفوت نهارو ،مايديرش الحسابات،الي راجلها كيما هكذا،ويالوكان إنت فايتة في الشطارة عقليتو عقليتو،بليز أعطيني حلول .

عندك الحق ياختي انا راني شارية المحافظ والسراول من درك بقاولي صبابط انا مبازية على لحوايج الغاليين الطابليات ساهلين ماتضحكوش يالبنات بصح لي عندها 3 اطفال وطلع رايحة تحصل مام رمضان ابداو بكري وبربي ماتحصلوش وربي اكون في العون

رغم اني مقتصده و استعمل الاظرفه و مقسمه الميزانيه و دايره الكموسه الا انني مره على مره نضرب طله عند المقتصدات للتحفيز من جديد و حصد طاقه جديده للاقتصاد و التوفير شكرا لكل ما تبذلوه من افكار و وقت من أجل نجاح المرأه...جعله الله في ميزان حسناتك

عجبني بزاف الكلمة لي قلتيها الراجل ساقية والمرأة جابية نستنا فيديوهاتك انت بالتحديد لأن كيما قتلك هدرتك واقعية شكرا بزاف وبالتوفيق

شحال نبغي فيديوهاتك تحفزني ندير جام قبل ما تتفرج على الفيديو ❤

شابو. ليك. اختي. الناجحة نستعرف بيك. والله. كل. كلامك. لينا. احنا. النساء. باش. نفطنو. والله. كنا. نمشييو. هكا برك انا. ابديت حصالة. الدخول. المدرسي. مدة. خمسين. يوم. ونشري. الادوات. ارقيقة. استيلوات. اغلفة. وكراريس. الي. قدرت. بشوية. او ربي. اعونا. احنا. الامهات شكرا. ليك. اختي. واصلي. راكي. فور. كلنا. انحبوك. ونستنو. فيدواتك بفارغ. الصبر. الفيديو. الي. جاي. دريلنا. عل. المراة. الي. تضيع. وقتها. بحجة. اسخانة. او. متخدم. والو. في. هذا. الصيف. مع. انو. فصل. العولة وشكرا. اختي

إضافة اختي لك مع كل احترامتي كون اكتبي بالميكرو يجي الفيديو روعة مع وضع صور مناسبة الموضوع كالدخول المدرسي ....يزيد جودة للفيديو ،الفيديو جا في وقتو رانا نستناو في فيديوهاتك بفارغ الصبر الشي الي قولتيه راه واقع معاش وكل كلمة قولتيها صح❤❤

غير انت لي تقنعيني امرأة في القمة

ڨاع الي ڨلتيه نيشان وفي الصواب يعطيك الف صحة على هذا التعب لراكي تتعبيه على خواتتك في الله ربي يجازيك بالخير إن شاء الله ربي يوفقك ❤❤❤❤❤❤❤❤❤❤❤❤

الله يرضى عليك حطينا فيديو كيفاش ندخلو الدراهم لي صحتهم ضعيفة و مايقدروش على التعب و ماعندهم حتى حرفة الله يرزقك الجنة رانا بزاف محتاجين ليك

شكرا اختي انا متابعة من سطيف ديما ندير جام ومانكومنتيش بصح فيدواتك في القمة يستاهلو التشجيع لانهم اكثر واقعية

كنت نتفرج على الايف نتاعك حتى جاني اشعار جديد فرحت من عينيا ❤ فيدواتك كلها مفيدة ورائعة وتفطن في ميزان حسناتك ان شاء الله وربي يحفظك ويقدرك واصلي رانا معاك 🎉❤❤❤

علا مايصلميس الاشعار تاع الفديوهات تاوعك لقيت هذا الفديو غير كدخلت نشوف وانعاود غي فديوهاتك لشفتهم ولما شفتهم والله راكي مشاءالله تبارك الرحمن ربي يحفظك

صراحة اكتشفت قناتك صدفة لكن يا اختي قمة قمة

يااختي يرحم من جابك على هذه النصائح ماشاء الله، فحلة مرا ونص

راني نسمع فيك بعد ربعة أشهر من الفيديو، نحظر في عشايا مع غدايا. نطبق فالتعليمات. بارك الله فيك، نصيحة للبنات كااامل اللي راهم هنا تبعو كلامها راهو جوااااهر.

يا عمري فرحت كي لحقتي 26الف لعاقبة للمليون مشترك عندي شحال مدخلتش راني لاتية مع اصحاب البيام والنفاسات والحجاج الميزانية راحت هههه

والله يا اختي كي سمعتك درتيلي القلب راني حابة التغيير حبيتك درينا جدول أسبوعي الوجبات مع قهوة العصر انا ماكثة فالبيت وعندي 4 اولاد

السلام عليكم حبيبتي ان شاء الله تكوني بخير انا معنديش بزاف ملي كتاشفت القنات وسجلت فيها شوفي غادي نحكيلك حياتي غي متمليش مني شوفي انا زوج تاعي يخلص 4ملين فشهر امني ولله في يومين يومين تكمل مايبقاش باش تشري حبة كاشي تاع الراس انا خممت وخممت وحولت نقنعه مع انو مزال مقتنعش مية بلمية بصح راني مدخلتله الفكرة في راسه قتله اعطيني زوج ملاين للمصروف البيت يعني للمطبخ فقط بدون فواتير هو فيه الدين حنا كنا كرين وعندهم حوش قديم تاع ولديه هو ايا بغاو يبيعوه خاوته قالهم اعطوهلي ونخلصكم بشوية تفاهم معاهم وباعوهله عونته تسلفت من عند دارنا وبعت ذهبي المهم الي قدرت عليها عونتو بيها خلصهم نص ومزال باقي نص وبيما انو الحوش قديم خصه بزاف خدمة وترميم واصلاحات تسما ماليقناش روحنا مابين الدين والتصليح والمصروف لعيلة متكونة من 6افراد ومع هدى انا ندير كرطونة رمضان وراني دايرة لولدي شحيحة ونخيط بعض الاحيان نعاون روحي مانيش خياطة محتريفة بصح نتفتف كما نقولو نسلك راسي دروك جينا لي قلب الموضوع بغيتك هادوك زوج ملاين تقسميهملي على المطبخ زكيفاش نتصرف فيهم وبغيت منهم ندير شوية اديخار فهمتيني اما المصروف انا نشري خمسة كيلو سكر فشهر ونستهلك 5ليتر زيت فشهر ونشري شكارة فرينة وشكارة سميد مرات نعجن ونفتل البركوكس فدار منشريش والحلويات كلشي نطيبه لولادي فدار يعني تقدري تقولي عليا مقتاصيدة ايا حمبوك نتي ختي لبغيتي ربي قسميلي هاد المبلغ زوج ملين علا المطبخ اكل وشرب وشوية اديخار اما زوج لخرين قتله دبر راسك فيهم رد بيهم الدين ولا سقم بيهم السكنة كما بغيت مهم باش نتهنا متخمام وقاع هاد الشي منجيبش كريدي ملحانوت نتصلف من كرطوني ونشريله وندس فيه وكي نصحق ندي منه فهمتيني ختي حمبوك مطوليش عليا باش كيخلص هاد الشهر نبدى في الجدول الي تعطيهلي من فضلك

من فضلك ورينا كيفاش يتم تقاسم المسؤوليات بين الزوج والزوجة وربي يوفقك ن

نصيحة ثاني للأخوات كي يكونو الولاد يقرو مثلا كي يقلك ولدك خاصني كراس إنني اشري زوز واحد ليه ولوهر خبيه وكل مايبقالك صرف اشري حاجة صدقيني مايجي يتم العام تلقي الخير والبراكة وتنقصي على روحك هم كبير

ما شاء الله يعجبوني تع الغرب مجملهم عايشين الواقع خاطيهم زوخ والله رني نتعلم منك ف ميزان حسناتك

كل ضربة تنسيك في الاولى خاصة في الصيف و الاعياد انا نزيد ميزانية زيت الزيتون غالي و المشكل احنا طيابنا كامل بزيت الزيتون صحتنا اولى الله المستعان شكرا اختي ربي يحفظك

شكرا حبيبتي كنت نقارع لهذا الفيديو باش ديريه الله يعطيك الصحة كنت نخمم باش ندير هذا التحدي و ان شاء الله ننجح فيه😊😊😊😊😊

ماشاء الله يسلمك نصائح من ذهب ربي يوفقك

سلام اول مرة نشارك في قناتك روووعة عجبتني شكرا علا نصائح ❤❤❤🌷

يعطيك الصحة اختي تعجبيني مين واقعية ماشي كيما لي يقلك تلمي 70مليون فلعام وغي ب2ميل يعطيك الصحة اختي

تحياتي سيدتي الفاضلة ..ارفع لكي القبعة عاليا على ارشادتك القيمة..اتمن ان تتحدثي عن مشكلتي لانها جد عويصة انا اعمل إطار في الدولة وراتبي الحمد لله ..لكن الاشكال انني رغم راتبي وراتب زوجي نجد أنفسنا لانسد كل الشهر علما انه لدينا أربعة اولاد..اكثر من عشرين سنة عمل لم أوفر حتى سنتيم واحد وليس لدي مسكن .اتواجد في دار كراء ..ابني الأكبر عمره 24 سنة ينام في الصالون..وعندي ديون.. تأكلني الندامة اكلا رغما هذا لا أتعظ أصرف دون حساب ذهبي عن ي سنوات ملي بعتو ..ارجوكي قوليلي كلام يوجعني لعلي افطن وجزاكي الله كل خير..ام طارق

سلام اختي يعطيك الصحة على الافكار اليوم وين شفت قناتك ،حبيت نقولك انا هدا العام دخلت نخدم ونخلص 3ونص وزوجي كيفي بصح ناكل الخلصات في 2 ونبقاو نطلبو فالتالي نتاع الشهر ،وشهر يضمن شهر حتى راني في عام خدمة مبان عليا والو ومطميتش دورو للعلم معندي لا سكنة لا لوطووعندي 3 وليدات ،يلا عندك افكار ساعديني

جزاك الله خيرا. أحيانا نحن من يضع صعوبات للحياة مثلا اذا أكلت المثلجات في محل او على شاطئ البحر او في البيت مالذي تغير في طعم المثلجات او غيرها؟نفس الذوق .فلم كثرة التبذير .أظن انه كذلك يرجع الى ضعف الشخصية يريد اكمال نقصه بأشياء أخرى حتى....أكيد لا ننفي انه يمكن ان تتساير مع الحياة الحالية ولكن نادرا وبذكاء .

اليوم برك لي اكتشفت قناتك.والله نتفرج من فيديو.لفيديو .عجبني بزاف محتواك وجا في وقتو. نتمنى تقراي تعليق وتجاوبيني.انا ترسمت عندي عام.انا نخدم وزوجي يخدم وروترتي .الله يبارك تلاتة شهريات مي والله ما بان علينا والو .مزدنا والو حوايج الدار غير يتكسرو. انا حاجة تاع ذهب ما درتها.مشكلتي منعرفش نصرف.وانا وراجلي مفهمناش كفاه نتفاهمو على الميزانية.عندي طفلين عند لنوغيس وطفلين يقراو.تعيشي جاوبني وديريلي ميزانية بشهريتي وشهريت راجلي فيها كلش.

❤❤❤ bon courage ma chérie charaftina bent wilaytii hadra guamna w drafa w tarbiya Machaalah alikk guo3di ri kima hak raki fe top

الله يجازيك اختي خير الجزاء نحوسكم تدعولي خياتي ربي يفتحلي باب رزق يوالم عقلية زوجي اناا الحمد لله عندي حب للحلويات الجافة ونخدمهم هايلين بصح زوجتي ميخليني نخرج ما يبغي يسوق خدمتي بغيت نخدم لانوغيس مخلاتنيش ميات سبة يجيبهالي تعبت وراني معمرة ديون أكثر من نصف الشهرية ديون بغيت نخدم معرفتش كيفاش ندير معاه ادعولي ربي يقد رني ويهديه

شكرا حبيبتي بفضل النصائح تاعك راني بديت التحدي هذا الشهر أول مرة. راني بديت بيت الخزين بربي إن شاءالله تاع ثلاثة أشهر نبدا نستهلك فيه إبتداءا من رمضان إذا حيانا ربي باش دراهم السلع الغذائية نديرهم للكبش. خاطرش ما نجمش نقلعله ميزانية كل شهر الله غالب فيا الدين. دعولي ربي يوفقني و نكمل التحدي.

Merci amplement vous êtes ❤❤❤❤rebi yedjazik , et si vous pouvez nous oriente en détaillons comment rendre nos dettes, je vous remercie

حبيبتي تعيشي ديريلنا فيديو على طرق استثمار بدون مجهود مثلا وحدة عندها 100 مليون ولا 50 مليون وش تقدر دير بيها مثلا استثمار تاع عقار ولا ذهب ولا نحط دراهمي في مشروع يمشي وحدو ولا حاجة هكا و لا شراء اسهم في شركات اي حاجة فيها استثمار بصح لمبلغ شوي كبير مثلا كيفاش نعرف الارض لي هي استثمار مليح ولا لا كيفاش نعرف هاذ المشروع لي حابة نمولو انا رح ينجح او لا الخ الخ و شكرا

يعطيك الصحة اختي ...بغيتك اختي تعطيني الطريقة إلى نوفر فيها دراهم الصيف أو البحر ولو لمدة ،10 ايام علما انني من صحراء الجزائر ....النقل .المبيت .الاكل التنقل.....وشكرا

مشكورة حبيبتي واصلي راكي فالقمة

❤ملقيتش واش نقولك ربي يفرج على الجميع

شعال عندك اطفال حبيبتي وشعال في عمرك متتبعه جديده ويعطيك الصحه على المجهودات نتاعك

غفلت اختي حبيبتي مزيد من تالف الله يوفقك عندنا لعراس وحمدو والله مستعان❤❤❤❤❤❤❤❤❤❤

بارك الله فيك،افكار رائعة في ميزان حسناتك

فيديو قيّم و مفيد جدًّا... بارك الله فيك

بارك الله فيك اختي على كل النصائح يجعلها ربي في ميزان حسناتك

بتوقيق اختي شكرا شكرا شكرا على النصائح اختي ❤❤❤❤❤

أنا الحمد لله موهبتي هي الاقتصاد والتوفير في عشر سنوات زواج درت دار آف 4 واثثتها من اثاث بسيط ولوازم المطبخ وسيارة صغيرة وذهب ونخرج كل صيف ولما تزوجت كان زوجي موظف يخلص ثلاث ملايين لليوم مدخوله متوسط وكان عليه ديون ويعول عائلة من 12فرد لان والده كان متوفي ولما خرجنا لبيتنا ترك كل الورث لاخوته ولم يساعدنا أي شخص لكن الله اعلم بما عانيت في العشر سنوات الحمد لله أردت أن أقول لاشيء مستحيل مع الاقتصاد والتوفير لكنه متعب نفسياً خاصة اننا كنا في دوامة الديون.من تجربتي أقول كلامك منطقي وأفكارك نيرة استمري .

سلام حبيبتي تقدري تهدرينا على البنيان راني نبني و راني حاصلة اذا تقدري تفيديني بالافكار تاعك راني متتبعة جديدة عندك من فضلك ❤❤❤❤❤❤❤😊

شكرا اختي كلام فالصواب و الواقع اصعيب رب ايقدر كل المؤمنين اميين

"لايغير الله ما بقوم حتى يغيروا ما بأنفسهم."

سلام بنتي نصاءح توعك في القمة هدا ضرف تاع العيد وتاع رمضان والله فكرة جيدة غادي ندرها مكنتش نعرفها ربي يجازيك

الله يعطيك الصحة ما شاء الله

السلام عليكم الله يعطيك الصحة على الأفكار والنصائح لي راكي تقدميهم ماطوليش علينا الغيبة حبيبتي اليوتيوب صامط بلا بيك

جزاك الله كل خير نصائح مهمة بصح كي يكون الراجل ماشي في يد صعيبة ربي يقدر كل واحد

صح راجل يتعب ومرا فحلة هي لي توفر ودير تاويل صح واعر الحال والحمد لله

فيديوهات مفيدة شكرا لك ارجو منك درينا التنظيم الوقت لام لديها اطفال حابة ادير مشروع من استقاض حتي النوم فضلك لان فديوهاتك تقنع

تبالكم الخدمة راهي تطايش كي لقيتوها نتوما تبالكم حنا لقيناها وبخلنا رواحنا ربي يهديكم هذا مانقول وربي يفرج عليا وعلى كل مغبون

والله افكار في القمة ياختي

افكار رائعة بارك الله فيك..معليش ديرينا فيديو تاع 2خدامين زوج وزوجة ..كفاه اقصموها ادا حطوهم مع بيض ولا كل واحد وحدو

انا من 20013وانا نتمشي بهذي طريقة دخول المدرسي والمولد ويناير ورمضان وملابس العيد وعيد الاضحي وعطلة والحمد لله مستمرة فالتحدي

شحال عحبني هذا المثل الرجل ساقية والمرة جابية

ما شاء الله عليك كفيتي ووفيتي ربي يحفظك

هذا أحد أحسن فيديواتك.

بارك الله فيك اختي . والله كنت نستنى في هاذ الفيديو . ربي يفرحك انشاء الله

حبيبي الغالية اذا مافيهاش احراج تشركينا طريقتك مادام انت خدامة والزوج خدام كيفاه تديرو للرواتب في زوج يعني راتب تخبيه والاخر تمشي بيه وله تحطي الرواتب مع بعض وتنحي نسبة للادخار اختي اسمحلي على هذا السؤال حبيت نستفاد منك لانك تعجبيني بلبزاف اختي جاوبيني لبغى في كومنتار ربي يحفضك ومام اعطيني نصيحة للمردودية نتاع الزوج والزوجة معا الله يجازيك بكل خير

جزاك الله خيرا اختي والله نصائح واقعية بعيدا عن المثالية ربي يحفظك واصلي احسنت👏👏👏🌹💙

انا والله نخيط لعجب وكلش مي الناس يتشهاو غي في خدمتي وميخدموش عندي تغيدني عمري وزاد قاريا مكتبليش ربي الخدمة راني غي مع الاقتصاد وخلاص ربي يفرج علينا وصايي٠

شكرا لك و جزاك الله الف خير على النصائح ❤

بارك الله فيك الشئ الي قلتيه بكل صواب لكن la vie est tellement cher que welah walou ma yekad

ربي يحفظك و يرزقك و يرزقنا معاك من واسع فضله و الله تمديلنا من قلبك نحسك أختي صح

سلام اختي شكرا على مجهوداتك انا اختي عندي مشكل دايرة صندوق الطوارئ دايمآ نتلاح نصرفو غير في تفاهات ديرينا فيديو علي مبلغ الطوارء وقتاش نصرفو جزاك اله خير

الله يعطيك الصحة على هذه الافكار

مشكورة على النصائح القيمة

سلام 👋عليكم بالفعل اختي المرأة الذكية اللي تحب تتفادى المشاكل والازمات يلزم تنظم روحها بهذه الطريقة انا شحيحة الادوات بديتها في ديسمبر والحمد لله فتحتها وشريتهم وبديت الان في تاع ملابس الشتاء ورمضان ووو نعيطلك فكرة طبقتها ونجحت شحيحة تاع 200 دج كلما تكون عندك ديريها مثلا يفضلو من فاتورة الهاتف ولا القضيان بعد مدة تلايمي مبلغ مليح يسدلك باب انا كنت نشريهم غير سقايط للاسف لكن الان ترجع معايا وتدخل في الشحيحة 😊 وبالتوفيق والاهم الله المستعان

كلامك واقعي ا يعجبني ديمن تعطينا الارادة َ و التحفيز نقعد أشكال وانا انلمد اكاش مناسبة يخربلي لحساب ام ريان

روعة الزينة أفكارك ينحو الغلبة

انا امراة ماكتة في البيت ولي ثلات بنات عايش مع زوج حيلي وانا معاشرته بالنية محملني مصروف ومسؤولية البيت وهو يخلص قريب خمسة وعنده

😂شكرا حبيبتي ماشاء الله عليك

هذا الفيديو لي نحوس عليه ياعطيك الصحة

يعطيك الصحة ان شاء الله نبدا ندير هاذ الاضرفه هكذا كلش يكون واجد في وقتو بارك الله فيك هذا وين اكتشفتك قناتك عجبتني بزاف وبالتوفيق اختي الفاظله

شكرا على كل هذه النصائح القيمة ♥♥♥♥

لا لا. ماهوش هاكدا. التقسيم. خطا. اعطينا المبلغ الشهري. تاعك او تاع راجلك او قسمي مثلا. في زوج تدو عشرين مليون معناه. عشرين مليون تقسيم الشهر و عطينا واحد يخلص خمس ملاين او الزوجة ما تخدمش او ثلاث اولاد يقراو. هادي هي

بارك الله فيك كلامك يوزن ذهب

يعطيك الصحة اختي.

مشكورة اختي ربي يوفقك يارب

يعطيك الصحة والربح على هذه الأفكار 👍👍👍

Salam alykoum braaaaavo ma chérie. Welah grasse a toi je suis très bien w hemdoulileh ya Rabi tu mérites welah alkhir ❤❤❤❤

❤❤❤مرحبا وسهلا حنونة ❤❤❤🎉🎉

عندك الحق في كل كلمة الله يحفظك ويسعدك

ربي يحفظك و ينورك افكارك يساعدوا بزاف

السلام عليكم ورحمة الله وبركاته❤❤ الاخت ماتامنيش شحال ارتحتلك ودخلتي قلبي ❤❤ياختي راني حابة نحكي معاك❤❤ راسي وراسك يرحم بوك الاخت❤❤

اختي حنا نسكنو ف الصحرا ،العام اللي نبغو نحوسو كامل الادخار تاع العام يروح ف البحر على بها ما نقدروش نروح كل عام

بارك الله فيك نموت على قناتك الله ايباركلك

مستحيل بأه تصرفي في الصيف 250 الف في سمانة ختي كوني منطقية

دوماج كون غي شفت قناتك من قبل

ربي يسترك ويحفظ ان شاء الله