هوندا بايلوت أفضل سيارة في فئتها من تجربة وامتلاك لكل الأجيال السابقة وأسأل الله أن يرزقني بهذا الجيل السيارة جودة وقوة وعزم. وخفة ومرونة وصرفية بنزين معتدلة وسعة داخلية كبيرة حتى مقاعد الصف الثالث تقدر تستفيد منها للكبار وتقدر تستفيد من الشنطة بسعة معقولة دون طي المقاعد مو مثل باقي السيارات في فئتها أما الأسعار كل السيارات زادت أسعارها وإذا عن زيادة 10 أو حتى 20 ألف وانت واصل ال 200 فأعتقد إن الطيب يستاعد الزيادة هذي

ماشاءالله مساحة الصف الثالث حلوة حتى للبالغين بس ليت لو ضبطو تصميم السيارة من الخلف لإكمال جمالية السيارة

كم الأسعار؟؟؟

السيارة جميلة وهوندا المعروف لا يعرف لكن عيبها شاشة صغيرة وشاشة عدادات ماهي فل ديجيتال كاملة للأسف علي سيارة بهذا السعر … لكن في الموديلات القادمة تنزل ويرفعون السعر هذه سياسة الشركات اليابانية التقطير في المواصفات

ماشاء الله تبارك الله

هلا والله ابو نهال افضل يوتيوبر يراجع سيارات

سياره ممتازه وسعرها مقبول

يسعدك ربي كم سعرها

ايهم اهدا هي ولا باترول ولا لاندكروز

اللي بغى اعتمادية وثبات ومتعة وتشجيع على المشاوير وسيارة تفهمك وفيها تقنيات خفية مثل تخفيف السرعة في الانعطاف ووضعيات عديدة ومكيف بارد وسعة ومقعد مريح للظهر اناعندي عملية في الظهر جربت اكثر من سيارة ماحسيت براحة مثلها ياخذ هالسيارة وماراح يندم اذا كان اللاند كروزراو البرادو تصميم خارجي حلو لكن كقيادة متعب فهذه السيارة العكس مريحة وبتصميم خارجي عادي تنافسها الباث فندر مع اختلاف في ضعف الديكور وقوة للطرق الوعرة لصالح الباثفندر

اسعار الهوندا طلعت عن نطاق السيارات المنافسه لها تغرد خارج السرب

كم سعر البايلوت شامل الضريبه؟

أغلب السيارات تقريبا توجهت الى وضع المرايا الجانبية في الباب بدلا عن النافذة ولهذا دور في عزل افضل للسيارة .. لكن هوندا مازالت متأخرة في هذا الشيء

سعرها غالية جدا ٢٠٧ الف درهم في الامارات

كم سعة المحرك

وكمان المعيب فيها مافيها تكييف في السقف

مهما تمدحو فيها تبقى سعرها غالي ومبالغ فيه. ومصنوعه في امريكا ماهي يابانيه ميه بالميه للمعلوميه

صورلنا cx90.

اللهم صل على محمد وآل محمد عجبتني السيارة صراحة بس الي شفته معيب فيها الصرفية للبانزين وان كانت رباعية لو زادوها ل 14 تبلع شوي وغير ذا بالنسبة للأنوار الجانبية لو يضيفوا هالخدمة تكون أجمل مع الشاشة الخلفية تكون سيارة أكثر رواقة والي عجبني فيها المرش المائي الخلفي والأمامي عند الكاميرا، طبعا حسب علمي بأن الصناعة اليابانية. تختلف إذا كانت أمريكية الياباني أكثر تطور مثل هوندا أكورد الزر الوسطي في التحكم رهيبة عند اليابان وعندنا مختلفة حرام والله المفترض يسووا مثلها وغير ذا الأنوار الجانبية والبانورما متوفرة باليابان وعندنا لا، ياليتهم يضيفوها بس يرفعوا السعر بالمعقول وشكرا ع التغطية أخوي ماقصرت

المواصفات احس المازدا الجديده أكثر مع ان الهوندا أكثر اعتماديه اكيد

الاستاندر ب ١٧٠ او يمكن ١٨٠ وبدون دبل الدبل اتوقع ب٢٠٠ الف

بخصوص هذي الفئة من السيارات وهذا الحجم أشوف سيارة نيسان انفنتي qx60 الأفضل في فئتها

السياره حلوه بس سعرها بسعر التاهو ب240 الف ريال للفل ابشن بصراحه ما تستاهل سعرها عشان كذا هوندا فاشله بالانتشار والمبيعات

ايش فائدة فتحات العادم المزيفة حتى شكليا عن نفسي أشوفها غير مقبولة وشكلها مشوه للسيارة ايش المشكلة لو ما كانت موجودة للأسف تشوه شكل السيارة خصوصا مالها اي فائدة تذكر ولا حتى شكل

عندي دورانجو 2016 فل مكينة هيمي 8 سلندر متعود عالعزم العالي بس بدأت تفك فمها وابحث عن سيارة حول ال230 الف مريت هوندا اليوم مالقيت البايلوت بس قلي عليه عرض ب240 الف الفل كامل تورينغ اشتريت بايلوت في 2016 ماكملت شهر وبعتها لقريبي كانت ستاندرد ماعجبتني وقتها والباثفايندر ب227 الف الفل بصراحة ماعجبني حسيته ضيق والمواد في الطبلون مو قد كذا الترافيروس الجديد للاسف مانزل بس ابعاده الداخلية ممتازة ومدري متى ينزل الجديد عندنا بس حيكون 4 سلندر الجراند شيروكي مررره مبالغ في سعره ب262 لفئة ليتميد بلس فوقها في اكثر من فئة الباليسيد كاليغرفري (اعلى فئة) اظن قال ب219 واختها الكيا تيليورايد 210 لكن الكوري ماادري ايش وضعه يعيش ولا مايعيش المازدا CX90 ضيقة والفل تجي مقاعد مفصولة ويقهروني في الشركة يقفلوا السيارات ولا فيه تجربة كرهوني في المازدا الفورد لقيت اكسبلورر الليميتد 2023 ب224 الف والاكسبدشن فئة XLT جلد تبريد مقاعد وبانوراما ودفع رباعي عليه عرض ب227 الف بصراحة وحش بس اخاف تتعبني السيارة في الاستخدام اليومي الجراند هايلاندر ودي ينزل عندنا بس للاسف غير متوفر ايش في خيارات اخرى وماهو افضل خيار؟

صرفية بنزين سيئة جدا تصميم خارجي وداخلي متخلف جدا عن بقية المنافسين سعر عالي جدا وغبي صراحة النتيجة = سيارة فاشلة ماراح تشوفها في الشارع ابدا