Рет қаралды 78
Ақмола облысы Ішкі саясат басқармасының «Қоғамдық даму орталығы» КММ-нің ұйымдастыруымен Қаныш Сәтбаевтың 125 жылдығына арналған «Өмірі өнеге» атты ғылыми конференция өтті.
Ғылыми конференцияның мақсаты - геолог-ғалым, профессор, қазақтың тұңғыш академигі Қаныш Сәтбаевтың өмір жолы мен ғылыми еңбектерін өскелең ұрпаққа дәріптеу. Ел жастарын ғылымға бейімдеу.
Конференцияға Ақмола облысы Ішкі саясат басқармасының басшысы Алмас Алин, Сәтбаевтанушы, Еңбек ардагері Мейрамбек Қиықұлы Қиықов, Е.А. Бөкетов атындағы ҚарМУ-нің «Отан тарихы» кафедрасы меңгерушісі, археология, этнология ғылымдарының PhD докторы Қанат Тұрымұлы Бөдеев, Ш.Уәлиханов атындағы КУ-нің аға оқутышысы т.ғ.к., доцент Марат Зейнатұлы Утегенов, Ш.Уәлиханов ат. КУ-нің Тау-кен ісі, құрылыс және экология кафедрасының қауымдастырылған профессоры, PhD Динара Суюндиковна Кауметова, «Altyntau-Kokshetau» АҚ-ның геологиялық барлау бөлімінің бастығы Малика Зейнеллаевна Кажумуканова, М.Ғабдуллин музейінің аға ғылыми қызметкері Майра Шаяхметқызы Жолаушина, «Солтүстікқазжерқойнауы» Солтүстік Қазақстан өңірлік инспекциясының басшысы Досхан Қайратұлы Амринов, Көкшетау қаласының зиялы қауым өкілдері, ҚБ өкілдері, жас ғалымдар, доктораннтар, магистранттар мен жоғары және орта білім ордаларының студент-жастары, сондай-ақ БАҚ өкілдері қатысты.
Игі шарада кеш қонақтары тарапынан тұңғыш академик Қаныш Сәтбаевқа деген құрмет пен ізгі тілектер молынан айтылып,тағылымды баянжамалар жасалды. Конференция модераторы ретінде Ш.Уәлиханов атындағы КУ ректорының кенесшісі, Аманбай Сейткасымов іс-шараны жүргізіп отырды.
Шара соңында баяндамашылар мен қатысушыларға Ақмола облысы әкімінің орынбасары Алтынай Әміренованың атынан алғыс хаттар табысталды.
Ары қарай кеш «Достар» МС-ның өнерпазларының патриоттық әндерімен өз жалғасын тапты.
Дәл осындай игі іс-шаралар ұйымдастырушылар тарапынан алдағы уақытта да өз жалғасын таппақ.
Қаныш Сәтбаевтай ұлыларымыз әрдайым ұлықтала берсін!