Waa waraysi Xildhibaan hore Cabdibarre Jibriil oo faahfaahinaya taariikhda Axmed Cali Daahir xilligii teeramkii koowaad ee Xasan Sheekh uu ahaa Madaxweynaha oo loo magacaabay Xeer Ilaaliyaha Guud.
Xildhibaan hore Md. Jibriil waxa uu tallaabo-tallaabo u dabagalaya taariikhda Axmed Cali Daahir oo ku suntay xatooyo xoolo dadweyne, kana biloowday Seattle oo uu bulshada Soomaalida ka soo dhacay $180 kun oo masaajid lagu dhisi lahaa, kuna noqday taksiile gobolka Mareykanka ee Arizona, waxyar kabacdina Madaxweyne Xasan Sheekh u magacaabay Xeer Ilaaliyaha Guud ee Soomaaliya.
Waqtigii uu ahaa Xeer Ilaaliyaha Axmed Cali Daahir waxaa lagu xasuustaa dhaca dhulka iyo guryaha umadda asaga oo wakiil uga ahaa Madaxweyne Xasan Sheekh.
Doorashadii Madaxweyne Xasan kabacdi waxaa loo magacaabay Danjire dalka Hindiya. Talaabooyinka sharcidaradda ah ee uu qaadayna waxaa kamid ah asaga oo Marwo Faadumo Maxamed oo ahayd Xoghayaha Koowaad se Safaaradda dalka ka masaafuriyey, waxaana weli socda dacwado kale oo shaqaalaha safaaraddu wadaan.
Kaga bogo waraysiga Xildhibaan hore Cabdibarre Jibriil.
Wariye Jamarti