Qadınlarda çox rast gəlinən problemlərdən biri də sidikqaçırma problemidir. Çox vaxt xanımlar bunu həkimə söyləməyə çəkinirlər. Ancaq həyat keyfiyyətini pozan bir problemdir. Bəzən çox yüngül şəkildə ola bilir, amma bəzən çox ciddi şəkildə sidikqaçırmalar ola bilir. Ancaq sidikqaçırma ilə gələn xanımlarımıza bu barədə bir neçə sual veririk: Nə zaman başladı? Nə şəkildə sidik qaçırırsınız? Sidikqaçırma üçün yanaşı xəstəlikləri mütləq soruşmaq lazımdır. Yəni səbəb nə ola bilər? Ümumiyyətlə, sidikqaçırmalar iradədən kənar olan sidikqaçırmalardır. Qeyri-iradi sidikqaçırmalar. Bunların bir neçə növü vardır. Bəziləri ağır qaldırmaqla, öskürməklə, asqırmaqla, yüksəkdən düşməklə olan sidikqaçırmalardır. Bu tip sidikqaçırmalara biz stres tip sidikqaçırmalar deyirik. Yəni qarıniçi təzyiqi artıran hər hansı bir səbəbdən dolayı xəstələr sidik qaçırırlar. Digər tip sidikqaçırmalar olur ki, tualetə çata bilməmək problem ola bilər. Bu xanımlar asqıranda, öskürəndə heç bir şikayət yoxdur. Ancaq tualetə istək gəldikdə çata bilmirlər. Dayanan yerdə, duran yerə sidikqaçırmaları ola bilir. Bunlara da … tip sidikqaçırmalar deyirik. Bəzən xəstələrdə hər 2 komponent birlikdə olur. Həm stres tip, həm … tip sidikqaçırmalar ola bilir. Bəzən başqa tip .. sidikqaçırmalar ola bilir. İnfeksiyalara bağlı ola bilir. Yəni bir çox növləri vardır. Öncə bunu araşdırmaq lazımdır. Çünki öncə səbəb tapıb ona uyğun müalicə növü seçmək lazımdır. Ümumiyyətlə, stres tip sidikqaçırmalarda ilk planda cərrahi müalicəsi vardır. Mütləq setka istifadə edirik və TOT, TVT kimi sidikqaçırma əməliyyatları oluna bilir. Ancaq yeni növ dərmanlar da indi çıxıb. Bəzi xəstələrdə əməliyyat deyil də, dərman müalicəsi ilə də stres sidikqaçırmalar sağala bilir. Təbii ki, 100%-li deyil, amma çox xəstədə biz müsbət nəticə əldə edirik. … sidikqaçırması olan xanımlarımızda dərman müalicəsi ilə müsbət nəticələr əldə edirik və problemlərdən azad olurlar. Qarışıq tip sidikqaçırma olanlarda hansı komponentin daha ağır olduğunu, ön planda olduğunu - öncə onu müəyyən etmək lazımdır və ona uyğun da müalicə seçmək lazımdır. Əgər xanımın diabeti varsa, öncə mütləq şəkəri düzgün nəzarətdə saxlaması lazımdır. Çünki nəzarətsiz diabeti olan xəstələrdə cərrahi müalicə əks-göstərişdir. Bu xəstələrdə çökmüş eroziyalara çox tez rastlanılır, sıx rastlanılır. Ona görə də bu xəstələrimizi də mütləq uyğun müalicə ilə endokrinoloqa yönləndiririk. Şəkər kontrollarını axsatmasın. Zamanında uyğun müalicə alarsa, onsuz sidikqaçırma problemləri də çox zaman düzəlir. Sidik analizi ən bəsit analizdir. Ümumi analizi mütləq istənilməsi lazımdır. Bəzən sidikyolu infeksiyaları olur. Bunlar da sidikqaçırmaya səbəb ola bilir. Uyğun antibiotik müalicəsi ilə də bu xəstələrdə sidikqaçırma problemi həll olunur. Yanaşı xəstəliklər ola bilir, nevroloji problemlər ola bilir. Nevroloji problemlərdən dolayı dərmanlar istifadə edirsə, bəzən onlara bağlı da sidikqaçırma problemləri ola bilir. Ona görə də xəstədən düzgün anamnez alınması, sidikqaçırmanın səbəbinin aşkarlanması, ona uyğun da müalicə taktikası seçmək lazımdır. Çox vaxt bu xəstələrdə daha öncə keçirilmiş doğumlarla bağlı, doğum travmaları ilə bağlı, iriçəkili doğması ilə bağlı vaginada oradan sallanmalar da ola bilir və bunlar da sidikqaçırmanı daha da artıra bilir. Ona görə də düzgün ginekoloji müayinə olunması, əgər anatomik defekt varsa, onun cərrahi olaraq düzəldilməsi, anatomik defekt yoxdursa, nevroloji səbəblərə bağlıdırsa, onn uyğun dərman müalicəsi tövsiyə olunur. Xanımlarımıza zamanında ginekoloqa müraciət etməyi, bu problemlərdən qısa bir zamanda qurtulmağı tövsiyə edirəm.