Qiso: Wiil helay magaca Alle ee weyn!.
Magaca Alle ee weyn waa magac haddii Alle lagu baryo uu horey kaa siinayo wax walba oo ay yihiinba.
Wiilkii asxabul ukhduud ee Cabdullahi bin Thaamiri, markii loo geeyey ninkii saaxirka ahaa wuxuu sii maray nin raahib ah oo diintii nebi ciise si fiican u haystay ninkaas ayaa cajab geliyey oo uu si fiican wax uga bartay, markii uu wiilkii wax bartay ayuu sheekhii ku yiri ibar magaca Alle ee weyn? Wuuna yaqaanay sheekha laakiin wuu ka qarinayey, sheekhii wuxuu ku yiri wiilkii walaalkeyow ma xamil kartid waan kuu cabsanayaa imtixaan adag ayaa dabayaal ee iska dhaaf! Markii uu arkay in uu sheekhu ka qarinayo uuna lafihiisa u cabsanayo wuxuu soo qaatay leebab badan mid kasta wuxuu ku qoray magac ka mid ah magacyada Alle ee uu yaqaanay weel ayuu ku wada riday dab ayuu shiday markaasuu midmid ugu turay markii uu ku tuuray kii uu ku qornaa magaca Alle ee weynaa wuu soo booday oo dabkii ma ku gubin, magacaas ayuu qaatay sheekhii ayuu u tegay wuxuuna ku yiri magacii aad iga qarinaysay waan soo ogaaday wuxuu yiri waa kee? Wuxuu yiri waa magacaas! Wuxuu yiri sideed ku ogaatay? Wuxuu u sheegay arrintii uu sameeyey wuxuu yiri waa runtaa waad heshay ee is ilaali mana u malaynayo in aad yeeli doontee, haddii lagu qabtana ha isoo farmuuqin.
Aakhir sheekhii wuu farmuuqay waa la dilay isagiina waa la dilay. Qisada asxaabul ukhduud waa la wada yaqaan.
Xigasho: Tafsiirka Ibnu Khathiir - Suuradda Buruuj.