"Gizli tarix" kanalına abunə olaraq yeni videoları izləyə bilərsiz
Abunə olun bit.ly/3IWfX5R
“Azərbaycan KP MK katibi C.Cəfərov yoldaşa C.Cabbarlı adına Azərbaycan Dövlət Dram Teatr Muzeyinin direktoru Sona Cabbarlıdan
ƏRİZƏ
1934-cü ildə həyat yoldaşım dramaturq Cəfər Cabbarlı vəfat edərkən Azərbaycan hökuməti mənə 120 manat təqaüd kəsmişdir.
1943-cü ilin yanvarından bu günədək C.Cabbarlı adına Azərbaycan dövlət Teatr Muzeyinin direktoruyam. 1947-ci ildə Sov.İKP üzvüyəm. Muzeydə işlədiyim 25 ildə qüsursuz xidmətimə görə Azərbaycan SSR Ali Soveti Rəyasət Heyətinin Fəxri Fərmanı - “Şərəf nişanı” ordeni ilə təltif olunmuşam.
Hazırda xəstəyəm, yaşım (60) və səhhətim artıq işləməyə imkan vermir.
Xahiş edirəm, bütün bunları nəzərə alaraq ya ərim üçün aldığım təqaüdlə yanaşı, mənim özümə də şəxsi təqaüd verilməsini, ya da bu mümkün deyilsə mərhum həyat yoldaşım Cəfər Cabbarlı üçün aldığım təqaüdün artırılıb Ümumittifaq dərəcəsinə qaldırılması üçün Nazirlər Soveti qarşısında binagüzarlıq göstərəsiniz.
Hörmətlə: Sona Cabbarlı
Oktyabr 1967-ci il"
P.S. Sona xanımın məktubuna cavab olaraq 1967-ci il noyabr ayının 14-də Azərbaycan MK MK bürosu tərəfindən belə bir qərar qəbul edilir:
“S.B.Cabbarlı yoldaşa İttifaq dərəcəli fərdi təqaüd kəsilməsi barədə SSRİ Nazirlər Soveti yanında İttifaq dərəcəli fərdi təqaüdlər üzrə komissiyadan xahiş edilsin ki, Sona Bayram qızı Cabbarlı yoldaşı ittifaq dərəcəli fərdi təqaüdlə təmin etsin”
Azərbaycan KP MK katibi Vəli Axundov