Naxçıvan Muxtar Respublikası Səhiyyə Nazirliyi, Naxçıvan Muxtar Respublikası İctimai Səhiyyə Xidməti və Azərbaycan Respublikasi Xüsusi Təhlükəli İnfeksiyalara Nəzarət Mərkəzinin birgə təşkilatçılığı ilə “Xüsusi təhlükəli zoonoz infeksiyalarına epidemioloji nəzarətin təşkilinin prinsipləri” mövzusunda seminar keçirilmişdir. Seminarda giriş sözü ilə İctimai Səhiyyə Xidmətinin direktor vəzifələrini müvəqqəti icra edən Pəri Əliyeva çıxış edərək xüsusi təhlükəli infeksiyalara nəzarətin gücləndirilməsi ve maarifləndirmənin vacibliyini vurğulamışdır. Daha sonra Azerbaycan Respublikası Xüsusi Təhlükəli İnfeksiyalara Nəzarət Mərkəzinin direktor müavini tibb üzrə fəlsəfə doktoru, dosent Rita İsmayılova xüsusi təhlükəli infeksiyalar üzrə epidemioloji nəzarətin təşkilinin prinsipləri və həmin mərkəzin xüsusi təhlükəli patogenlərin epidemioloji tədqiqatlar şöbəsinin müdiri Kəmalə Əmirova “Tulyaremiyanin epidemiologiyasi və profilaktikası” mövzusunda çıxış etmisdir. Bundan başqa Naxçıvan MR Yoluxucu Xəstəliklər Mərkəzinin həkim infeksionisti ,infeksion xəstəliklər və klinik mikrobiologiya üzrə uzman həkim Dilrubə Qaraşova brusselyoz, tulyaremiyanın differensial diaqnostikası və müalicəsi mövzusunda çıxış etmişdir.
#səhiyyə #naxçıvan #epidemiologia #naxçıvan #səhiyyə