Рет қаралды 258,338
萬千星輝頒獎典禮|直擊紅地氈女星鬥性感 Gigi服裝再巨大突破
《萬千星輝頒獎典禮2023》今日移師至澳門上葡京綜合度假村舉行,正式頒獎前一眾藝人紛紛常心打扮現身紅地氈,成為話題之作嘅Man姐 佘詩曼 以壓軸之姿現身,由北京趕至現場嘅佢氣勢十足,打扮以極富氣質又高貴。
呢日 陳豪 陳茵媺 仲有 蕭正楠 同 黃翠如 夫婦一齊亮相紅地氈曬恩愛。至於《新聞女王》嘅重要角色 馬國明 就未有同新婚老婆 湯洛雯 出場,反而同劇中拍檔 高海寧 一齊現身,至於 張家妍 李施嬅 ,被傳押後婚期參與頒獎禮,失聲嘅佢就直接澄清並無其事喇。
正日生日嘅 陳展鵬 同《香港人在北京》嘅好拍檔 吳若希 㩗手出席,而身穿誇張拖尾晚裝出現嘅 傅嘉莉 就同劇中一直迷戀,宣佈將會再誕千金嘅 洪永城一齊到場。
好朋友 張振朗 同 劉佩玥 呢日雙雙現身,齊齊入圍最佳男、女主角嘅佢哋非常合襯。而《寵愛Pet Pet》嘅CP 林夏薇 周嘉洛 亦一齊踏上紅地氈,薇薇仲分享日前不適嘅情況。
擁有一雙逆天美腿嘅 劉穎鏇 同 陳山聰 一齊現身,至於年前合作《一舞傾城》嘅 陳法蓉 同 陳星妤 亦一齊到場,兩人各自散發唔同味道。 《靈戲逼人》嘅龔嘉欣 呢晚以大露背裝上陣,《你好,我的大夫》CP 何廣沛 同 蔡思貝 亦一齊現身。
繼早前以一身全黑突破打扮現身電台頒獎禮之後,呢日 炎明熹 嘅打扮亦再次成為全場焦點,鮮紅色絲襪加上露腰白色長襯衫被視為另一大突破。After Class另外3位成員 姚焯菲 鍾柔美 同 詹天文 齊以晚裝參與盛會。
《亞洲超星團》一眾成員呢日亦都聲勢浩大咁亮相現場,另一節目《東張西望》嘅一班女主持就競爭激烈,各以性感至極嘅造型出現喇。
#萬千星輝頒獎典禮2023 #紅地氈 #澳門 #佘詩曼 #馬國明 #李施嬅 #高海寧 #陳展鵬 #吳若希 #陳山聰 #劉穎鏇 #炎明熹 #AfterClass #林夏薇 #周嘉洛 #陳豪 #陳茵媺 #蕭正楠 #黃翠如 #龔嘉欣 #何廣沛 #蔡思貝 #傅嘉莉 #洪永城 #張振朗 #劉佩玥 #陳法蓉 #陳星妤 #上葡京綜合度假村 #新聞女王 #香港人在北京 #一舞傾城 #亞洲超星團 #你好我的大夫 #靈戲逼人 #寵愛PetPet
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0