Wekh Lavein Tu Bhaleya Poora Manzar Ay Latest Most Sad Romantic Love Top Trending Punjabi Poetry Whatsapp Status 2024
Poet: Rai Muhammad Khan Nasir
ویکھ لویں تے بھلیا پورا منظر اے
بندہ دریا مچھیاں روندا باندر اے
میں مٹی آں امبر میرا مسئلہ نئیں
میرا مسئلہ اگنا میرا اندر اے
ہک تاں میتھوں رات وی کٹھی نئیں رہندی
خواب اڈاری آہلنا کڑمی نیندر اے
ریتاں بھج کے مگروں جہنوں رلدیاں نیں
شوق تروٹی اوسے ای جنج دا نینگر اے
کدی تاں پوٹے بھن کے گن توں مینوں وی
کدی تاں توں وی آکھ حساب برابر اے
ویکھ لویں او ہک دینہہ سر پر آؤنا اے
جیہڑے دیہنہ دی ہک ہک پل نوں گھابر اے
ویہندیاں وتناں مونہاں ولوں سارا دیہنہ
کملا اے یا کسے وساہ دی اودر اے
کس بلایا کھوہ دی چپ نوں ٹنڈاں چوں
کہنے مال نوں دسیا پانی جھانجر اے
سوچ کے بولیں آکھی گل پے جاندی ہئی
پگ اے نہینؤں میری ماں دی چادر اے
لگراں بھوئیں ول اُڑ اُڑ ویکھن لگدا اے
واء دے پیراں تھلے ساوا پتر اے
ستویں پچھیا وار و وار بھراواں توں
ابے نوں کیوں بندے آہندے اوتر اے
ہک تاں اوہنوں پٹناں بے پروائیاں دا
دوجا اتوں چِت وی میرا کنجر اے
بھوئیں دا اوہلا نہ وی پانی لاہوے تے
دس چھڈدا اے کتھوں کتھوں کلر اے
اکھیں کول تاں پندھ اے پانی تیکر دا
مینوں لگدا اے پانی ہیٹھ سمندر اے
کربل تیکر موت دا مطلب موت ای ہا
کربل پچھوں موت حسینی لنگر اے
چپ دا کٹھیا جدوں بلارا بندا اے
مُڑ حشراں دا سد وی اوہندی گونجر اے
اکھ یقین دا بوہا مل کھلوتی اے
دل کڑماں پر جتھوں جتھوں منکر اے
پانی کولوں پچھیں پانی دسدا ای
کیہڑی ڈھاک تے کہندےناں دی گاگر اے
توں دھرتی توں منگ جے منگن آندا ای
اج وی دھرتی کول کوئی تھوڑا امبر اے
ہور تماشہ یار مداری ہور کوئی
تیرے کول وی میرے ای گھر دی گھمبر اے
ویکھ کے مینوں ہونی آکھیا ویلے نوں
اے تاں ساہنواں سدھا اوہا ناصر اے
رائے محمد خاں ناصر
#raimuhammadkhannasir
#raimuhammadkhannasirpoetry
#punjabishayari #punjab #punjabipoetry #punjabi
#punjabiboli #shayarilover #shayari #shayri #punjabishayri
#indianpunjabi #punjabireels #punjabireel #reel #reels #poetrylovers #punjabipoetrylovers #indianpunjabi #lovepoetry #sadpoems #romanticpoetry #poet #poetry #sad #sadshayari #sadshayri