星光路上丨羅子溢分享對男主角睇法 盼與太太齊奪視帝視后
劇集《婚後事》播完大家係咪有啲失落呢？不過唔緊要，潘盈慧 呢日就請到羅子溢上嚟《星光路上》，除咗同大家傾吓入行經歷外，仲會分享佢第一次做男主角嘅感受，當然唔少得要講吓《婚後事》呢部劇啦。
子溢入行前其實係一名救生員，所以嗰陣時嘅佢膚色都係黑黑實實，至於當年係點樣入行？原來又係因為陪人試鏡，最終反而自己成功被人發掘去拍戲。直到遇上《衝線》呢部劇，子溢初嚐做男主角嘅滋味，不過佢話自己完全唔覺得自己係男主角，事關佢話最緊要係有機會同一班拍檔去台灣出埠踩單車，反而呢樣嘢令佢覺得更開心。
子溢又分享佢對做男主角嘅睇法，佢覺得大家尊重你，唔係因為你擺款，而係因為真係由心去尊重你，就好似陳豪咁，佢拍劇無助手，咩事都係親力親為，但大家都會尊重佢，子溢仲話好嘅榜樣應該傳承落去。
而入行多年，子溢話羅嘉良對佢嘅影響都好大，仲教咗佢好多演技嘅技巧。而喺《婚後事》中，子溢就諗起羅嘉良教過佢既演戲技巧，可以大派用場啦，對於得到網民嘅讚賞，子溢已經覺得好滿足，佢話因為自己好少會被人讚喎，對於獎項，子溢坦言都好恨攞獎，仲好希望可以同太太有朝一日可以一齊攞到視帝同視后呀。
#星光路上 #羅子溢 #潘盈慧 #婚後事 #男主角 #羅嘉良 #衝線 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0