للتواصل او الاستفسار عن الواتساب wa.me/message/Y7WQTN2C2T7UI1

جزاك الله كل خير

الله يجزاك خير ويرحم والديك كلام صحيح وموضوع مهم جداً

توجيهاتك ونصايحك تزيدنا الرغبة في شراء سوبربان بالتوفيق وإلى الأمام

كلام طيب ،،،، ولكن تكرار وطولها وهي قصيرة ، مشكور في كل الأحوال

ربي لايحرمك الأجر والثواب على استفادة الناس منك .

مشكور على التعليمات جزاك الله خير

نصائح مهمة 🌷

اشكرك على شرحك وعلى الفايدة الي استفدتها

الله يسعدك ويجازاك خير علمعلومه

شكرا على هذه النصائح اخوي بو رياض

كلامك سليم واشكرك انا شريت سياره تقريبا مخزنه وصراحه عندي وقفتها قليله بعد كم فتره اكتشفت ترشيح من جلد البلوف مع ان السياره ماشاءالله تبارك الله ممشاها قليل

عندي فورد رابتر 2014 جديد ماشي ١٠٠ الف وقفته ٣ سنوات والاحظ ان السيارة فيها قساوة وش السبب؟

الله يجزاك خير

طيب وش رايك بسيارة المخزنة من 2012 سيارة حكومي وش رايك خايف اني اخذها وتخبط الماكينة

بارك الله فيك معلومات جيده .. لكن حاول الاختصار

تحياتى لك 🌹🌹🌹

السلام عليكم انا ولد خالي الله يرحمه متوفى قد له متوفي ست سنوات و معه صالون موديل 2000 اولادها مخلين الصالون و واقف في بيت خالتهم لمده سته سنين ما اتحرك وحده بس و بعدين سمعت انه خبط يمكن يبيله مكينه جديده لا

مقطع مفيد

السيارات الجديده مايضرها التخزين إذا كانت تحت مظله بالكامل ولا تحوشها الشمس … والقديمه معروف انها ماتحمل التخزين لان التخزين راح يطلع منها بلاوي … اما الجديده بس إلي يتضرر فيها الكفرات والبطاريه فقط … وممكن بعض الأجزاء إلي فيها حديد يتعرض للصدأ وعلاجه سهل جداً

لو سمحت سؤال حول وقوف السياره لمده اربعه اشهر بسبب السفر الان عند العوده كيف يتم التعامل قبل تشغيل السياره نرجو الافاده

كلامك سليم ابو رياض بارك الله فيك ومشكور علي المجهود الجبار التخزين يخرب السيارة انا قعدت فترة موقف التاهو حسيت ان الكفرات محبله ابو رياض استفسار انا عندي شنطة التاهو اذا طلعت بر احس يدخل غبار كثير من الزجاج الخلفي للشنطة وزويا الباب الخلفي للشنطة عندك حل لاهنت

عندي يوكن 2016 وتجلس السياره واقفه اكثر من شهر واذا كان عندي مشوار طويل او سفر امرن السياره داخل الحي يوم او يومين وامشي عليها وايضاً اذا جيت اوقفها احط وضع النقل في السياره وخاصة الجموس.

عندي السياره تمشي ولا تقعد واقفه عندك أقرب مثال خل البيت لمده أسبوع ويكون مافيه أحد تحصله مغبر أنا لاحظت شيء سبحان الله عندي حذيان هديه من شخص عزيز علي تركتها تقريبا لمده شهر ماالبسها تيبست وبدت تتشقق معى أنها جديده المقصود من كلامي تخزين الشيء أكثر من حده يخرب سوا بيت أو سياره او اغراض شخصيه

انا عندي مازدا وجمس وددسن الددسن اكثر استخدام والباقيه لها اكثر من شهرين ماتحرك يضر ولا لا ؟

انا وقفت جمس 7 سنين ونزلته مع القديه

هل وقوف الجمس في موقف ميلان وعند تسرب ومويه تحت السيارة مظر

حتى الناس اذا زودت احترامكم معهم يتغيرون

تخزين السيارة أسبوع أو شهرين او ٣ شهور لايسبب مشاكل ولكن تخزين السيارة سنة او ٣سنوات أكيد المواد الاستهلاكية تخرب

طيب انا سيارتي كامري وكاله مالها معي شهر والحين موقفها وعندي رحلة خارج المملكه لمدة شهرين ، السؤال ايذا جيت بعد شهرين كيف الطريقة معها ؟!

هل ممكن يطلع صوت للمكابح عند وقوف السياره لفترى طويله ؟؟؟

ممكن نوع الاطارات التي تستخدمها ؟ وما رأئك فيها ؟ وكم حجم الجنوط في سيارتك ؟

انا موتري قعد حوالي ٨ شهور موقف ماحركته واليوم يوم اجرب موتري تكنه عزمه موتري طايح عزمه مااش

هذا الكلام ما ينطبق على تويوتا عندي برادو لع قريب ٤ سنوات وعلى طول واقفه احركها في شهر مره اومرتين والحمدلله موديل ٢٠١٢

وبالنسبة للي مسافر عن البلد اللي يشتغل فيها ومخلي سيارتو سنة ونصف بسبب كرونا

كلام صحيح ومعلومه للافاده اذا بتوقف السياره فتره طويلة الكفرات عبها زياده هواء فوق الطبيعي لمنع التحبيل والسياره وقفها بشكل مستوي كامل مو ع ميول والافضل لو ماراح تمشي عليها تشغلها مكانها للتحميه والزيت ياخذ دورة كامله واهم مافي السياره المكينه

سلام اخوي انا عندي كامري لها شهرين واقفه ماتحركت هل الشيء هذا بيضر المكينه ولا لا

سيارتي لها 6 شهور واقفة في الورشة منقلب عليه وبستلمه بكره و الله يستر

يا الغالي انا معي اكسبلور 2006 القير خربان له سنتين وما حركته والكفر طاح شوي عادي ولا وهل اواجه مشاكل لمن اشتري قير جديد

فيدونا بالله امي الله يحفظها سحبت السياره بسبب المخالفات زادت 😔💔 شهرين وبترجعها عادي شهرين واقفه ولا 😰

عندنا جمس ٢٠١١ انقطع السير والسبب واقف لفترات طويله يمكن قعد شهرين وسافرت فيه وانقطع السير فالخط.

انا مسافر فوق الشهر افصل بطاريه ولا

ان مع ابو رياض اول ماتظرب معك صوفة الدفرنش

طيب اذ كل نهايه اسبوع احميه بس عادي ؟

المشكله في طريقه التخزين مو على ان اسياره واقفه انا عندي جمس ٢٠٠٥ سيرا رافعه على جحاشات ومغطي جلد عضلاته بشحم واحميه واغير زيته وحو واقف ونادر ما احركه ولا جاه شي

الوالد عندي نفس الطريقه مايطلع من حكم كبر السن انا عندي سياره وسيارت الوالد تقعد بشهرين او ٥شهور ماتشتغل ولاتتحرك ولا يعطيني المفتاح الان جيت اشغلهاا امشي فيهاا فيهااا اصوات مدري من ايش اخواني فيدوني بالله طبعن سيارت الوالد هيونداي سنتافيه

طيب الي يبي يخزن سياره هل يفرغ المكينه من الزيت ولا لا

انا اوقفها وفي اسبوع مرا اشغل ومشي فيها نص ساعه او في الأسبوعين الحد الاقصى

طيب انا امشي عليها كل أسبوع يومين عادي ولا غلط

حقين التخزين يرفعونها على جحش او عفريته وا يابلبسها كيس

اخي لو تكرمت عندي سؤال محيرني ارجو الاهتمام والاجابة لديا سيارة من نوع بيجو 206 بنزين سرقت مني منذ فترة المهم ان الشرطة مسكت السيارة بفضل الله ثم نظام تحديد المواقع ومسكت العصابة وهم الان بالسجن لكن القاضي لم يسلمهالي لحد الان وطلب مني الانتظار سؤالي هل تفسد السيارة لطول مدة الوقوف دون ان يشتغل المحرك علما ان لديها سنتان واربعة اشهر على هذا الحال هناك من يقول لي لا تخف باستثناء بعض الاوساخ لن يحصل لها شيئ لانها بنزين هل هذا صحيح ؟ اخشى ان اتسلمها خردة انتظر اجابتك وكل من لديه خبرة يرحم الله والديكم"‎

انا عندي سياره وقفتها 7 شهور ولا دقيت سلفها والى الان واقفه وماشاءالله مافيها شي الله يعز تايوتا

مقطع 7 دقايق والمعلومات اللي فيه انقالت في اول دقيقه ، والـ 6 دقائق من المقطع ضياع وقت