15 წლის იყო, როდესაც ქართლში პირველი სამეფო კრება ჩაატარა, რომლის გადაწყვეტილებით გადაწყდა ჩრდილო კავკასიაში ლაშქრობა.
16 წლის იყო, როცა ქართველთა ლაშქარით ალანიაში შევიდა. მდინარე თერგის ნაპირზე განლაგებული ალანებისა და ხაზართა გაერთიანებული ჯარი დახვდა.
პირისპირ გამართულ ბრძოლაში მოკლა ხაზართა გოლიათი თარხანი, ალანთა რჩეული მებრძოლი ბაყასთარი. ქართლის სამეფო ლაშქარმა დაამარცხა ალანთა ჯარი, რის შემდეგაც წარმატებით ილაშქრა აფხაზეთში, სადაც ბერძნებისაგან გაათავისუფლა ყველა ციხე-სიმაგრე.
დაარბია მთელი ალანია და დალაშქრა მათი მოკავშირე მომთაბარე ჰუნებიც. ამის შემდეგ, თავის ლაშქრით დასავლეთ საქართველოში გადავიდა, სადაც ბიზანტიის წინააღმდეგ გაილაშქრა .
ეწეოდა ეკლესიების მშენებლობას ქვეყნის შიგნითაც და მის ფარგლებს გარეთაც. იერუსალიმში ააშენა ჯვრის მონასტერი, მცხეთაში სვეტიცხოვლის ხის ეკლესიის ნაცვლად ააგო ქვის პირველი ბაზილიკური ტაძარი. ააშენა ბოლნისი, რუსთავი, ნინოწმინდა, ჭერემი, ჩელეთი, ხორნაბუჯი, აგარაკი, ნიქოზი, უჯარმა.
V საუკუნის 70-იან წლებში ეგრისის სამეფო ხელახლა დაიმორჩილა. ამავე პერიოდში დაიმორჩილა სამხრეთ დაღესტანში წუქეთის საერისთავო.
მის მუზარადს წინა მხარეს მგელის თავი ჰქონდა გამოსახული, რის გამოც სპარსი მეომრები ერთმანეთს ურჩევდნენ მორიდებოდნენ მგლისთავა მონარქს
როდესაც ყველა აგრესორი მეზობელის წინააღმდეგ იბრძვი, შიშის ზარს სცემ მათ და ყოველ ბრძოლაში უშუალოდ მონაწილეობ შენ არხარ უბრალოდ დიდი სარდალი და მეომარი შენ ხარ ვახტანგ გორგასალი…