希望同所有受情緒病困擾折磨嘅室友講： You are not alone.

「到過地獄的人才會明白，每個人都有屬於自己的地獄，而每個人的地獄都不盡相同。創傷者得到的最珍貴的禮物，以及可以生出的最大慈悲是，明白人和人之間無法完全理解對方的傷口，由此才能給予彼此適切的陪伴，互相幫助一步一步走出地獄。殘忍的時刻適合練習善待他人，恐怖的時刻適宜安住自己的心。對我來說，這是壞年代需要存在的原因」《半蝕》－ 韓麗珠

請關注豬文及身邊有同樣情況人士，當遇上時勿學白水，關心都要啱方法。

對抑鬱症病人講：「你唔好咁悲觀咁灰，知足啲啦」的概念 另外 很推介夕爺填詞的《開不了心》

好撚勁 進步咗好多 無論拍攝方式，豬仔演技，內容都好好 睇完感染到我自己都down埋 一諗到原來豬仔係自己同自己玩board game， 傾計， 飲酒就覺得佢好慘好孤獨 而抑鬱症嘅人其實真係如片中咁 個人負面得滯，其實係冇人陪伴 影印嗰度都估到白水其實係唔存在 只係豬仔嘅內心聲音 只係一隻左手同一隻右手，根本冇人幫 加油，做得好好

其實白水把聲只係豬文嘅幻想，所以冇白水嘅鏡頭

演：豬文 編：豬文 高質

叫個抑鬱症嘅人不如試吓唔好咁唔開心，等於叫個癌症病人不如試吓唔好再蔓延

嗰句「其實你覺唔覺得自己好撚煩」睇得出抑鬱患者嗰種壓力😢加油💪

失控的正向思考，樂觀的主流大論述要求我們壓抑負面思維，我們在社會上假裝熱情、耗盡我們真實的自我，讓本身已經憂鬱的人更加深痛苦。究竟這些失控的樂觀主義者甚麼時候才能真正會用心注視著他們，將小人物視為自己想像美好世界的障礙，被這個大論述所輾過而被遺忘的那些人。

5:14 豬文嘅憂鬱樣好正，不愧係演技派

我本科系是心理學。近幾年在台灣求學，對於目前精神疾病診斷稍有理解。其實無論是精神醫學或臨床醫學都非常努力地想做到精神疾病的去污名化，但卻一直未見效果，甚至落入新的困局。從前人家覺得精神疾病是『發神經』（一般歸咎於個人問題）而現在被說成是某個機制出了問題，到也不見得好到哪裡去。 主要原因其實是現今的精神醫學及臨床心理學都用著實證主義這種極為技術性的方式理解病人，在我看來並不是好事。因為，整個治療模式都會以病人的生理機制或是認知機制（或是什麼“機制”都好）去化約病人的受苦經驗。 中間的橋段雖然不知是刻意為之亦或是恰好置入，但確實是神來一筆，《存有與時間》作為詮釋現象學的經典代表作確實是現今這個困局非常重要的一個出口。正如海德格的師父胡塞爾所呼籲的：back to the thing itself。我們能不能透過現象學這種回到經驗自身的方式去看見病人的受苦經驗，去找到能讓他受苦主體得以顯現的語言，回到他的存在自身呢？ 其實早已有不少心理學家在往這部分努力，但他們始終是小眾。例如美國的rollo may、Amedeo Giorgi 或台灣的余德慧教授（已故）及其弟子們。 以上可能有扯遠的部分，但還是想和大家分享！ btw，好影片！

有抑鬱症既人都想自己開心返啦，使其他人講咩，就係開心唔到 「不如試吓唔好唔開心」呢句唔止廢，仲好大壓力，好似做唔到你期望咁，結果我更加唔開心 btw 多謝室友！條片拍得好好睇！

好想睇點演繹依句, 真係好Q多人成日咁講

睇到想喊。白水嗰番說話我都日日同自己講緊。其實唔開心時真係唔想啲情緒影響人。但最後控制唔到，好似搞到身邊嘅人都唔開心咁。可以點呢。

鏡頭長focus落豬文到，係想代表眾人視角，用第三身既手法感受翻第一身去壓迫人既角色； 黃燈個SCENE 用鳥瞰視角，即係代表我地成日以高高在上的姿態壓迫人

「唔開心」準確啲講係「悲傷」或者「憂愁」，並非「開心的相反」或者「負面的開心」。套用Inside-Out既比喻，係Joy同Sadness，都係人類必然會經歷既情緒。當然，一般人都會將開心理解為正面、唔開心視為負面，「人人都想開心」、「開心先係健康正常」好似好合理，所以只會聽人苦起口面講「我好唔開心」，無人會笑住咁講「我好唔悲傷」。但人總會有悲傷既時候，至少係需要釋放呢種情緒出黎，之後先會感受返開心，否則無視憂愁既開心只係一種壓抑。 有時候我會懷疑，有啲人可能因為某啲原因，甚至會享受沉浸喺嗰種唔開心甚至傷心裡面又或者驚嚇、憤怒等等，否則無法解釋點解會有人鍾意睇悲劇、恐怖片、或者溏沁風暴之類既嗌交劇。當然亦有可能係想透過故事去抒發心裡面既嗰啲情緒，但其實都反映出人有開心以外既其他情緒其實都好正常，唔應該一見到有就即刻否定，甚至要用盡辦法要對方冚住。呢種所謂既「正能量」，同強国式既報喜不報憂一樣，永遠唔面對問題，一聽到負面消息就冚Q住，要人扮開心，咁樣只會令問題越黎越嚴重。

嘩真心好大進步 對白同表情都好中 係剪接同收音爭啲啲咁dur dur 正！

抑鬱真係試過先會明，旁觀者可能只有陪伴同聆聽。 活係大時代，互相關心好重要。 室友們，你最近幾好嗎？

結局好精彩~ 一開始套戲淨係focus豬文係想講述佢嘅心路歷程。而白水一直自作主張以為自己係幫緊呢一位朋友, 以為透過一啲辦法就可以令到佢開心啲。但係佢冇諗過情緒呢樣嘢其實好因人而異, 唔係下下講緊理性就可以解決到... 當大家都係咁樣諗緊嘅時候, 劇情來一個大反轉, 帶出一個更加沉重嘅事實原來豬文嘅朋友其實已經唔喺度, 可能已經離去。 藉此講出每個人面對一啲沉重嘅經歷而唔開心嘅時候, 其實唔係真係咁容易一句「唔好唔開心」就可以走出嚟。有陣時連本人都好想可以開心啲, 振作啲, 但係真係好難。 我諗其實大家都心同感受, 我睇完都有啲emo

由4分鐘開始，豬文D表情，演技，睇到我好EMO，好勁

未睇片，見到封面已經好撚期待，期待豬首領歇斯底里嘅演出

當那些人認定了你「選擇」了憂鬱，就會產生一連串的不理解，然後企圖拿「誰比你更慘」來安慰你！ 沒有人懂得，不是我選擇了憂鬱，是憂鬱選擇了我！ 沒有人會懂得，悲傷無法比較，看到悲傷的角度根本不會一樣！ 每個人的抗壓性都不一樣，好比手指長短不齊那樣，難道你可以將每根手指拉到一模一樣的長度嗎？ 憂鬱已經很痛苦，如果發現自己活像個外星人那樣和這個世界格格不入，寂寞與厭世會增加尋死的念頭！ 我好像就是這樣朝這個方向走下去。

唔開心咪唔開心囉，點解一定要開心姐。一個人本身係頹底，唔會因為開心左幾次就會變得正面；畀佢展露自己嘅負面情緒，卻係有助佢釋放自己。片入面白水嘅說話係完全冇諗住理解豬文因咩唔開心，甚至係咪真係唔開心，佢嗰句「你覺唔覺得你好煩」真係好摟打，對方完全冇諗過要你理，反而係白水私自干涉人地嘅情緒。

小小觀後感： 條片由頭到尾都無出現過白水，白水其實係咪暗示豬文嘅另一個心聲／社會大眾價值觀嘅枷鎖？ 由始至終豬文都係自己面對所有情緒問題，甚至暗示緊豬文係有情緒／心理病？ 個人分享： 自問都係一個悲觀嘅人，尤其是幾年前情緒病好嚴重（而自己唔知） 當同朋友去講自己嘅問題同不安嘅時候 都會換嚟一句「唔好唔開心」同「你諗嘢正面少少」嘅feedback 但其實價值觀嘅嘢真係好難一兩句說話就改變到 完全體會到短片入面豬文嘅情況，好有共鳴 我用咗好耐嘅時間去同自己嘅悲觀共存 到而家都唔能夠話完全handle到 但至少自己知道「唔開心/悲觀係好正常」嘅事 好似最近衛蘭首歌 "It's ok to be sad" 希望大家唔開心嘅時候，唔好埋怨自己❤️

正如室友Tommy所講成條片無白水，但有一點不同的係與其話係豬文的幻想，不如話係自己對自己施加的壓力(做人要開心D)，甚至係社會對人施加的價值觀。 社會不斷同我地講快樂的人就係一個理想的人，樂觀的另一半就係理想的對象，甚至快樂的人生就係理想的人生，成個社會好高舉快樂就係最高甚至係唯一的價值，令我地每次稍有不愉快的時候都會想快D脫離不開心的狀態，好似豬文咁迫自己諗下「其實其他人其實客觀上比你更不快樂」，回歸「正常」開心的狀態。 當然，我沒否定過快樂的價值，亦冇講過快樂的價值完全係社會塑造，因為快樂似乎亦有相當高的內在價值(唔知係因為追求快樂係合乎天性定好合乎直覺)，另一方面，因為快樂具有相當高的的工具價值，因為我地衡量很多事情的價值時候都會用快樂來作標準，但我想講的係要留意快樂的價值有可能沒有我地認為咁咁高咁大，而且強迫要自己或他人快樂有時可能是二次傷害。 我暫時諗唔到正面的理由說明不快樂的價值，但我直覺地認為有時候不快樂才是對世界恰當的回應。結論係，容許自己有時候不快樂，面對自己的情緒，放過下自己。 BTW 豬文演技同鏡頭運用都進步好多。另外，豬文憂鬱的眼神同唏噓的鬚根好吸引。

當快樂成為你的負擔，不快樂便是你的權利

一直提住自己“開心啲啦”,反而搞到自己愈來愈唔開心 真係唔開心嘅時候,做任何事都唔會開心番

不被理解，縱使有陪伴，其實我都係如片中豬文孤獨一人。 劇中OS未必無意陪伴豬文，但唔知道方法，所以點解呢個世代我哋咁需要提倡「同理心 Empathy」 「不開心就不開心，也別勉強的慰問」 情緒從來無分對錯，某啲時候更加係當事人控制唔到嘅程度，當事人喺個漩渦度出唔到嚟，一來本身已經好痛苦，二來佢哋可能都因為咁、覺得自己煩到人而好自責，所以OS嗰句「好煩」其實真係好hurt的🥲 唔使叫佢「加油」，唔使叫佢「諗開啲」；靜靜陪伴，耐心聆聽，比佢知道自己唔係孤獨，適當時候拉佢一把，其實已經好足夠了 （當然如果陪伴者都被拉入漩渦，當然可以抽一抽身，比自己呼吸一下） 呢個世代大家都好唔容易，情緒受困者、陪伴者，大家都有各自嘅挑戰；比多少少同理心，嘗試代入對方--屌少句、逼迫少陣、耐心聆聽多一陣，世界會美好好多🌷 都係想評下制作同演技🙏🏻今條片嘅氣氛同色水令到我睇到好投入，仲有豬文惘然若失嘅演繹睇到我好心酸🥲 好多謝你哋拍咗條咁有意思嘅片 最後分享張愛玲於《傳奇》自序一段： 「我們明白了一件事的內情，與一個人內心的曲折，我們也都『哀矜而勿喜』了吧。」

諗起有次同班frd呻做嘢辛苦，佢哋咁講： 「你份工做嘅嘢咁易，點算辛苦？」 「你咁都叫辛苦咩，我先辛苦啦，成日OT O到8、9點」 然後我會笑笑口咁講：「都係嘅，sor9ly」，再轉移話題，但個心就好似有啲梗住梗住 其實有時都只係想得到一句認同，一句加油，但其他人就好似責怪你咁，用其他人既例子去同你做比較，話你知你唔應該有咁樣既感受，但明明每個人都係獨立個體，點解佢咁樣就可以係辛苦、唔開心，我咁樣就唔可以係辛苦、唔開心呢？

睇完有啲眼濕濕😢 豬文真係演繹得好好👏 仲要今次啲鏡頭，colour tone 都好啱feel, 荼毒室咁勁得唔得㗎😭🙌

明顯進步左, 無論運鏡同演技 飲酒果段運鏡都有進步, 4:00既眼神好表達到個神緒 係2:41突然跳色 最尾個shot可以落個更wide既鏡頭, 孤獨感會再強啲

嘩呢集勁 真心四集最勁呢集👍🏽

拍得好好，由頭到尾都係得豬文出現喺鏡頭前，白水得把聲，可以當喺豬文自言自語。 咁就突顯出唔單只係其他人想自己開心，而係自己都想自己開心，但偏偏做唔到，呢種掙扎深層次啲，畫面劇情合一，幾正。 而且拉出一個問題，點解人要開心？自己逼自己開心，似乎係將開心嘅價值擺得太高，反而令自己更辛苦。順其自然，任由情緒出現，流過，投入又不被掌控，可能係比較舒服嘅做法。

豬文演技進步左，真心欣賞 以前都會好似白水咁，以為叫人唔開心就係安慰。直至身邊既人有情緒問題，先知原來安慰人既方法都要學嫁，一味叫人唔好唔開心等於推佢去深淵一樣...有時默默係身邊可能已經係最大既支持

睇完呢條片，我有滴開始反思自己面對身邊朋友出現負面情緒時候，有D好似白水咁，一直會鼓勵朋友『做左運動就會有心情啦～』但其實冇明白到『我宜家都冇心情，做咩運動啫～』嘅問題出處。還是需要不斷進取去感悟！ 一條很好的片，加油！

今集是過往出片中的最佳，燈光、鏡位、演員(豬文only)、他者(白水旁白)及劇情與主題的配合都帶出唔開心的感覺。整體能帶出以下的無奈感: 1. 笑話是否能帶回開心？ 2. 唔開心而失去動力，也失去拯救自我唔開心境地，置自己於死局中。 3. 無意識的外物(如酒、精神藥物)都不是能化解唔開心的長久方法。 4. 借用他人例子也可能短暫舒緩不快感覺，但當自我發覺”佢又唔係我"，這舒緩應即時失效。 豬文今次真能演活無奈與唔開心的人，也帶出唔開心的一個原因是不能/不去想/忘記……自己真的想"要"些什麼。 若以上有錯誤詮釋， 請各方賜教 。 🙏😅

荼毒室 FIGHT CLUB

🥺有洋蔥！有試過情緒病困擾嘅人，好感同身受！

「你永遠不懂我傷悲　像白天不懂夜的黑 像永恆燃燒的太陽　不懂那月亮的盈缺」 有時我都覺開心同絕望既自己, 已經好似兩個唔同世界既人咁, 永遠唔明對方諗緊咩

好share，我都有努力去令自己開心啲但就係控制唔到 特別係諗到自己生存喺呢個世界度好冇意義，我究竟喺度做乜鳩，就覺得好無力 真係自己都覺得自己好撚煩

你唔講我都唔知原來可以開心啲添，我幾廿年抑鬱就因為你一句說話好返晒啦

超高汁！！完全係唔開心人的內心爭扎

白水嘅畫外音比喻成身邊人的話語，就好似一把無形的利刃。 我哋永遠都唔可能完全理解另一個人經歷同感受，但偏偏當佢哋發出求救訊號嘅時候。 我哋往往都鍾意去批評人，「你嗰啲算得係咩」、「人哋咪又係咁樣捱過去」，輕視、否定他人的感受，甚至覺得佢哋的想法係愚蠢。 正如結局最後咁，豬文同白水都講咗句「你不如試吓唔好唔開心」，多數被情緒困擾嘅人會質疑自己的想法，「其實係咪我自己ｏｎ９呢？」 而選擇內化其他人的想法，一齊去批評自己，不知不覺累積落龐大的心理壓力，就差一個引爆佢的契機，無論係幾咁微小的事。 所以，無論對人對自己，正視自己的情緒，唔好輕易去否定。人人的心理承受程度都有唔同，多啲體諒，少啲責難啦。

豬首領就算唔出聲表情都交晒戲👍🏻👍🏻👍🏻

在現代, 正面情緒是值得追求的, 而負面情緒則應該避而遠之. 就像是在巴士上年輕人理所應當的讓座給老年人一樣, 讓座是一種“敬老的美德”, 不讓座便是“自私的陋習“. 我們都慣性地被這種具有普遍實用性的常識麻痺了思考, 而忽略了個體差異的可能性. 年輕人可能患有嚴重心臟疾病? 老人可能有健康的身體管理習慣？ 雖然機率小, 但是卻不是我們停止理解事實, 盲目跟隨慣性的理由. 同理地, 每個人的情緒也是有差異性的. 或許我們應該做的不是讓他跟我們一樣開心, 而是理解不開心也是合理的存在. 不開心不是一種病, 普遍群體對獨特個體的壓迫才是病的來源. *個人看法或用詞遣字有不當的話, 歡迎糾正,*

好正！👍🏻 好多時自己情緒低落抑鬱時人哋講嘅佢地覺得係安慰、鼓勵、幫到手嘅說話， 其實自己心入面把聲已經同自己講過無數次，自己同自己做心理輔導做咗好多次，但係唔開心提唔起勁就係提唔起勁。 有時，會講呢啲好行嘅說話嚟去安慰唔開心嘅人係因為大家心裏面都有各式各樣壓力，take 唔到人哋嘅唔開心，唯有講呢啲。 但假如你係一個充滿正能量嘅人，下次遇到身邊嘅朋友情緒低落其實可以唔洗講太多。陪伴，聆聽，令佢覺得自己嘅負面情緒可以有一個地方安放已經好足夠。 人總係會關注同體諒身體上嘅傷口，覺得心理上嘅不適係無病呻吟，係可憑意志控制到，但其實心理嘅不適雖然無形但係更痛。 多點諒解，多些陪伴。 We're not alone.

當情緒低落嗰陣 真係唔需要咁快逼自己諗得樂觀啲 身邊人叫你快啲overcome 但總會覺得雖然你係真心想我好 但無奈其實人哋無可能明白真正你 好似呢個世界上最明白嘅只有自己

今次成個制作勁左好多 CLS 一定落左好多心機 好重電影感 鏡頭 光影 剪接 表情 同以前果D差好遠 係咪加入左咩勁人

可能1999 簡單講一下感想 就係,明明豬文唔開心係豬文一個人的情緒,豬文一個人的事 但就因為朋友,社會的規範 佢連唔開心的的資格都無左 佢必須要開心,一但唔開心,佢就會比白水(朋友/父母/社會/自己)要求去開心 佢失卻左唔開心的自由 同劇中想豬文開心的原因,都唔係因為開心係會對豬文好 而係"當你唔開心,你就係群體的異類了" 但明明成為異類係豬文的選擇 在未曾被理解前就已經先被否定了 另外題外自己舒發 唔開心係一d都唔理性唔講邏輯,唔存在做左咩會好過來的說法

唔開心通常源於對於嘅現況嘅不滿。而叫人「唔好唔開心」，呢句野本身就無乜鼓勵性質，同時又好似叫人去接受現況咁 (叫你認命咁)。講呢句嘅人未必有以下意思，但聽到呢句野嘅人可能會覺得被人「睇死」咁囉。

睇完條片，真心覺得講中咗好多人嘅心事，希望唔識安慰人嘅朋友會檢討吓! 另外，豬文今次演技又高咗幾個層次，如果荼毒室台慶搞頒獎，身為演技擔當嘅豬文肯定係最佳男主角。

睇錯標題以為係 你不如試下唔好咁開心 就算唔係抑鬱症，有時個人都係想頹廢下，咁樣比起笑更加紓發到個人嘅心情

豬文d戲好左好撚多

白水同豬文既對話 大概好多人都經歷過 有時會覺得唔開心或者悲傷既人 常常會比白水演既一類人攻擊(用上"攻擊"，可能係因為那個/些他者跟你算親) 大多數都只是在嘲弄般拋下"開心D啦" 感覺只會加倍難受 何不陪著他 侍他走出不快樂 開心也不是說了算 It's ok to be sad

呢集拍得幾好睇，白水voice over出奇地自然。影印機個度一望就知係豬文隻手

豬文演技真係好左勁多，表達到個氣氛。白水其實就好似係自己心入面另一個自我，好似另一把聲叫自己唔好唔開心，睇開d，收音收到把鬼咁反而做到個靈魂效果。高汁

唔好多事，由得佢，我覺得我幫佢唔到，我會放棄佢，佢嘅地獄係屬於佢自己嘅，我最多只能夠喺地獄門口等佢。可以幫自己嘅唯有佢自己，或者佢就係享受唔開心嘅感覺，當你一世人都痛苦就無痛苦呢回事，痛唔痛苦係相對嘅，無比較就無痛苦，有比較先至存在。 當佢都唔想見人，我可以點陪佢。

影印機個幕： 影印機好明顯想表達（他人）白水成日想copy & paste 自己既way of life 落人地到 他人既手掌：interference 而唔係helping hand 㩒實本書：suppression

多謝荼毒室整呢條片，致敬

去到最後會發現其實豬文同（受社會價值觀影響）自己先係最大既struggle，好多時候係自己都唔知點解做啲咩都開心唔到，咩都唔想做。習慣同其他人比較，然後又因為自己開心唔到而陷入更加唔開心嘅loop，正正係社會嘅norm係個個都係追求pleasure而唔好expose甚至抑壓唔開心嘅一面，無意中習慣咗去迫自己同其他人一樣堅強一樣開心。但有時候要好好放過自己，its always okay to be sad:”)

睇完個心好唔舒服，眼淚流下來了。只需聆聽及適當的關心 抑鬱同情緒病嘅朋友，已經很足夠。

豬文單拖都撐得起成條片🤍

好多人唔識體諒其他人，每個人都有自己難處⋯

叫你加油 唔好唔開心都叫可以接受， 當佢冇切身感受 最傷一定係同人分享完 佢同你講 咁小事 洗唔洗咁呀 好似覺得你小事化大 情緒病人 唔係咁易控制到自己諗法 同埋情緒病唔一定 係癲 好痴線 可以係焦慮 太過擔心某啲野 繼而影響到自己正常生活/社交 etc 希望大家唔好當情緒病人 就係傻佬 避開人 或者 白卡白卡咁笑人

好撚似失戀咁，以為酒精呢啲可以解千愁，但其實瞓醒又係繼續輪迴咁灰，做運動呢啲可以分散注意力嘅唔係唔得，但係真係冇心情同動力做，其實最需要都只係有個人去陪伴你去渡過難關。

個尾凝住有試當真個logo彈出黎🤣

條片message同演繹都一流 其實唔開心有時真係唔知點解，但係當知道自己唔開心，又想自己唔可以再唔開心，再沉淪，反而會仲唔開心。嗰種無力感同內疚感更加會畀到壓力自己。 我唔知自己係咪啦，但我自己解讀，我都試過，而且唔少次，我成日都會唔開心，但再諗返，其實自己有好多地方都冇資格唔開心，亦唔應該開心，反而更加畀到壓力自己。 到依家我都只係盡量唔會畀自己沉淪依個狀態，情緒上解決到，但其實件事都未解決。所以我唔知，情緒健康依啲嘢，大家都係可以靠自己就加油，唔可以嘅話就要搵幫手

好高質🥲

比起呢啲說話，陪伴通常比較有效

今日剪得好好呀！故事無之前果幾條咁抽象，但keep到令人睇完會再重新諗返成個故仔既手法。白水只用聲音演出，令拍攝/剪接難度都大左，最難應該係豬文，內心同自己對戲。 呢個進步令人好希望更高水準既哲學片🔥 直覺四哥會寫到一條講詮釋學既搞笑片！

愛自己

你不如試吓唔好唔開心 呢句真係難聽過講粗口

完得咁突然 btw 豬文真係被哲學耽誤的演員 !

令我諗起negative reframing，人既記憶係圖像化，係咁叫人唔好「唔好唔開心」，只會令佢諗d唔開心既畫面，更加唔開心 有時真係唔洗多講，陪下當事人已經好夠

當真同假都叫你唔好唔開心 你又點會開心到。

豬文最後差一滴眼淚，如果唔係就攞奧斯卡了

豬文做得好好👍🏿

😞睇完我都唔開心，最尾個度會喊

愈來愈優秀

嘩呢條片掂wor, 尤其構圖同燈❤️ 仲有白水全程冇入過鏡，更加 highlight到情緒低落嘅人覺得自己好似畀成個世界孤立/ 冇人理解到自己內心世界嘅感覺 如果可以揀，邊個會想自己唔開心吖，嗰啲「建議」其實係人都知...其他人就會覺得唔開心嗰個人太執着、唔識諗開啲（ie 大把人仲慘過你都冇喊苦喊忽啦），但有時思考或者記住一啲嘢就係會唔開心，咁究竟係要選擇令自己開心而唔去諗，定係明知會搞到自己唔開心都要諗呢啲嘢呢？而家都嘗試緊面對啲唔開心嘅嘢之餘，亦搵方法令自己情緒去到一個好啲嘅狀態。最慘係驚屋企人擔心而要扮開心啲，但反而搞到壓力更加大🥲 對於唔開心嘅人嚟講，陪伴同聆聽已經好足夠。比如試下話「不如搵日我哋一齊去跑步」會比「去做下運動咪開心啲囉」呢啲建議聽落舒服啲。 Btw豬文撐住啊（撐唔住就唞下先啦）加油加油🙌🙌

睇到想喊

醒咗又要重新翻返嚟現實 面對呢個荒謬嘅世界

It's okay to be not okay 睇完最sad係，當個社會話比你聽人生一定要追求開心，令自己開心係個人嘅責任，姐係人應該令自己開心時.. 係內化咗之後，當自己唔開心時，可能會去質疑自己點解會唔開心，甚至覺得連感覺到唔開心都「有錯」，但又無法改變呢個情緒，而進入自我質疑嘅輪迴.. 傷心，可能係因為失去咗一啲嘢；但抑鬱，係失去咗自我而無法建立，對於造成過去遺憾嘅自己有好多質疑、後悔、自責.. 唔開心時，唔需要呀媽係女人嘅建議，可能第一步但又好難嘅一步，係嘗試去接納呢個情緒，再嘗試透過說話表達，讓呢個情緒有個位置去安放 但果種孤獨感、不被明白嘅感覺，情緒嘅波動&細膩，對旁人而言可能好沉重.. 所以，不如真係試下make 個appointment 去見輔導呀.. 當然同輔導員都係人夾人，唔會見一兩次就有change, 但at least, 佢應該唔會叫你「唔好唔開心」/ 「睇開啲喇」

慾念願望聽得太多 愈會想重頭開始的走過

「我個肚好痛好唔舒服呀⋯⋯」 「你個肚唔好再痛啦！你唔好再痾啦，咁咪唔痛囉！」 「唔係呢，我個肚真係好痛。」 「人又肚痛你又肚痛，個個都會肚痛嫁啦，人哋痾完乜事都冇，你咁渣嫁！」

當我們越容易接觸到資訊，反而事件和人變得越來越片面。 朋友IG只有開心既相，係咪等於朋友只有開心？豬文同自己講試下開心啲，其實樓下黃師奶都同自己講緊。豬文講做到既人又係真係做到？定只是皮笑肉不笑？

It is okay to be not okay.

學子華話齋, 開心又一日, 唔開心又一日, 咁咪唔開心囉

先like為敬，支持豬文。

It's ok to be sad

不開心就不開心，也別勉強的慰問

令我諗起悲傷的薯角

傷風嘅時候，叫人唔好流鼻水，你睇我~索返入去咪無事囉，叫你唔好流都仲繼續流，你係咪唔正常㗎？ 推介歌 : Lee hi - Breathe (鍾鉉遺作) 究竟是純粹的陪伴，抑或是彰顯自己的價值....請用最純粹的你去感受，就不難察覺對方需要....辛苦了。

本書唔按實其實都SCAN到,所有野都係你一廂情願既諗法

強加於別人身上的好意

今集勁高質！所有嘢都進步咗超多

正能量

支持豬首領！ 套戲一開頭嗰陣白水不斷咁想令豬文開心d 但佢既呢種關心反而好似令到豬文更唔開心 飲酒嗰part既豬文雖然好似終於解放到自己 但酒醒之後既佢就覺得係自己只不過飲醉左 並唔係真正咁開心 而且睇翻初初白水叫豬天飲酒嗰陣 豬文個樣好似好唔情願咁 飲酒嗰陣亦有穿插豬文神情辛苦既片段 究竟豬文醉嗰陣既解放 係受酒精影響而得以短暫逃避現實 定其實係豬文因為受社會主流價值影響 覺得飲酒=放鬆先扮到好開心咁？ 到最後既反轉 白水已經唔係度 豬文先諗翻起昔日自己叫人（白水）唔好咁唔開心

開心啲唔係唔得 問題係我開心唔到吖嘛