🔸️ ملاحظة : المحتوى حصري على قناة شيلات المطيري نسخه واعادة نشره يعرض قناتك للإغلاق .
.
..
...
....
.....
أبشروبي ياهل الصفر والموعد قريب
والصياهد قبل نبدا تواقد نارها
من طِراد العام هذا كسير وذا صويب
والعرب جت من بعضها تدوّر ثارها
وأحمد الله مال ربعي من الغاره ذهيب
صفرنا ردّت بوجه السعد لديارها
صفرنا اللي مالنا في سلالتها طليب
كسبنا وقت المغازي ويوم أدوارها
وعقب عمّ الأمن فاالدار باالحكم المُهيب
وعزّها الله باأخو نوره وشع أنوارها
ماتغالينا بها المال باالقلب الصليب
باالريال نسوقها سوق وبدينارها
مال بعض الناس في عرشها حظ ونصيب
لو خذا كم شوط ويقال من تجارها
الصفر في ضفنا لو يجيب اللي يجيب
و قسمنا لين القيامه تلوح أسرارها
صفرنا في مامضى فعلها عسر وصعيب
والسنه هذي لها وقع ياحضّارها
ومن ينادي فاالسعه للتحدي لايغيب
نزهمه وأم المعارك يثور غبارها
لا يحسب الحكي ماله حسيب ولا رقيب
والتصاريح الخطيره يشوف أخطارها
أنصحوه أن كان يسمع وله عقلن لبيب
و علّموه أن البنادق عليه عيارها
ياولد حمدان ننخاك باالجد العريب
إقدم بصفر الجزيره و رزّ شِعارها
باأسم حمران النواظر عمى عين الحريب
ولا يقدّم فاالرجاجيل غير أخيارها
نذكرك ياذخر حمدان فااليوم العصيب
وأنت من روساً عنيده لها مقدارها
أجرحه يابدر طالبك جرحاً مايطيب
وأهدم حصونه على قلّته باأسوارها
ضيّق رماح المسمى وصيهده الرحيب
وضيّق بعينه شبوك الصفر و أمتارها
لين يسمح غصب من شوطنا ماهو بطيب
والسلامه عن صداماً معك يختارها
مالها غيرك يابن ضمنه علاج وطبيب
غلطةً ماتاب عنها وعن تكرارها
والوعد صبحً شعاعه من الغاره كثيب
لا مشت صفر الجزيره وجته أخبارها
وعرضت قدام عينه كما جمر اللهيب
وأختلف وضعه بعد شاف صمخ بكارها
نسقها واحد وفي زينها وصفاً عجيب
تخطف قلوب المخاليق قبل أنظارها
مانجامل فاالتحدي خصيم ولا صحيب
لا أعتزينا ياهل البل ويا شعّارها