13-cü həftə və ya ikinci trimestrin başlanması ilə hamiləlik marafonumuzun 1/3-ni tamamlamış oluruq. Bu həftələrdə döl 9,5 sm uzunluğa gəlib çatır.
13-cü həftəlik dölun artıq sümükləri və dırnaqlarında kalsium toplanmağa başlayır. Adətən bu həftədən etibarən hamilələrə yeməklərində ağartı məhsullarını daha çox qəbul etməyi və ya multivitamin komplekslərindən istifadəni, bəzən isə əlavə olaraq kalsium qəbulunu tövsiyə edirik.
13-cü həftədə dölümüz artıq daha aktiv fəaliyyətdədir, gülümsəyir, refleksləri tamamlanır, cinsiyyət orqanı daha aydın şəkildə formalaşır. Adətən bu həftədə əminliklə körpənin cinsiyyətini deyirik. Daha sonra dölün ilkin beyin müayinəsi də bu həftədən etibarən edilir...