⬇️重睇人數

2024年翻睇，都係好感動，好好睇！！！❤❤❤

2020年再翻睇嘅🙋🏻‍♂️🙋🏻‍♂️

點解youtube會可以免費睇到d 比錢入戲院都未必有咁癲咁爆嘅戲

其實只要先唔好諗點解鬼可以變番人 總之反正依套係戲泥既 就當佢係套劇既設定 所有野就會通曬 有幾點要留意到 開頭個日暦係2號，最尾都係， 加埋睇戲嗰part，暗示佢地就係keep住喺度loop緊依段時間 係死前死後既無限輪迴 佢慢慢變番人既時敘線 01:00 得小喬見到佢 09:11 左手開始掂到野 19:21 連右手都可以掂到野 (心跳聲效，二人無名指互相觸碰，暗示因兩人的心再次結連？) 21:51 藍仔頭聽到熊仔頭把聲 (未必人人都聽到，或者因為男仔頭係師傅所以聽到。因為到24:24 熊仔頭講野 後排呀me冇反應 直到小喬應熊仔頭 呀me先好奇小喬同緊邊個講野 直到25:04前每次到小喬應熊仔頭 呀me先嚇一嚇 證明嗰陣其實其他人都未聽到熊仔頭把聲) 24:54 心跳聲效再次出現 (另外藍仔頭覆述熊仔頭ge情況時 講左句 “你係人定係鬼呀”暗示熊仔頭真係慢慢變番做人 而且依個case從未有文獻記載 呼應浩南哥個初戀所講 熊仔頭就係一個特殊既案例 一切人死左變鬼 鬼又變番人一啲都唔出奇) (22:24 凡失憶者第一眼見到的人 必需要與失憶者失憶前有 有極大relationship 本書係講失憶者 唔係死者 即係講緊”人” 熊仔頭係人定鬼再度成疑 只好意他是半人半鬼 “定係其實依句只係單純廢話？”) (但22:43 熊仔頭話”但佢又唔似應得我wo” 定係暗示緊其實失憶既係小喬？我開始有啲亂。。。) 26:28 買碟個哥仔 直頭望到埋熊仔頭 27:18 條友因為熊仔頭買野冇比錢 用刀斬傷熊仔頭 (27:53 心跳聲效第三次出現 地下留下熊仔頭既血漬⋯⋯鬼會流血嫁咩？) 28:00 浩南哥稱呼熊仔頭做”曉通靈既先生” 30:15 熊仔頭捐血 打算賣血賺錢氹番小喬 問題又泥喇......鬼有血嫁咩？ 或者條時敍線就係由佢地第一次去睇完戲去捉鬼嗰陣開始，嗰時熊仔頭仲係人/已經變番人 因為之後既橋段同佢係人依個身份再冇犯駁 一開頭做兵 到鬧交 到熊仔頭去捐血 小喬搵番個ex但個ex再一次呃佢仲要當場撞見 (同隻個水泡鬧交就死番個ex度呼應番一開頭叫熊仔頭現身又叫佢走又叫佢留 呼之則來揮之則去，正賤人！) 到小喬自殺 到熊仔頭自殺 比自己個心佢續命 依個悲劇既循環就由依度開始。。。 無限Loop⋯⋯ 感嘆某啲八婆賤人(現實中與性別無關) 有時就搵水泡搵兵仔 一鬧交一唔啱心水就死番去個Ex度 最後又衰多次 無奈真誠的兵哥 願意為對方做兵做到死埋都繼續做兵 做一隻小鬼兵。。。 以上只係個人見解 作者留左好多想像空間比觀眾 未必只有一個講得通既方向 歡迎留言討論 以上純粹個人推測 但希望幫到各位睇明既朋友 刺激 激發大家既想像 享受這部高質作品！ 因為依套野睇得明之後(自以為) 真係好鬼正！！ 你可能會問我 睇到mark曬時間細節 咁清醒咁冷血既你？ 冇感覺咩你？ 我第一次其實係睇唔明 之後基於真係好想睇明依套野 所以逐點mark 邊mark邊睇左四個鐘 慢慢明啲明多啲 最後叫做好似睇明左喇 喊到痴X左線 Sorry for 1999 繼一天之後又一傑作 個個都好好戲！ 啲色仲要調到鬼靚 等破百萬！ 多謝你又送我一個失眠既晚上 真心多謝你地 永遠支持！ @fhprodution

影評加讀後感加大膽假設加故事解釋 我假設故事一開頭係loop既第1次（即係第2次過5月2日）， 當小喬係天台讀出臨兵鬥者皆陣列在前時，熊仔就會失哂億咁係個女人隔離出現，而當時只有小喬呢個人類見佢熊仔（因失億者第一眼見既人係同失憶者失憶前有極大關係，而且心臟係熊仔既？） 入到趙子呈條女間屋時，其實證明左鬼係可以互相見到鬼，但所有人類（除小喬）都見唔到鬼，由第一句霸道已經證明。因為趙條女對小喬的剖白令趙先明白他自己係自殺死嘅，令到熊仔推斷到佢自己都係自殺死既。btw點解趙女講咁耐，趙一啲都唔感動既，因為佢失哂憶 重點嚟啦，點解熊仔頭識得用摸佢個頭來安撫趙女呢？ 唔係因為小喬唔畀佢搞對波情急之下先點佢個頭，而係佢潛意識下已經知道佢用呢招(慣左手勢)來安撫小喬黎安撫趙女（下文再講） 而孫女個到諗深啲其實幾感人，金菇老野為咗個段可能係10歲8歲發生既初戀直到自己7老80都仲想搵小喬搵番個段情，所以金菇老野應該好似美國隊長咁係80歲老處男，不過初吻係奉獻咗畀隻左手啫 小鬼一方面講到實牙實齒話唔會失憶但係另轉頭又心裏話有例外，玩嘢咩？從佢話佢做咗幾十年鬼，證明其實佢都好愛老野一直係佢身邊仲保持小童型態，而最後問(佢點死架)嗰句就應該係佢同熊仔頭確認出失憶係因為自殺 廁所嘔個到熊仔頭一手摸落小喬個頭度安撫佢應該係潛意識動作，可能係上一次loop嘅時候佢就知道摸佢個頭同拖佢隻手可以安撫小喬（解釋番我第一段所講點解係第一次發生既係Loop） 而熊仔頭第一次用右手觸摸到小喬的時候 ，有冇可能係熊仔頭一路以來吸收緊小喬嘅陽氣或精神力而漸漸變返做人類呢？ 因為一拖完小喬就瞓著咗 到車公廟既時候熊仔頭應該已經開始實體化緊不過都淨係得聲音，道士睇到啲噹噹周圍飛同埋得把聲係到竟然唔驚，呢個道士度行真係高 當熊仔問(但係佢點都唔似認得我架喎？)係因為loop既事件已經回到過去，照推斷車公廟呢日應該係5月4日至6日之間，而小喬既認知只係由5月2日到車公廟呢一日，所以根本唔會認得 係戲院度熊仔話時間可以返返轉頭又記得曬啲嘢咁佢咪點打都贏，的確奇異博士係利用時間寶石無限loop但有記憶咁擊退多瑪姆(係奇異博士唔係復仇者聯盟)，但好明顯熊仔頭係保存唔到記憶咁只係會永遠係呢個loop度存在，除非.... 除咗從小喬身上汲取陽氣外，食香亦係我認為佢變番人類嘅方法之一，因為當佢從戲院離開後一食香就能與長髮老翻男見到面， 同時喺戲院後門拖住小喬離開嘅時候滴血，證明佢被老翻男斬時候已經完全實體化了 而家第二次上返去搵金菇老野嘅時候，熊仔已經人類同鬼都可以溝通同接觸啦，仲直接做埋淫婦同佢老公既溝通橋樑。當淫婦老公知道自己老婆唔係淫婦嘅時候安息咁離開，代表為咗鬼了左心願就會離開，而呢度已經見唔返小鬼啦，隔咗幾十年靠熊仔先了左心願？ 去到後樓梯就到咗熊仔頭招牌嘅聲嘶力竭歇斯底里咁講出感受，真係好爽。不過小喬明明已經分手半年仲因為失戀而嘔唔開心唔舒服，試問又如何接受一個只係相處咗幾日既鬼既追求呢？ 而你竟然仲發9我皮四仲同我講你已經頂唔順要走？？ 小喬同佢ex嘅分手到底係小喬唔要佢所以佢ex先呃佢，定係因為佢ex呃佢所以小喬唔要佢呢？媽，好亂呀～ 而最後當熊仔願意為鍾意左短短五至六日既小喬獻上自己生命，並將個心拎出嚟斷氣嘅時候時間，馬上就回復到小喬喺2號嗌出臨兵鬥者....呢到就係loop既第2次，即係第3次過5月2日，最後片尾提示we met again and again不就是代表第2和第3次見面嗎？(當然亦代表無限多次) 要衝破呢個loop只有兩個辦法: 1 最後唔救小喬自己一個正正常常咁做人生活落去 2 叫醫務人員先了結佢生命再劏開佢拎佢個心出嚟 不過就咁睇呢兩個方法都冇乜可能，所以呢個loop只會永遠都loop落去 而且方法一可能到最後又變返做鬼，而方法二假設醫療人員真係幫佢了結生命但係又有機會無得保存記憶返到2號 所以我覺得呢個loop無起點亦無終點，而點樣形成第一次loop5月2日亦無從考究，跪求前傳或外傳 以下係彩蛋 1-臨兵鬥者.....係9野咋 2-02:59熊仔仲有瞬間轉移既能力入屋 3-03:54好明小喬唔識食煙 4-04:55又瞬間移動左 5-06:15個陣其實2隻鬼一早大家都見到大家？ 6-07:28食香好似hi野咁（唔通係熊仔變返人類既方法？） 7-07:38咁都情不自禁？ 8-07:52大家第一次見到鬼 9-07:59又情不自禁？ 10-08:22繼續情不自禁 11-09:11趙瞬間轉移左，熊仔左手掂到野 12-10:45對水餃放咁高㗎咩？ 13-10:55個到都無$4000？ 14-11:54跌錢男見唔到枝凌空嘅蠟燭咩？ 15-13:15阿86號原來係陀地扮北菇 16-13:40又黎凌空交剪？ 17-15:02要cap水緊係答可以啦，以為妳好有生意頭腦添 18-16:30模仿有待進步 19-17:14個個(超~)我能理解到個種失落 20-17:29個個(好極呀～)真係好鬼賤 21-18:00身為鬼邊到拎啲錢出黎？ 22-20:48冚住人哋個頭做乜？ 23-21:13車公廟幾時有啲咁嘅道士同埋噹噹紀念品架？ 24-21:30掟完嘢用瞬間轉移去寫字 25-21:44大家都唔識串但字幕識 26-22:19車公廟何來菜刀呢？ 27-22:56小喬點知熊仔係車公廟？ 28-23:10佛門清淨地用西方既十字架？ 29-23:24小橋只係好簡單懷疑點解道士聽到佢講嘢 30-23:38道士掩眼 31-23:59冧笑真係好迷人，下一秒變系面好正 32-24:50阿me覺得好凍，陰風陣陣，因為小喬自言自語？ 33-26:06又再一次點香，戲院後門？ 34-26:53影射肉蒲團電影睇完都唔記得劇情？ 35-28:21兩個情不自禁 36-31:03捐血賣單，張單係大把食物？ 37-31:28膝頭對上先係脾？ 38-31:33自己吸自己血，loop既表現 39-31:40金髮妹係吸引啲既 40-31:48無名指心連心原來佢ex教嘅 41-32:39啲血真係呢.... 42-32:49我記得利記個期好似係下盤？ 43-33:58中槍聲？ 44-34:55啲血好好多 45-36:28we met again and again

其實有句野覺得好sweet😻呢d咁既女人 係我條女實錫死佢❤️

已經睇咗四次 越睇越覺得熊仔頭真係香港嘅清泉

小喬真係同熊仔頭好襯

‘嚟d咁嘅女人 係我條女 我錫死佢’😍💕個結局又感動又好sad loop到好攰

小喬演技大躣步！！ 尤其係廁所內心戲加出眼淚果下，太令人心疼 小美就不嬲演技不錯，呀ME戲份太少，反而呀Bie係今集演出未能出到演技，只識壓低把聲，希望熊仔頭可以幫呀Bie拍條佢的代表作。

有邊個睇完好耐至youtube 2.5返嚟睇下原來真係賣緊頭套廣告呀

真係完全唔覺已經睇咗37分鐘

前笑後催淚 第一次睇有人係身邊忍眼淚 再睇就真係流馬尿 今次差唔多曬冷出曬人 有份係度出鏡覺得係榮耀 &用張敬軒D歌好夾 28:22 - 30:10 我好代入 想記了很多事

#2021仲有冇人睇？ 係時候到#2023仲有冇人睇~

咁多咁多套戲。真系覺得呢套系拍得最最最最最最好。。。。 #2021仲睇緊然後會一直睇到死為止

呢種電影題材好正 希望有多啲呢種電影睇

成套約40分既片,劇情仲可以維持緊湊,絕無冷場,精彩!好多演員既演技都進步左好多,特別係小喬! 《我的小鬼兵》示範左為娘娘做兵既終極奧義就係"我成世人成世鬼都好似係你咁" 生前為左幫娘娘搵番個賤男男友而去捐血搵錢,什至為左救娘娘去自殺捐心 死後仍然陪佢去捉鬼,無條件去幫娘娘,雖然失左憶,但仍好想小喬係佢條女 熊仔頭對"做兵"既見解絕對係專家!

29:33 句 “我好想鐘意你呀” 好痛呀救命

前面講同性戀個part咁正，點解好似冇人留意到嘅，知道cherry嗰個係女朋友嘅時候 真係喊咗出嚟，都唔知係覺得阿bie可憐定係cherry可憐，同性戀現實真係好慘QAQ

唔好自責啦熊仔頭，等多一晚但係有咁嘅質素絶對值，畫面各樣野睇落都好舒服，呢三個月嘅等待冇白費👍🏻

0:56 ->小喬見到熊仔頭(鬼) 1:21 ->熊仔頭(鬼)話自己乜都唔記得晒 3:27 ->阿bie(鬼)出現 9:13 ->熊仔頭(鬼)發現自己可以掂嘢 10:13 ->摸頭(因為loop所以熊仔頭知要摸) 15:55 ->阿bie(鬼)係例外會失憶 20:10 ->無名指連埋 熊仔頭(鬼->人) 21:02 ->證明熊仔頭鍾意左小喬 22:08 ->證明熊仔頭變左做人 22:28 ->證明熊仔頭生前(未loop)係小 喬隻兵 22:41 ->證明熊仔頭係小喬心中無地位/ 小喬死後會失憶 25:07 ->時間石 暗示熊仔頭既loop 25:30 ->證明熊仔頭係扮失憶 27:10 ->熊仔頭發現自己變左做人 27:48 ->證明小喬當熊仔頭做兵 28:07 ->熊仔頭生前識通靈 28:50 ->證明小喬一直叫熊仔頭去做佢 想同男朋友做既嘢 即係當熊仔 頭係水泡 29:41 ->熊仔頭死左之後一擘大眼就見 小喬 即係佢一開始都唔知自己 會loop同小喬一齊嗰段時光 29:46 ->證明熊仔頭生前做兵 死左都係 做兵 31:13 ->熊仔頭捐血賺錢想氹翻小喬開 心 31:40 ->講小喬條仔有第二個 所以小喬 頂唔順自殺 34:02 ->熊仔頭決定為小喬犧牲 34:12 ->說明熊仔頭係自殺死先會進入 loop 35:52 ->熊仔頭同小喬換心 帶出佢地既 關係 亦帶出熊仔頭點解死後 loop既一開始會見到小喬 36:02 ->loop 總結 熊仔頭生前係小喬隻兵 生前為救小喬自殺捐心 然後無限loop鬼變人 變做人之後又為小喬死依一段 生係兵 死都係兵

純粹個人觀後感想:我認為作者想透過呢條片講下依家香港既愛情價值觀(感覺有少少諷刺味道),整條片主要內容係講男主深深愛着女主,然而不知女主只對前任男友死心塌地,就算男友一直傷害佢,佢最後都只係覺得係自己做錯,一心想挽回呢段感情,不敢正視問題,但感情係兩個人既問題,一個人再努力都唔會解決到,而一個人做左最大既努力而冇得到任何回報時,佢就會想放棄,而女主放棄既係佢既生命。而男主起女主被男友傷害既一段時間一直陪住女主,但女主此終惦記男友,男主知道自己係替代品已而感到無奈,離開左女主,但又不忍女主孤獨無援,背後為女主默默付出(片中女主想要用錢向男友來證明自己的生活過得不錯,男主便去醫院捐血希望換錢),而最後女主割脈自殺,男主亦毫不猶豫犠牲自己教女主。可惜男主不知道的是即便係犠牲自己救活女主,她的感情還是沒有留下男主的樣子。 失憶猜想:片中講到男主做左鬼之後失憶,遇到既第一隻鬼(同性戀者)都係失憶,而後面三隻(女按摩技師、西裝髮型師、小女孩初戀情人)就有生前記憶,我估係因為片里面既"記憶"係來源於在生既人對死去既人的思念,如果生人對死人係冇感情,咁鬼就會冇曬記憶(可能係怕做左鬼之後走唔出呢段傷痛,而鬼又係不死不滅,所以要一直承受住傷害 而設定,同時解析左小女孩既說話"但又唔係所有case都係咁架喎"),而女主一直將男主當係兵/替代物,男主起女主心中既感情世界跟本連一席地都冇,所以男主做左鬼就冇曬記憶。而第一隻鬼冇記憶係因為佢既情人跟本唔係真心中意佢,片中個女人係中意出去蒲呢類人,而女人既情人一直對佢既呢種行為不滿,但一方面又深愛住佢,所以一直默默忍受,最後女人越來越過分,甚至有第三者,情人忍受唔到所以自殺,女人心感愧疚,覺得自己係害情人既兇手,後面出場佢面容憔悴(估計係心理恐懼而影響睡眠),請女主黎並唔係想見佢情人一面,只係想用做法事呢種形式去求個心安理得,睡個好覺。 摸頭習慣猜想:男主生前,一直安慰被男友傷害既女主,每次安慰都用手撫摸她的頭,漸漸形成習慣(說明女主男友傷左佢唔止一,兩次),片中一句"情不自禁"說明左男主安慰左女主無數次(所以做鬼時都記住左呢個習慣),呢個時候係男主同女主接觸最多既一段時間,男主亦已經交左自己個心出黎,但男主所做的一切都換唔到女主對佢既一絲心意,片中一句"係我條女我鍚死佢"講出左男主心中既無奈。 片尾重置猜想:片尾重新出現左片頭既畫面,我估係因為成條片係講男主生前最好既一段回憶(唔係指發生事情既好壞,而係同女主相認開始到犠牺自己救女主既呢段時間係男主生前印象最深),而男主會起呢段回憶中不斷循環(不過係用鬼既角度,唔係人),去回憶生前同女主既點滴。 補充:後面三隻鬼同情人都係真愛,但佢地三對六個人都唔係咩愛情專家,只係我地日常中起街邊擦身而過既普通人,普通既職業,普通既相貌,普通既財富,但佢地既愛情可以做到至死不渝。我估作者係想表達我地所接觸既愛情既普通又難得,普通到每個人都可以擁有,難得在於如何做到兩個人將心比心。愛情不是一場獨角戲,必需兩個人才能完成,不必多出一個人,不能少了一個人。 如果呢段留言你有感觸,或者有補充同反對既意見,歡迎留言。 同時希望我既留言唔會誤會左作者既想法...

全部background music係張敬軒😍

熊仔頭又帶香港KZfaq去一個新高度

歌list (全部張敬軒) 0:56 - 1:13 塵埃落定(多謝mrSamuelli提醒) 2:05 - 3:00 Hurt So Bad 純音樂(多謝ggwellplayed提醒) 4:48 - 7:38 只是太愛你 10:38 - 11:39 只是太愛你 11:59 - 15:42 羅賓 15:47 - 17:12 青春常駐 17:18 - 19:40 Hurt So Bad 19:43 - 21:15 P.S. I LOVE YOU 21:53 - 22:55 靈魂相認 22:59 - 27:23 斷點 28:33 - 32:14 春秋 34:06 - 37:18 塵埃落定

張敬軒Hins Cheung😍😍😍

睇完《我來自youtube2.5》, 再來睇一次...

全部都係張敬軒啲歌呀😍但每首歌都夾個劇情果下先勁😰

我係想比佢見到我變得好好等佢後悔 但其實吾係 我係想比佢見到我變得好好等佢翻嚟揾我

呢啲先係叫做高質㗎嘛！熊仔頭d片真係值得畀錢去睇。

係香港生活得耐 好多嘢已經麻木 已經好耐冇試過睇KZfaq睇到流眼淚 呢個題材真係好正 希望繼續有類似作品或者續集啦～

個細路女鬼好可愛

所有女生都有不同的樣貌 化妝, 衣著, 髮型, 場合 但只有在你的鏡頭下 杜小姐先係最靚, 最吸引的一個...

好有電影feel好正好好睇~加油！

真係好難超越小鬼兵,無論節奏同劇情都係非常之好

超高質，軒叔叔嘅歌播放時間恰到好處。林小美嘅妝好搏，哭戲交到貨，演得幾好。小喬同熊仔頭，最佳搭配，好有火花。小喬都好搏啊，肯大大方方拿自己個飛機場做笑點。

以下係個人對今次電影嘅理解，可能有錯，歡迎討論同糾正小弟嘅見解。 ＜＜＜＜＜＜＜＜＜＜＞＞＞＞＞＞＞＞＞＞ 【前題】 現實中，熊仔頭自殺已證實身亡，代表可以進行器官捐贈(33:44) + 小喬見到男朋友有第二個，亦都割脈自殺，搶救當中，得到熊仔頭捐贈嘅心臟之後得救。（(31:34)小喬係電話突然講拜拜，係因為已經喺街到見到佢男朋友，同某女人喺埋一齊-某女人問：「邊個黎架？」男朋友答：「我老母。」去瞞住個女人，但已經睇到哂。）【不過，呢個時候嘅熊仔頭同小喬係互不相識，直到熊仔頭嘅心臟去左小喬身體之後，先會產生關係，開始左之後輪迴嘅故事。】 ＜＜＜＜＜＜＜＜＜＜＞＞＞＞＞＞＞＞＞＞ 之後，可能成個故事就要分開２條時間線去睇： 。小喬得到熊仔頭嘅心臟之後得救，如常生活緊。 （現實進行中，唔係今次影片嘅時間線） 。熊仔頭做左鬼之後所經歷嘅一切。（不斷輪迴，亦則係各位觀眾睇到嘅畫面） ＜＜＜＜＜＜＜＜＜＜＞＞＞＞＞＞＞＞＞＞ 【熊仔頭為第一身角度，第一次經歷輪迴。】 影片開始，日歷＝輪迴嘅開始。熊仔頭第一眼就見到小喬，幫緊阿嬸驅邪。阿嬸睇唔到熊仔頭，但小喬見到，亦則係熊仔頭係鬼嘅存在。 (07:05)阿Bie自殺死（雙腳吊住左喺到），(07:27)阿Bie知道自己點死，但係生前同林小美一齊嘅回憶就唔記得哂。熊仔頭話自己都同阿Bie一樣，死後唔記得哂生前嘅所有事。(15:41)小女鬼做左廿幾年鬼，話鬼係唔會唔記得野，但唔係全部鬼都係咁樣，阿Bie同熊仔頭唔記得哂所有野，可能係特別例子。或者可以推算，自殺嘅方式就會唔記得哂所有野，所以熊仔頭會係自殺。 ＜＜＜＜＜＜＜＜＜＜＞＞＞＞＞＞＞＞＞＞ 熊仔頭嘅左手開始可以接觸到實物：(09:10)熊仔頭隻左手推跌到野，(10:09)摸到小美個頭，(11:20)攞得起蠟燭，(12:27)按到腳，(13:39)攞得起鉸剪剪頭髮，幫小喬處理生意。本身話右手掂唔到野，(19:19)掂到小喬隻手（但果一幕啲聲效，硬係覺得仲有啲特別野）。(21:35)藍仔頭只係人，淨係見到毛筆喺到fing緊，但聽到熊仔頭嘅說話，(24:59＆25:49)戲院嘅人都以為自己撞邪聽到怪聲，所以先驚青離開戲院。熊仔頭開始由鬼變成無軀體嘅人。(26:20)賣碟佬係人，但確確實實見到熊仔頭，(27:14)冇俾錢而被賣碟佬斬傷左，(27:51)流血，(27:28)入廁所，所有人都見到熊仔頭，代表熊仔頭已經變成活生生嘅人。轉變成人嘅過程只係一個鋪設，可以符合【前題】以一個人類去 捐贈心臟俾小喬，先可以促使成件事成為一個由鬼變人嘅輪迴。唯一唔同嘅就係，熊仔頭喺輪迴到係認識到小喬，真心愛小喬，為左佢連命都唔要，最後捐自己嘅心臟俾佢。熊仔頭失去心臟而身亡，返回輪迴嘅一開始，再次變成鬼魂，醒左第一眼見到小喬，無止境咁繼續成個輪迴。熊仔頭第一次經歷過輪迴之後，就會記得哂成個輪迴會發生啲咩，直接回應返25:28，「可以返返轉頭又記得哂Ｄ野」。不斷只有熊仔頭會記得輪迴會發生咩事，小喬係唔會記得。所以，喺成個電影裡面，小喬之後幾多次輪迴，都係唔會知道自己個心臟係熊仔頭俾嘅。 (22:20)失憶者指嘅係熊仔頭，唔係小喬：阿Bie傾計果part知道熊仔頭做左鬼之後，唔記得哂生前嘅事。當初係鬼魂嘅熊仔頭，第一眼見到嘅人就係小喬，或者係一見鍾情，所以先做隻小鬼兵，係咁幫小喬，之後聽埋呢句說話，就知道自己同小喬係有關係。小喬唔係失憶，只係佢唔知道自己嘅心臟原來係熊仔頭捐贈俾佢。以【前題】為例，倆人互不相識，只係一個單純嘅器官捐贈過程，而受體就係小喬。所以影片開始，認唔出熊仔頭係正常。

久唔久就返嚟重睇一次 每次都睇到喊 真係好強 😢

你呢一套電影就真係要收8蚊啦😂😂😂😂😂😂

純粹個人分析！歡迎大家討論！！！！！個故事係話:成個故事係輪迴緊，因為係熊仔頭輪迴，同《一天》一樣，結果改變唔到。前面嘅鋪排大概係熊仔頭隱瞞緊真相，想永遠輪迴，因為鬼係唔會唔記得野。同埋一開頭熊仔頭講左一句：我講咗不下一千次，代表緊呢個係熊仔頭嘅輪迴。應該會有人問點解林小美嗰度要摸頭，咁係因為熊仔頭已經經歷過一千幾次，知道要點解決。

呢條片好有深度，好多想像空間。編劇相當勁。我相信好多觀眾同我一樣都好中意呢個小電影。老實講，睇完條片，再加一啲自己既想像，簡直就係不得了。至對成套小電影既影評感想，真係難以形容，總之非常非常非常正。睇完真係成個人都係激動，實在太正。恭喜熊仔頭繼《一天》之後，又有一套神作小電影。加油💪🏿一直都睇好您地。期待您地下一套小電影

張敬軒D歌真係好正啊🤤🤤🤤

真心好睇，小喬而家演出越見成熟，作品節奏明快，好笑又感動，希望往後有更多制作~支持支持!!!

28:32 - 30:12 講左幾多人心底話出黎...睇到心酸 愛到傻愛到癲既時候 難免衝口而出 雖然講既係心底話 但係都係最唔想當面講出口既野 口口聲聲話唔會再忍 明知要放棄 最後都係付出自己既全部比對方 Sad Face

短短30幾分鍾有笑有淚 絕對唔比"一天"差 你地劇組真係好PRO 超級期待你出下一集微電影 加油 永遠撐你地FHP!!

每次睇個感受都好唔同 有傷感 有回憶 有遺憾... 多謝FHProduction咁有Heart既制作!!

今日再睇，已經睇咗唔知幾多次 真係有個吸引力 睇完小鬼兵會再睇 一天 呢兩個組合真係無得走

在咁多個香港KZfaqr裏面，你係唯一一個感動到我的人，亦係拍片最高質的，btw 好鐘意熊仔頭同小喬希望日後你地一齊出多d鏡😆

以我既睇法 我覺得呢套微電影有一個熊仔頭自己設計既系統係到 就係小喬同熊仔頭個心有相反既連繫 意思就係小喬個心愈完整 熊仔頭個心就愈唔存在 所以一開始作為鬼既熊仔頭就係真既鬼 無人睇到佢。 劇情一直落去 小喬愈有負面情緒 個心愈弱 熊仔頭個心就慢慢凝聚 開始摸到野 有人睇到佢。直到最後 小喬要死個陣 小喬個心已經傷到死左 熊仔頭就有個完整既心 變返一個人 呢個設計唔係我地常見既鬼同人 而係心靈連結既設計。 而內心 由一開始小喬活係前度既傷害之下 熊仔頭都一直只係想陪住小喬 到最後熊仔頭由鬼變左人 都只係一心想救小喬 就顯出熊仔頭無論係人定鬼都只為小喬付出 係最極致既兵 亦都係：男人鐘意一個女人 個種好愚蠢 但係好浪漫既感情

時間不停loop返去救佢，由一隻鬼慢慢變成人一直留喺佢身邊 咁耐之後再睇返都係咁有feel

壞過凱婷 食三支煙

睇完感覺主線要表達嘅就係做兵嘅人對娘娘果種唯命是從,任勞任怨,呼之則來,揮之則去(1:15-2:40),願意為娘娘做任何事(12:11-15:40),以為自己會由隱形人漸漸可以現形上位坐正(21:05-30:11),但娘娘始終係鐘意賤男(30:25-30:54,31:35-31:48),不過就算係咁,兵仔亦都甘願繼續奉獻,最後就算連命都獻埋(31:50-35:53),自己亦都可以當懵然不知(36:00-1:22)個種無私奉獻精神,真·兵格.

《斷點》呢首歌已經係小喬同熊仔頭之間嘅主題曲❤️❤️ Btw係咁播張敬軒搞到好出戲😂😂 仲有！陰公熊仔頭你識唔識摸頭㗎!!!!

熊仔頭既電影真係好值得一睇再睇，期待你返黎繼續拍好既作品比我地，多謝你。

15:10 再問賣血都唔掂 所以後面就以為捐血有錢?

正呀喂, 真係好得, 有心機呀大佬

無論睇幾多次都係咁感動，仲睇到喊添，你哋嘅電影真係好有感染力，繼續努力拍多啲好戲俾我哋睇，加油💪🏻

每晚都要睇一次💗

過咗咁多年，睇過咁多次，先完全明曬劇情內容，伏筆埋得好好，希望熊仔頭繼續拍呢d

出啦～～～幾夜都睇～～

成套野頽然得黎又有曖昧好有愛 曖昧完最後又得唔到佢既心痛感覺 佢之後又為其他男仔頽 鍾意你既見到你咁真係好唔開心個心好酸好酸 睇到感覺好大 小美小喬真係做得太好

其實最心酸喺，小美係11:13到講「分開嘅人知道對方仲着緊自己就夠」，但其實熊仔頭同小喬分開，甚至為佢而死，就算佢知道對方根本唔着緊自己都好，佢都仍然喺佢身邊陪住佢，照顧住佢，真係不愧為小鬼兵😭你係高質嘅❤️衰鬼😏

等咗咁耐，係值得架！！癡線，好睇到癲呀，一定要繼續！

條女果心吾係你度 但你果心系佢到😭😭😭

恭喜你呀!衰鬼! 因為你再一次突破左以往既作品水平，無論係演員，演技，音樂，同剪接。

好有heart! 好欣賞你一步一步拍到自己鍾意既片！好高質呀！

又一次催淚微電影!每一次每一次睇到你拍既微電影都心裡想好好喊一場!

心機野 誠意野 呢幾日辛苦你剪片xdd

終於出啦，感動😍

下下都咁入心，唔該曬，雖然我冇乜嘢故事，但係睇完之後個心la住la住，希望你哋繼續出多D咁好睇嘅片。支持!

唔好發我脾氣 頂唔順你走 如果選擇唔走 是否可以繼續做你的兵 是否可以一輩子守護在你身邊 我不是你的另一半 但我願意做你最稱職的小兵... 故事不要再輪迴了 我只要你好好活著~

真係好高質

終於肯出啦？衰鬼！ 半夜十二點先出片，我溫書好定睇片好？

呢條片真係好有深度👍

19:53 小喬講第二次‘我教你做一樣嘢’時嘅笑，簡直超越所有影帝影后，真心sweeet到好痛好酸。

實在太高質啦！估唔到2023年仲睇緊！

等到la😄😄

2021年繼續精彩！

Came back to watch after the interview.

「暗戀」後...回來了 然後又喊一次

夜媽媽唔敢睇，留名先。。。

I have no idea why I'm here but these short movies are just so cute, amazing, and touching! Thank god my mom kept insisting on speaking Cantonese to me growing up. I haven't laughed so much in years.

隔咁耐翻嚟睇翻 配埋張敬軒啲歌 一個好好嘅周末催淚到冇晒mood

係軒仔吖😍

3:08嚇到心都離一離

超好睇，故事好有連貫性🥹帶出咗心連心意思，非常感動

我係一個70後的觀眾；最近喜觀PH production 的作品，真的同以前好不同，所以公司的男女藝人都好正！

呢個陣容 鬼有得輸咩 就算有得重黎再揀.....

2020還在 香港加油！

痴線成個故事勁連串！又易明又感動又有笑位，係我睇過最好睇嘅微電影！

希望可以繼續拍呢D咁有愛既片，支持你地

一睇再睇 唔知睇咩好ge時候 就會睇番熊仔頭d電影💓

故事嘅設定應該係假設熊仔頭第一次無意遇到自殺嘅小喬，然後唔知點解掛，用自己條命救咗小喬，然後係變成鬼後，小喬就冇事了，但熊仔頭亦因此失憶，並留咗係小喬身邊，係同小喬相處呢幾日，熊仔頭愛上咗小喬，亦都開始發覺自己記憶恢復，並陷入一個輪迴（姐係熊仔頭會不停由鬼變翻人，並重複犧牲自己拯救小喬），到咗最後…熊仔頭已經由最初可能只係憐惜個女仔而犧牲自己，變成咗一隻真正嘅…小鬼兵。 寧願活在一個她沒有自己的世界，也想打破輪迴延續她的笑臉…

支持！！！好用心！好感動！

真係好正 由搞笑到最後帶出催淚的故事，支持你地，繼續拍好片

這的確是繼《一天》後又一感人力作，感謝熊仔頭，辛苦曬！！！

未睇先讚

一日就熱門#1 我覺得熊仔頭同佢團隊係香港youtuber最勁嗰個！ 坐等破百萬！

呢排先睇熊仔頭，好正阿，有排追番❤️😭