نزیکەی 2%ی دانیشتووانی ناوچەی هاریسنبێرگ لە ویلایەتی ڤێرجینیا لە ئەمریکا کوردن و هاوشێوەی کوردستان رۆژی سێشەممە یەکەم رۆژی جەژنیان لەگەڵ یەکدی بەڕێکرد. لە رێوڕەسمەکەدا بە دەیان کوردی دانیشتووانی ڤێرجینیا بە ئامادەکردنی خواردنی جەژن و بەڕێوەبردنی رێورەسمی ئایینی تایبەت، پیرۆزبایی جەژنیان لە یەکدی کرد.
کوردانی دانیشتووی هاریسنبێرگ ئەنجوومەنێکی شەش کەسیان بۆ رێکخستنی بۆنە کۆمەڵایەتییەکان پێکهێناوە و لە رێگەی بۆنە و رێوڕەسمەکان هەوڵدەدەن پارێزگاری لە کولتووری کوردی بکەن.