好多謝你去探我嘅鄉下 我兩歲就已經喺香港仔度住 住到18歲搬咗去對面鴨脷洲 你今日去睇嗰兩個商場充滿咗個童年嘅回憶 雖然我已經移咗民去外國 但每一次返香港我都一定會返去呢兩個商場 講到呢兩個商場 我諗司徒夾帶可能比我重要年輕 所以我所認知嘅商場所講有啲唔同 我可以講到畀你聽再早期嘅時候係點嘅樣。 珍寶商場最頂嗰一層扶手電梯正對面嗰個舖其實係樂聲琴行。我以前喺嗰度學琴㗎。 至於佢話賣閃卡嘅鋪，嗰間最早期嘅時候其實係一間賣正版cd嘅舖頭。 其實嗰度好多都係賣衫嘅，不過就係賣似旺中嗰種，年輕平價嘅少女衫。頂樓嗰度我仲記得有一間賣好多沖涼浴珠嘅舖頭，細個喺嗰度使唔少錢 至於利群商場印象就更加深刻 地下嗰層以前有海洋圖書專門租漫畫嘅 以前我都有會籍租下漫畫同小說 後期佢搬上二樓 之後冇埋😢 海洋隔離就係萬昌 專門賣好多精品，擺設，音樂盒，玩具.. 回憶滿滿，我使唔少錢喺嗰度 一樓萬昌斜對面角落有間鋪賣遙控車同單車 叫飛翔 細時哥哥成日去 好多細路喺嗰度 之後就係遊戲機同抄碟（任天堂磁碟機年代） 樓上有情天地應該係我小六時左右開 中學時咩摺星摺紙鶴織手繩etc..料都喺嗰度買 有啲買完仲可以喺鋪整，佢哋會教埋你 上電梯嗰間美容應該我小學已有 媽媽喺嗰度做過facial 對面有bra鋪 小時好多女仔去嗰度買㗎 要講，真係大把嘢講 香港仔我有太多回憶...

珍寳商場最旺時期90年初至中期超級任天堂年代，簡直係細路仔嘅天地，除在賣遊戲機仲有模型、租漫畫書、CD鋪，90年代尾已經開始靜，踏入2000年以上鋪頭無晒變咗師奶場同有幾間賣老翻鋪，利群商場樓上30年都無乜變過😂

我家人間舖由88年開始到而家都在。 細個差不多日日去珍寶商場 基本上由第一間開始賣game嘅老闆都識 第一間賣/租game嘅係任天堂嗰時仲有得租電影睇 到紅白機有得 copy floppy disk 之後ps 到pc 以前個業主立案法團搞得好好 年年有錢淨, 就係因為轉咗業主立案法團 嗰班人搞到而家個商場咁樣 珍寶商場,利群商場,利港商場 都係兒時蒲點 題外話第一間南記粉麵唔係喺巴士站嗰邊 係喺香港仔大道天橋落斜 燈位左邊嗰間生果舖 初中時經常去食晏 好味又抵食 雖然移民咗外國生活好多年 香港仔仍然是我家 我啲家人全部都住喺香港仔 好有回憶

以前利群有間四達書局，新學年要買書會去四達書局同商務書局（宜家功夫點心樓上） 以前會去珍寶買正版卡式帶，有啲小店賣細細包既零食（糖，魷魚）幾蚊一包，有幾多年青人服飾賣，T shirt都喺珍寶買。除後老翻興起，有老翻鋪。 利群最出名係四達圖書，友情天地，以前友情天地對面係賣精品，仲要係Sanrio 精品，放學好多學生去買嘢睇嘢，友情天地隔離間毛冷鋪好耐歷史。

珍寶商場賣game最出名係頂樓金輝，有兩個老細，一個姓周一個叫肥佬，老實講係冇game買，只係賣機，主要收入來源係租game帶，copy 紅白，超任，MD磁碟，後尾兩個拆夥，肥佬去咗地牢，另一個繼續做，過多一排，姓周嘅都搬埋落去地牢（不過唔係同肥佬一齊），到後期只賣電腦game，月費咭，傳聞有段時間個老細因賣老翻判咗入獄，由佢老婆繼續舖頭，出返嚟冇耐因為佢買咗好多騰訊搵到錢之後就冇做

裝修完要再拍一集利群，好想知會有咩分別，會唔會搞到好似裕民坊咁變劏舖死場

珍寶商場以前最常去 1/F CD 舖，最入角位曾經有間玩具車店，仲有賣 choro q 車，3/F 近電梯有 game 舖可抄 game，記得 game 舖隔離好似開過玩具槍店，2/F 就較少行，地庫有咩舖就唔係好記得了。 利群商場以前地下就有珍寶 cd 店的分店，萬昌玩具，四達書店，搖控車店，game 舖，樓上有間好大的賣遊艇用品舖頭，開了好耐歷史的時裝運動服裝店，同埋開過可租書的漫畫店。

多謝希比 司徒介紹香港仔 見到許多街坊留言 充滿回憶

無錯！珍寶、利群仲有利港，都係放咗學為咗賴死唔返屋企，點都要去行吓嘅地方😂 仲有以前鴨脷洲大橋得兩條線嘅年代，我都係住鴨脷洲，一定記得嘅慘痛經歷，就係林文龍一早喺條橋撞咗車封咗條橋，成個島嘅人只可以坐船出香港仔返工返學，真係多得佢唔少。

我住華富，利群商場俾我嘅回憶係買教科書、買皮鞋，同埋藥材味。珍寶商場最深刻嘅係影印舖同埋天使，我中學時期嘅買game熱點。

我係沙士前喺香港仔讀書， 讀完中學之後就冇乜再返過香港仔行呢兩個商場。 以前珍寶商場冇地庫，地庫係後尾先開，最記得下面係買老翻蝶。 而家我都離開咗香港做嘢。上兩星期返香港嘅時候專登就係去咗珍寶同利羣行一轉，嗰陣仲諗緊Hebe會唔會過去。 點知Hebe真係有片。 喺珍寶地庫，一落樓梯有間買潮物嘅舖頭， 見到啲嘢唔貴望咗兩下就同舖主傾下偈，佢話原來佢哋有夾過錢整地庫嘅冷氣，不過夾完錢都冇整過啲錢唔知去咗邊。 傾下傾下就傾咗半個鐘。 都知佢係有心人。 利群間有情天地真係我細細個已經喺度， 開咗三十幾年。

南記以前總店響山崎麵包隔離，果陣仲係圓枱，有伙記招乎寫單，出名鴛鴦河賣$12，之後改革變要買飛，開第二間分店，位置係培德小學對面過馬路位

珍寶當年係抄game 都有幾間, 至於利群主地下嗰層都係賣紅白機game(新同二手都有), 印象中好似有3 至4 間, 我細個嗰時就係玩完一隻就去一買一賣咁, 利群1 樓以前就賣衫多嘅 同埋片尾嗰間萬昌喺利群好多年, 到最後都係摺咗... 早兩年利群地下都有間賣game 嘅, 睇嚟而家都冇埋

#珍寶商場(超任floppy碟, PS/Saturn改機game, 電腦舖係有個monitor demo緊PC game Red Alert 或用緊PC播VCD 周星馳阿叻《鹿鼎記》《唐伯虎點秋香》『神鳥鳳凰圖』(sell緊砌機), 地舖賣番梘VCD/mp3 CD) #利群商場: 早過珍寶有超任floppy碟, gameboy #香港仔南記粉麵 以前春卷牛腩河係$14碗:p 而家買game買電腦野係數碼天地(簡稱數地)(行去利群前一個商場,有豐澤(細個浦豐澤),本來有玩具反斗城都冇埋了)

珍寶地庫, 最記得係老翻😂, 利群有樣嘢一定無變, 就係中藥味

好多謝你出片講香港仔商場 🙏🏽 我都係香港仔成長的 🤞

利群車場有兩部車𨋢可以成架車上樓，而家可能覺得冇乜嘢，但嗰個年代係hi tech嘢嚟㗎

雖然兩個商場的裝修和佈局仍然停頓在三、四十年前模樣，但始終不敵歲月，顯得破舊。 像我們般的老街坊，由孩童或青年已經變為中年或年老長者，歲月不饒人呀! ! 多麽的唏噓啊!!😢😭

17:09 記憶中利群樓上從來都無乜男仔嘢，90年代上電梯就係呢間內衣店，咁耐都仲喺度。左邊走廊入係體育用品、羽毛球拍同運動衫、牛仔褲，右邊就補習中醫之類，仲有條巷最尾係潛水用品。鬍鬚堅搬過幾次，好後期至喺呢度。樓下反而有大大間文具舖，仲有四達圖書，暑假尾必定排長龍買課本。 反而我想講商場外圍向香港仔中心嘅舖，有間昭明文具，由巴士總站搬過嚟已經好一段日子。而家香港仔只剩兩間傳統嘅文具舖，另一間係官立前面嘅有來，咁耐都無裝修過咁滯。向海一邊仲有間CD舖，應該就係好耐以前喺珍寶一樓嗰間。

記得以前頂樓有間琴行 好耐歷史 曾經都學過琴😂

珍寶以前有鋪頭砌電腦㗎, 宜家地庫都有功能性鋪頭, 例如改衣影印, 影印價錢平到搵唔倒($0.3/50張以上), 其實珍寶&利群真係好多功能性鋪頭(果個年代睇Sanrio文具精品就一定去利群), 慶幸仲未變領會領展style; (回答返珍寶有跌打中醫)(另外冇晒學生陣味關唔關宜家D學生淨係上網唔出街事? 年輕店舖生存唔倒加上大部份年輕人鍾意上網買嘢), 住咗鴨脷洲40年點解未見過司徒

其實客戶冇變到，都仲係30年前果班小朋友🤣即係你口中而家班“中年女性”，個商場同客戶一齊成長

記得1樓一上扶手電梯有間租影帶/影碟鋪，另一邊好入既位置有賣模型同萬變咭鋪 2樓電腦鋪隔離即轉角位有間租書鋪，3樓又有一間租書 總括嚟講，風光時期主要有遊戲game,有租漫畫書，有賣電腦同game,仲有D零食店，租影帶，賣CD既鋪 所以黃金時期嘅珍寶商場絕對係年青人既天堂，分分鐘早上入去，夜晚先出返黎😂😂

當年放學浦得最多就係珍寶同利群😂 珍寶地庫一落去有間影印同賣漫畫，個d漫畫書兵器，不過去得最多都係中間game鋪抄PS DC game😂同埋隔離有個呀姐賣電飯煲腸仔同埋糖😝 樓上都有好多間賣game賣card同電腦鋪。 利群最記得係地下間飛翔（之後搬咗去珍寶一樓）賣game抄floppy打超任，四達九月買小學新書。以前海洋係樓上，會打漫畫書釘😂仲有就係行萬昌，老闆娘成日昅住怕人偷嘢😂鎖匙佬以前喺出邊舖位，個老闆仲係佢，不過通常搵佢都唔係整鎖匙係扭蛋，同埋出邊仲有間昭明都係扭蛋多過買文具。 樓上通常係呀媽帶住買運動用品，或者陪家姐買精品，仲有無限咁多間中藥舖。

終於等到新片！👍👍👍

利群間鬍鬚堅(個logo好正)係出名嘅羽毛球專門店。以前呢個位間萬昌(佢都喺利港開過分店)對面呢家賣餃子鋪嘅就有間開專dup電腦game嘅鋪頭(286、386時代)排隊dup碟排到出商場正中心

珍寶唔太死場，早三四年識人起果度租舖做美甲，租金唔貴做熟客，有人流。 利群我都幾喜歡行，因為太似80 90年代嘅風味❤😊但就多數無嘢買到

多謝希比接納意思🤩🤩真係好正呢集

多謝兩位去香港仔重遊一下，細個嘅時候成日係香港仔流連街頭😝

終於介紹香港仔啦，利群商場記得以前面向海嘅地舖有漫畫店，以及有間CD店。 至於珍寶曾經都行過地庫，又係睇下動漫周邊咁。 老實講，香港仔好似真係冇game買，要買真係出去灣仔同旺角。 早幾年香港仔商場其中一部分都有商務，而家都冇埋。至於玩具反斗城都係最近摺埋，變咗deliverpool嘅自取店。

小弟90後 珍寶商場 中學時期成日落去買卡買game 利群就果陣中藥味記憶猶新😂

第一次睇你哋嘅片，見返珍寶同利群商場，真係好多回憶，亦都好多感觸，多謝兩位🥹 會裝修之前返去利群商場睇吓😄

90後住香港仔過二十年😂 印象依兩商場一直都係咁 細個買玩具都係利群外圍嘅文具舖 以前仲有間咖哩屋好食 中學個陣要買game 都要出灣仔/旺角

香港仔南記已非昔日南記口味喇 南區人識揀應該係會去山窿謝記(已結業多年) 珍寶>利群>利港商場>>>>>>>香港仔中心商場 利群多小電器(WALKMAN收音機果類) 利港商場值得去只有地庫惠康同樓上利港1/2(戲)院

以前利群樓下萬昌賣文具模型。海洋係漫畫店。樓上間曼城體育鋪開左好耐。而旁邊果間賣衫好平。低至20蚊。30蚊就有。百幾蚊都有。。不過都係廿年前既事了。。 珍寶呢。以前好多賣老翻架。地庫一落樓梯果個影印鋪好多年架了。起碼20年。地庫以前係最精彩架。有幾間係賣下小食。最大個鋪位以前係賣老翻。咸game都有。。不過我印象中睇鋪果幾個好似係好瘦。對面就有間賣卡既。nba藍球卡又有。Pokémon果啲又有。好正架。。再行前就係模型果啲架。。以前仲試過有花鋪。 珍寶最高果層一上到去以前係琴行。。又係20年前既事了。但幾年前都轉了。

終於黎香港仔！👍🏻

Super thank you!!! Super support you two's joint videos!! don't let it stop!

層經晌珍寶地庫返過工,果度個冷氣真係廿年都係咁,唔旭都想出汗,夏天底褲都濕架,但租金就真係平,唯獨地庫係咁焗,一上番地面係兩個世界

利群以前有2間鋪賣精品同玩同,一間叫萬昌玩具屋入商場入面,一間叫昭明書局係商場外面,雖然而家昭明書局未執不過冇賣玩具好多年. 至於珍寶以前地庫一落去都係影印鋪,轉角位又係影印鋪,好多學生黎成本書影印,因為真係好平 , 地庫電梯位一落黎係賣game鋪,隔離就賣PS SS翻版GAME, 珍寶頂樓有無痛穿耳呢類野,又有少少潮流野

做返個第一先，加油，支持！

同師傅互動好正！👍👍

利群啲舖其實好多街坊幫襯，裝修完如果冇咗原本嗰啲都幾唔方便。

回憶又返嚟喇！三十年前第一份工就係街市熟食中心茶餐廳做，呢兩個商場就係成日去送外賣嘅地方😂

陸運會完左（00,01）行珍寶時已經係呢個feel，而且都係冇乜卡，不過記得仲有間電腦同埋地庫真係有間元視蠟燭，利群當年的確有2-3間模型可以睇到買到高達架

以前附近返中學Lunch必行"珍寶商場",有漫畫店,CD舖,整電腦,地下就有幾間Game舖-Copy超任Game,PS Game那些, 至於利群商場 就少行好多,係買D足球用品先上一樓行吓!!

支持hebe 👏👏❤️

小弟呢... 97-99年喺2樓嗰間電腦舖做嘅 (片中6:14 及6:18 嗰兩個舖) (我做的時間唔算長, 另外嗰位就做到執) 我學生時期就正如片中所講 放學就喺珍寶商場Hea 一大輪先返屋企 3樓有金暉, 新金暉當年dump 超任floppy... 之後就老翻PS1 Game 地庫就有間中開門的老翻software 進昇電腦呢... 當年都算係香港仔最多客最老實 不過隨住電腦越來越平 買過部好過整 所以...

八十年代尾，試过由柴灣嚟到利群商場買紅白机帶。利群內运動舖鬍鬚堅係香港仔老店，搬过几次。

珍寶地庫我印像係賣老翻GAME曬相,影學生相到後尾有段時間好多卡鋪同做2手書 不過舊陣成日排隊排到上地面就真 利群最旺果陣應該係商務印同間玩具店同運動野,樓上一向好多人睇中醫同醫生唔算死,仲有賣鞋賣衫 d平款翻工鞋唔想去街市就呢邊 買game玩具唔知係咪仲叫數碼天地果邊可能有

無game鋪架喇，要買都係要出188買 電腦野去過少少數碼天地都仲有既，佢地就做街坊生意你唔會預佢地d貨係最新最勁（當佢救命用啦例如printer無墨／要買隻mouse之類） d學生都係係利群後面檔小食掃下街 企係度傾下計 成個社會都轉緊型 90後都未必出去買game係steam買算嚕 00後可能連機都唔打

住在附近每次去香港仔 也喜歡去利群商場看看👀 feel 下 30多年前的回憶 😎

珍寶以前樓上有老翻Game同電影VCD賣，而喺我中學時期，地庫係漫畫鋪、小食店賣撈麵，仲有部PS2畀人打高達，成為Lunch集中地

90年代尾，珍寶2萬3個鋪賣過非正版CD😂

以前我買超任遊戲必需去，地庫有間為一買遊戲都冇埋😂😂😂， 香港仔有三間商場， 珍寶商場 利群商場 同埋利港商場😌

香港仔是南區中心地帶，呢兩間商場食正紅白機，超任年代，當年放學必去行返轉，其實而家間中經過行返轉

重記得1999年小學果時同朋友去珍寶地庫間卡舖玩遊戲王第一代，青眼白龍，黑魔導士。重記得個老闆重成日起店舖入面食煙。😂

紅白機年代去珍寶抄碟，十幾年前有影碟店可以租碟，地庫買翻版碟。

有冇人記得利群外圍間萬應堂涼茶

住ALC &讀書係香港仔既🙋‍♂️🙋‍♂️ 放LUNCH同放學都必去呢兩個場走轉，珍寶抄碟真係又快又齊，睇啱no. 比錢轉頭就拎碟🤭，同場仲有鋪頭可以租機打機，當時neogeo勁貴，好似20蚊15分鐘？唔太記得😂可以係機鋪以外地方打KOF/餓狼，好鬼chill；地庫仲有間賣漫畫，每星期有A4影印版既龍珠最新一話賣😂🤫 利群地下既精品鋪同game 鋪係最有印象，係ALC 坐街渡過去抄game，紅白機既磁碟分2m4m6m🤭 多謝hebe ❤睇完你條片太多回憶湧上來

珍寶商場地牢已經無冷氣，原因係成楝商場嘅業權太分散，無辦法夾錢做維修or翻新，所以呢個格局應該可以再保留多30年😂😂

個商場真係keep得幾好

利群地下以前有間Game 鋪，嗰時仲係Game Boy 超任時期，佢個櫥窗會擺正版既Game Boy 帶出黎，隔離又會有啲可能係二手同埋幾多十合一既帶，亦都有一個位置就係放賣閃咭，係每次去香港仔必去既地方。 跟住過少少，向海濱方向既出口，有萬昌，就係文具精品模型鋪，一盒盒show 出黎，睇下有冇新既高達模型出，就咁眼望都覺得開心，然後未夠喉，去埋後面間昭明，睇下有冇萬昌冇既模型，有啲散銀既話，就會喺鋪頭門口擰萬變咭。

以前住舊石排灣邨，呢兩個場，細個會同班邨童或同學入去玩 捉依恩 個場d地板冇變過，着住對拖鞋扇下扇下玩，比管理員捉，好有回憶

90 年代珍寶黃金時，有遊戲機🎮、CD 、模型、漫畫、閃卡、電腦💻、租錄影帶 , 最旺係放學後或中午時間。

連香港仔都拍埋身為利東出世的我好感動T_T地庫我中學玩PS系列個陣當正佢188咁日日去,上面有間好大間織毛衣鋪我叔婆成日去學織之後我就去下面GAME鋪睇人打機

珍寶我剩係記得PS1老翻碟，100蚊7隻，或者抄SFC碟，最記個度有間黑店，我部紅白機1P有粒制壞左(依家我知係個導電膠爛左)，拎去維修，維修完1P正常，2P同位置唔正常，大過仔我先明白，佢將2P制的零件和1P交換..... 珍寶地牢以前有間買正版GAME，係同商場，成堆老翻之下的一股清泉，老翻時代過後都仲啲中學生行，因為好似有幾間穿耳服務店鋪? (當然學校係唔比男生穿耳)。 利群樓下的中藥味由細聞到大，以前去利群，除左佢有間玩具店(文具鋪)外，佢有間書局(影片中一入去左邊第一間位置)，每年暑假，都要去佢到買新書。然後又有漫畫鋪，利群地下條路就像T字位，如果假設影片中他們入去係入口，入口有書局，行到尾有玩具鋪，如果中途右轉，直達漫畫店，咁2樓成日被阿媽帶去買鞋，買鞋買衫個D無咩變過。 香港仔依家應該無模型鋪，鴨利洲都無，最近應該要出灣仔。 p.s.書局關門時，TVB有報告過，唔記得係咪當年租借書碟當係老翻的法例通過後，TVB定係港台的星期幾檔案做特輯，有訪問過利群漫畫店。 題外話，鴨利洲以前真係離島黎，利東村的居屋起完，入伙，條橋係仲未整好，KFC，麥記，必勝客，電影院得香港仔先有(鴨利洲之後才慢慢開始有)，咁仲唔係青年人流年勝地XD。 同埋利東村以前我細個和朋友周街跑周街玩，見到周地都係針筒(草叢邊，坑渠邊)，大廈附近一地針筒，我當時仲以為周地針筒好正常，但香港仔好靚仔，唔見有針筒。

Card Game 電腦 依家會行數碼天地 個人覺得可以試吓訪問多啲街坊 其實利群，珍寶呢20年都差唔多狀況

好懷念以前copy碟老翻電腦的年代... 而且那時百花齊放, 就算一隻簡單的文書系統都有很多選擇~

Thanks for your sharing

珍寶最興盛當然係賣老翻果個年代，落地庫煙霧彌漫，放學冇野做一定落去行轉😂

上次真是認不出是司徒夾帶師傅，今次好像瘦身了恢復當年樣貌

你兩個拍擋唔錯

見到利群賣運動果間鬍鬚佬logo仲係度，真係懷念，間野我30年前住南區時就係度

終於來到香港仔

好嘢！又有夾帶做嘉賓，好鍾意睇你哋兩位嘅化學作用 😊

15:27 真心似紅磡廣場 😂

依家香港仔唯一有模型賣的係數碼天地商場有間玩具舖，老闆好nice, 好記得珍寶電梯一上係飛翔，超任年代排晒隊copy game, 20蚊一隻； 另外有個阿姨專賣chevignon 牛仔褲、T , 做左好耐，但係新年前已經冇做了😢

珍寶時我已經好少逛香港仔，利群就真係自細行大，已前G/F 有間氣槍／玩貝店都幾多嘢睇。

3:02 I saw the beginning construction of this old building ! Maybe 53 years ago when I was a child.

我住香港仔應該都有10年冇去珍寶，連玩具反斗城同冒險樂園都執咗

多謝

嗰時係人安度睇中醫都睇咗好幾年 利群啲舖頭其實都差唔多 反而珍寶地庫啲舖就唔同哂LU~ 嗰時有賣過潮物啦, 又有賣遊戲機啦, 之後就有排有賣啲遊戲王卡呀嗰啲咁

珍寶以前有劍可以訂 利群以前有間漫畫店叫海洋 通常出面都入唔到手既漫畫/小說都會係果間搵到 果兩間商場好似係我中學畢業之後先變左(2017左右)

以前係珍寶地庫漫畫鋪租左套性知識漫畫 改變左我人生 多謝你呀占

兩位好有化學作用, 有機會要多多合作

珍寶以前係40%後生仔嘢(game舖/整電腦）. 60%師奶嘢 只係而家係變左100%師奶嘢 利群最經典係間租書舖. 不過最後頂唔順執左. Game呢樣嘢香港仔冇得賣好耐喇. 漫畫舖執哂好多年. 街市翻新前有檔大報紙檔有d漫畫賣下. 遲d翻新完唔知會唔會翻嚟做. 電腦嘢而家得‘’數碼天地‘’有幾間. 基本上後生仔玩樂嘢之前都係出灣仔銅鑼灣同旺角買.

😂😂😂戴埋帽又真係幾似兩兄弟😂😂😂

👍👍支持

小學到中學時代都會返學放學去珍寶，以前珍寶1樓,2 樓有2間漫畫鋪，3樓就有間賣明星相。當年我D同學係要經賣明星相鋪去買smap, v6, kinki kids D 老翻綜藝VCD，亦因為呢間鋪先會去學日文。到中學畢業，有個當年被迫退休既中學老師，自己係片中 2萬3 全包個間鋪開左間補習社，淨係教中文& 中國文學。其實入去既人都冇變過，只係由十歲變左3X 40歲。以前係裡面磨時間，依家係有目的買完就走者。 利群有間執相鋪，細心睇就會見到讀書時代既鍾舒曼既校服相

唔駛講，珍寶地庫係讀書時打咭聚腳點同埋老翻cd，當然樓上有dup碟賣遊戲機鋪頭，仲有一間鋪俾五蚊打唔記得三個字定半個鐘超任

會唔會行下置富花園個商場呀 BTW, 張國榮 Monica 大碟個封套係置富個泳池拍架

利群個到，有間叫四達賣書，每年開學都排晒隊！！

已睇晒片同廣告 我都係成日去香港仔，細個住大街。 珍寶唔多入去，因為都係舊商場，唔係男仔會入去睇個d

香港仔人要買玩具以前都係奇特店或者萬昌，不過睇新聞以前萬昌個老闆開工果時心臟病發走左，之後佢個姪接手，無耐就close左。

出面好多都鋪頭都話自己係香港仔魚蛋粉 但只有南記先真係由香港仔發跡

利群商場地庫以前有間買高達模型同BS卡，不過執咗好耐。（而家買運動用品嘅舖位）

係樓梯邊果間試下賣衫做過速剪。 以前一落地庫果間係曬相舖。我自己係果間影學生相。直行右邊第二定第三間舖係game舖。如果要買番梘碟佢會拎本簿比你揀完再拎比你。行到尾轉右直行盡頭左邊果間係零食店。再轉右果行好多都係賣遊戲卡。以前成日坐係舖頭入面玩遊戲王😂

利群通常都係買鞋同中藥 細個好鍾意去一樓間運動鋪買波boot 踢波 啲款幾齊同埋幾平 而家有埋鬍鬚堅去多咗 利群個感覺係運動+中藥

以前珍寶可以打機，pc engine, 超， $5打15分鐘，如果依家買game可以係豐澤 嗰個商場好似有 遊戲碟， 不過而家唔知執咗未

利群賣藍光碟運動嘢嗰間以前叫鐳射天地租LD,錄影帶,vcd,dvd, Blu ray,以前喺大家樂個位置之後搬咗去數天地再搬去利群,我由細租到大,懷念❤